Macrino Suárez

De Wikipedia
Saltar a navegación Saltar a la gueta
Macrino SuárezPicto infobox character.png
ministro de Finanzas Traducir

1971 - 1977
Distritu: Segunda República Española en el exilio Traducir
Eleiciones: Segunda República Española en el exilio Traducir
Vida
Nome completu Macrino Suárez Méndez
Nacimientu Ḷḷuarca31  de mayu de 1936
Nacionalidá Bandera d'España España
Fallecimientu

Uviéu15  de mayu de 2012

(75 años)
Estudios
Llingües castellanu
Oficiu
Oficiu economista y políticu
Emplegadores Centro Nacional para la Investigación Científica Traducir
Miembru de Consejo Federal Español del Movimiento Europeo Traducir
Creencies
Partíu políticu Acción Republicana Democrática Española Traducir
Cambiar los datos en Wikidata

Macrino Suárez Méndez (31  de mayu de 1936Ḷḷuarca - 15  de mayu de 2012Uviéu) foi un economista y políticu español, ministru del últimu gobiernu de la Segunda República Española nel esiliu. Foi'l ministru d'Economía del gobiernu de José Maldonado.

Biografía[editar | editar la fonte]

Nació en Ḷḷuarca semana antes d'españar la Guerra Civil Española. El so padre combatió de parte del bandu subleváu. Estudió'l bachiller nel institutu fundáu por Luis Ochoa, hermanu de Severo Ochoa, del so pueblu natal y en 1952 empezó la carrera d'Económiques en Madrid, que nun concluyó porque foi procesáu por inxurias al Xefe d'Estáu por cuenta de que, na pensión na que vivía, fuéron-y requisadas unes octavielles cola imaxe de Francisco Franco vistíu de xitana cola lleenda La bien pagá y del presidente estauxunidense Dwight D. Eisenhower vistíu de toreru. Tuvo quince díes incomunicáu y cuatro meses prisioneru na cárcel de Carabanchel. Fixo'l so 5º cursu de carrera y gracies a unes xestiones del so padre, fuxó a Francia.

Mientres el so esiliu, trabayó nuna imprenta, terminó la so carrera y depués doctoróse na Universidá de París. Trabayó como investigador del Centre National de la Recherche Scientifique y realizó viaxes como miembru de les delegaciones del Gobiernu francés pal desenvolvimientu económicu de Méxicu, Perú, Arxelia y Burundi.

En 1971 foi nomáu ministru d'Economía y Facienda del Gobiernu nel esiliu de la Segunda República Española, cargu qu'ostentó hasta 1977, cuando José Maldonado eslleió'l gobiernu por cuenta de les eleiciones xenerales d'España d'esi mesmu añu.

Tamién foi secretariu xeneral del Conseyu Federal Español del Movimientu Européu que formó parte del "IV Congresu del Movimientu Européu" celebráu en Múnich y dichu congresu foi peyorativamente llomáu pola dictadura franquista como'l Contubernio de Múnich. Foi, amás, secretariu xeneral del partíu Aición Republicana Democrática Española.

En 2002 xubilóse y en 2005 treslladar a vivir a Asturies. Llegó a presidir l'Asociación José Maldonado y el Atenéu Republicanu d'Asturies. Morrió en 2012 por causa de un infartu.[1]

Ver tamién[editar | editar la fonte]

Referencies[editar | editar la fonte]

  1. «Macrino Suárez, últimu ministru de la II República» (17 de mayu de 2012). Consultáu'l 22 de xunu de 2012.



Macrino Suárez