Lyceum Club Femenino

Lyceum Club Femenino
	asociación
Llocalización
País	España
Autonomía	Comunidá de Madrid
Conceyu	Madrid
Sede	Madrid
Direición	España
Forma xurídica	asociación y asociación de mujeres (es)
Historia
Fundación	1926
Disolución	1936
Fundador	María de Maeztu
Organigrama
Presidente	María de Maeztu

El Lyceum Club Femenino foi una asociación de muyeres que funcionó en Madrid ente los años 1926 y 1939, la primer asociación feminista del estáu.^[1] Ente l'importante númberu de socies pue destacase la so entamadora y presidenta, la escritora novecentista María de Maeztu.^[2]

Antecedentes internacionales[editar | editar la fonte]

Foi fundada en 1926 por una centena de muyeres d'ámbitos culturales ilustraos, siguiendo'l casu del primer lyceum creáu en 1904 en Londres pola escritora británica Constance Smedley-Armfield. L'oxetivu lyceum yera la defensa de los intereses de la muyer, al mesmu tiempu que ofrecía un llugar d'alcuentru y promovía el desenvolvimientu educativu, cultural y profesional de les muyeres, y tamién facilitaba la organización d'obres de calter social. Darréu surdieron clubes similares en Berlín, París, Barcelona, Bruxeles, Nueva York, Roma, L'Haya y otres ciudaes del mundu. En 1909 organizóse una federación internacional d'estes asociaciones. El club yera aconfesional y apolíticu, y l'almisión como socia taba restrinxíu a muyeres que ficieran trabayos lliterarios, artísticos o científicos, que participaran en causes sociales o que tuvieran títulos académicos.^[3]

Creación n'España[editar | editar la fonte]

El club taba formáu por muyeres de la élite sociocultural del estáu que, por mor del so ambiente familiar, teníen un nivel eleváu d'educación, interés pola cultura y tiempu pa desendolcar actividaes. Nel momentu de la so fundación tenía 115 socies. Los cargos del club yeren:^[2]

Presidenta: María de Maeztu.
Vicepresidentes: Victoria Kent (abogada) ya Isabel Oyarzábal (escritora y diplomática)
Secretaría: Zenobia Camprubí (traductora)
Vicesecretaria: Hellen Phillips
Ayalguera: Amala Galárraga
Bibliotecaria: María Martos de Baeza

Basóse nos estatutos de Londres, que fueron aprobaos poles asociaes.^[3] Al igual que l'asociación inglesa, tenía seis seiciones: lliteratura, música, artes plástiques ya industriales, internacional, ciencies y social, a les que s'amestó una propia: Hispanoamérica.^[2] Los oxetivos xenerales del club yeren la defensa los intereses morales y materiales de la muyer, el desendolcu de iniciatives económiques, científiques y artístiques, fomentar l'espíritu coleutivu, organizar obres de calter social y celebrar conferencies, ente otres actividaes.

En 1931 creóse el Lyceum Club de Barcelona convirtiéndose nun espaciu d'alcuentru de destacaes escritores catalanes como Aurora Bertrana o Carme Montoriol.^[4]

Desapaición[editar | editar la fonte]

Col españu de la Guerra Civil Española y la derrota y exiliu de la República, pesllóse'l Lyceum, que pasó a ser el "Club Medina", controláu pola Seición Femenina esponente d'una ideoloxía que sometía la muyer a un papel subordináu.^[2]

Referencies[editar | editar la fonte]

↑ Hurtado Díaz, Amparo (1999). «El Lyceum Club Femenino. Madrid (1926-1939)». Boletín Institución Libre de Enseñanza, II Época: páxs. 23-36.
↑ ^2,0 ^2,1 ^2,2 ^2,3 Mangini, Shirley (2006). «El Lyceum Club de Madrid, un refugio feminista en una capital hostil» (en castellán). ASPARKÍA, núm. 17: páxs. 125-140. http://www.nadieseacuerdadenosotras.org/WEB_SECCIONES_14_8_10/MOVIMIENTOS_FEMINISTAS_MILICIANAS_II%20REPU/PDF_FEMINSIMOS_REPUBLICA/El_Lyceum_Club_de_Madrid_un_refugio_feminista_en_una_capital_hostil.pdf.
↑ ^3,0 ^3,1 Xunta de Castiella y Lleón (ed.): «Lyceum Club Femenino» (castellán). Consultáu'l agostu de 2019.
↑ Zavala, Iris M. (2000). Breve historia feminista de la literatura española (en lengua castalana, gallega y vasca) Vol VI. Anthropos. ISBN 978-8476585771..

Enllaces esternos[editar | editar la fonte]

[1] Hurtado Díaz, Amparo (1999). «El Lyceum Club Femenino. Madrid (1926-1939)». Boletín Institución Libre de Enseñanza, II Época: páxs. 23-36.

[pdf-2] 2,0 ^2,1 ^2,2 ^2,3 Mangini, Shirley (2006). «El Lyceum Club de Madrid, un refugio feminista en una capital hostil» (en castellán). ASPARKÍA, núm. 17: páxs. 125-140. http://www.nadieseacuerdadenosotras.org/WEB_SECCIONES_14_8_10/MOVIMIENTOS_FEMINISTAS_MILICIANAS_II%20REPU/PDF_FEMINSIMOS_REPUBLICA/El_Lyceum_Club_de_Madrid_un_refugio_feminista_en_una_capital_hostil.pdf.

[xcyl-3] 3,0 ^3,1 Xunta de Castiella y Lleón (ed.): «Lyceum Club Femenino» (castellán). Consultáu'l agostu de 2019.

[4] Zavala, Iris M. (2000). Breve historia feminista de la literatura española (en lengua castalana, gallega y vasca) Vol VI. Anthropos. ISBN 978-8476585771..

[1]

[2]

[3]

[4]