Macedonia Antigua

De Uiquipedia
Saltar a: navegación, buscar

Pa otros usos d'esti términu, véyase Macedonia (dixebra).

L'imperiu d'Aleixandre Magnu

Macedonia ye una rexón hestórica allugada nos Balcanes y que se formaba dende antigu pola xunión de las autuales Épiru, Tesalia y Tracia colu que güei conocemos como la Macedonia hestórica, ye diciere la Macedonia Griega -con capital en Tesalónica-, la provincia búlgara de Blagoevgrad (Pirin-Macedonia), l'estáu de República de Macedonia y dellas comarcas d'Albania oriental.

Cultura[editar | editar la fonte]

La filiación cultural de los macedonios nun paez tar clara, por embargu sí paez claru que la súa llingua yera indoeuropea pero abondo estremada de la griega quienes nun consideraban a Macedonia parte del sou enxeme cultura como lu amuesan los comentarios d'hestoriadores como Tucídides ou'l nome de bárbaros -estranxeiros- que los griegos de la dómina daban a los macedonios; y, si qu'asina, la hestoria del antiguu reinu de Macedonia ta enllazada cola de Grecia y Anatolia. Sigún estudios arqueolóxicos en 700 a.C. un pueblu nomeáu mcedoniu emigróu pal leste dende la súa tierra natal a la veira del ríu Aliacmón, espardiéndose ta la península Calcídica.

L'imperiu de Grecu Macedonia[editar | editar la fonte]

Macedonia algamóu una posición hexemónica dientru Grecia pente'l reináu de Filipo II (359-336 a.C.). Alexandru Magno, fíu de Filipo ya escolín del filósofu Aristóteles, llevóu los exércitos macedonios ta'l norte d'África, Arabia, Mesopotamia y la India. Abríendose con eillos la dómina conocida como Helenismu. Llevantáu nun curtu períodu de 11 anos, l'imperiu macedoniu helenizóu l'Oriente. Alexandru Magno fundóu una gran cantidá de ciudaes nas tierras conquistadas, ente eillas Alexandría, n'Exiptu.