Luis Lasso de la Vega

De Wikipedia
Saltar a navegación Saltar a la gueta
Primer páxina del Huei tlamahuiçoltica.

Luis Lasso de la Vega (escritu tamién Luis Laso de la Vega) foi un sacerdote novohispano criollu que vivió nel sieglu XVII, ye l'autor del Huei tlamahuiçoltica.[1]

Obra[editar | editar la fonte]

Huei tlamahuiçoltica omonexiti in ilhuicac tlatocaçihuapilli Santa Maria totlaçonantzin Guadalupe in nican huei altepenahuac Mexico itocayocan Tepeyacac (El gran acontecimientu con que se-y apaeció la Señora Reina del cielu Santa María, nuesa querida Madre de Guadalupe, equí cerca de la Ciudá de Méxicu, nel llugar nomáu Tepeyácac), ye un testu en náhuatl nel que se narra'l “Gran portentu” de les apaiciones de la Virxe de Guadalupe al indiu Juan Diego Cuauhtlatoatzin nel Cuetu del Tepeyac nel añu 1531. Unu de los capítulos qu'integren esa obra ye'l Nican mopohua, atribuyíu al indíxena Antonio Valeriano. El testu revela que Lasso de la Vega yera un bon conocedor del idioma náhuatl y de la Lliteratura Náhuatl pos utiliza con habilidá los xiros y les metáfores tradicionales en náhuatl. Esti particular pon de relieve la importancia del Huei tlamahuiçoltica nel ámbitu lliterariu, filolóxicu y llingüísticu. El Huei tlamahuiçoltica foi impresu por Juan Ruyz, el fíu de Enrico Martínez, na Ciudá de Méxicu, en 1649.

Vida[editar | editar la fonte]

Poco se sabe de la vida de Luis Lasso de la Vega. Llogró'l títulu de Bachiller na Universidá de Méxicu. Nel añu de publicación del Huei tlamahuiçoltica desempeñábase como cura vicariu y capellán de la ermita de Nuesa Señora de Guadalupe. Como yera un bon nahuatlato —esto ye, que sabía falar la llingua náhuatl y sirvía d'intérprete—, tenía ente los sos encargos pastorales el de pedricar en náhuatl. Foi nomáu miembru del capítulu catedraliciu en 1657.

Ver tamién[editar | editar la fonte]

Referencies[editar | editar la fonte]

Bibliografía[editar | editar la fonte]


Luis Lasso de la Vega