Luis Planas
.jpg)
.svg){kind=logo}
Luis Planas Puchades (20 de payares de 1952, Valencia) ye un políticu español. Anguaño ye secretariu xeneral del Comité Económicu y Social Européu y ministru d'Agricultura y Pesca y Alimentación del Gobiernu d'España.
Biografía[editar | editar la fonte]
Nacíu'l 20 de payares de 1952 en Valencia,[2] ye sobrín de Josep Maria Planas.[3]
Ye llicenciáu en Derechu pola Universidá de Valencia[4] y premiu Estraordinariu de Llicenciatura. Inspector de Trabayu y de la Seguridá Social. En 1980 ingresa por oposición a la Inspeición de Trabayu y ye destináu a Córdoba. Nes eleiciones xenerales de 1982 ye escoyíu diputáu a Cortes per Córdoba. Mientres esta etapa foi miembru de la Comisión Constitucional y de la Comisión d'Asuntos Esteriores, voceru del Grupu Parllamentariu Socialista sobre Asuntos Europeos y miembru del Comité Mistu Cortes Xenerales-Parllamentu Européu.
Ente 1986 y 1993 foi designáu y dempués electu como diputáu al Parllamentu Européu. Ye miembru de la Comisión d'Asuntos Esteriores y de la Comisión d'Asuntos Institucionales y miembru de la Delegación pa la rellación col Congresu de los EE. UU.
Foi miembru fundador en 1990 del Transatlantic Policy Network.[4]
Vicepresidente de la Comisión d'Asuntos Esteriores (1987-1989) y vicepresidente del Grupu Socialista Européu (1991-1993). En 1993 foi conseyeru d'Agricultura y Pesca de la Xunta d'Andalucía[4] y al añu siguiente conseyeru de la Presidencia de la Xunta d'Andalucía[4] y miembru del Comité de les Rexones de la Unión Europea. Mientres esta etapa ye tamién Diputáu por Córdoba al Parllamentu d'Andalucía. En 1996 foi senador a Cortes per designación autonómica, pero a finales d'esi mesmu añu vuelve a Bruxeles como direutor de Gabinete del vicepresidente de la Comisión Europea Manuel Marín onde foi responsable de les rellaciones col Mediterraneu, América Llatina y Asia.
Dende 1999 a 2004 foi nomáu direutor del Gabinete del Comisariu de la Comisión Europea Pedro Solbes, responsable d'asuntos económicos y monetarios. Esi añu foi nomáu Embaxador d'España en Marruecos.[5] Dende'l 1 d'ochobre 2010 y hasta'l 31 d'avientu de 2011 foi embaxador representante permanente énte la Xunión Europea.
El 7 de mayu 2012 vuelve a España pa ser nomáu conseyeru d'Agricultura, Pesca y Mediu Ambiente de la Xunta d'Andalucía.[4] El 1 de marzu de 2014 incorporóse como secretariu xeneral al Comité Económicu y Social Européu.[4]
El 6 de xunu de 2018 ye nomáu como ministru d'Agricultura nel nuevu gobiernu socialista de Pedro Sánchez.[6]
Cargos desempeñaos[editar | editar la fonte]
- Diputáu por Córdoba nel Congresu de los Diputaos (1982-1986).
- Diputáu nel Parllamentu européu (1986-1993).
- Conseyeru d'Agricultura y Pesca de la Xunta d'Andalucía (1993-1994).
- Conseyeru de Presidencia de la Xunta d'Andalucía (1994-1996).
- Senador designáu pol Parllamentu d'Andalucía (1996)
- Embaxador d'España en Marruecos (2004-2010).
- Embaxador d'España ante la Unión Europea (2010-2011).
- Conseyeru d'Agricultura, Pesca y Mediu Ambiente de la Xunta d'Andalucía (2012-2013).
- Secretariu xeneral del Comité Económico y Social de la XE
Distinciones[editar | editar la fonte]
- Gran Cruz del Méritu Civil de la República d'Austria (1995)
- Gran Gordón de la Orde del Wissam al Alaoui de Marruecos (2011)
Referencies[editar | editar la fonte]
- ↑ 1,0 1,1 1,2 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=148&idLegislatura=13. Data de consulta: 18 agostu 2019.
- ↑ «Luis Planas Puchades, nuevo embajador en Marruecos». El Mundo. 30 d'abril de 2004. https://www.elmundo.es/elmundo/2004/04/30/espana/1083337276.html.
- ↑ Rubio, Javier (2 de xunetu de 2013). «Las diferencias políticas entre Susana Díaz y Luis Planas». ABC (Sevilla). http://sevilla.abc.es/andalucia/20130701/sevi-susana-planas-diferencias-201307011227.html.
- ↑ 4,0 4,1 4,2 4,3 4,4 4,5 (en castellanu) El exconsejero andaluz Luis Planas, nuevu ministru d'Agricultura. eldiario.es. https://www.eldiario.es/politica/exconsejero-Luis-Planas-ministro-Agricultura_0_779372945.html. Consultáu'l 2018-06-06.
- ↑ «Luis Planas Puchades, nuevo embajador en Marruecos».
- ↑ País, El títulu=Los ministros del Gobierno de Pedro Sánchez (2018-06-05) (en castellanu). EL PAÍS. https://politica.elpais.com/politica/2018/06/05/actualidad/1528184377_986559.html. Consultáu'l 2018-06-05.
Enllaces esternos[editar | editar la fonte]
Wikimedia Commons acueye conteníu multimedia sobre Luis Planas.- Ficha de Luis Planas Puchades nel Senáu
- Ficha de Luis Planas Puchades nel Parllamentu Européu
- Transatlantic Policy Network
| Predecesor: Leocadio Marín Rodríguez |
 Conseyeru d'Agricultura y Pesca de la Xunta d'Andalucía 1993-1994 |
Socesor: Paulino Plata Cánovas |
| Predecesor: Concepción Gutiérrez del Castillo |
Conseyeru de la Presidencia de la Xunta d'Andalucía 1994-1996 |
Socesor: Gaspar Zarrías |
| Predecesor: Fernando Arias-Salgado |
.svg){kind=small} Embaxador d'España en Marruecos 2004-2010 |
Socesor: Alberto Navarro |
| Predecesor: Carlos Bastarreche |
Embaxador Representante Permanente d'España ante la Unión Europea 2010-2011 |
Socesor: Alfonso Dastis |
| Predecesor: Clara Aguilera García (Agricultura y Pesca) José Juan Díaz Trío (Mediu Ambiente) |
Conseyeru d'Agricultura, Pesca y Mediu Ambiente de la Xunta d'Andalucía 2012-2013 |
Socesor: Elena Víboras Jiménez (Agricultura y Pesca) María Jesús Serrano Jiménez (Mediu Ambiente) |
| Predecesor: Isabel García Tejerina (Agricultura y Pesca, Alimentación y Mediu Ambiente) |
.svg){kind=small} Ministro d'Agricultura, Pesca y Alimentación d'España 2018-actualidá |
Socesor: Nel cargu |
Datos: Q11689876- Multimedia: Luis Planas
