Luis Balagué

Luis Balagué
Vida
Nacimientu	Uviéu, 29 de marzu de 1944
Nacionalidá	España
Muerte	Mieres, 18 de febreru de 2021 (76 años)
Estudios
Llingües falaes	castellanu
Oficiu
Oficiu	ciclista
	Participante Vuelta a España 1969 (34.); Vuelta a España 1970 (18.); Vuelta a España 1971 (10.); Vuelta a España 1972 (45.); Vuelta a España 1973 (8.); Vuelta a España 1974 (30.); Vuelta a España 1976 (36.); Tour de Francia 1971 (45.); Tour de Francia 1973 (25.); Tour de Francia 1975 (26.); Tour de Francia 1977 (47.); Giro d'Italia 1977 (56.) ;

Luis Balagué Carreño (29 de marzu de 1944, Uviéu – 18 de febreru de 2021, Mieres) foi un ciclista profesional ente los años 1969 y 1977.

Entamó a destacar na categoría d'aficionaos algamando los segundos puestos na clasificación xeneral de la Vuelta a Asturies de los años 1965 y 1968 y siendo vencedor absolutu na del añu 1967. Nel añu 1969 daría el saltu al profesionalismu militando n'equipos como Werner, SuperSer y Bic. Nesta etapa como ciclista profesional coincidiría con Luis Ocaña al que sofitaría como gregariu a lo llargo de buena parte de la so carrera.

El so mayor éxitu foi na Vuelta a España del añu 1972, na que ganaría la decimoprimer etapa celebrada ente Manresa y Zaragoza, de 259 km.

Palmarés[editar | editar la fonte]

1965: Segundu na clasificación xeneral de la Vuelta a Asturies (categoría aficionaos)
1966: Segundu de la Vuelta a Cantabria
1967: Primeru na clasificación xeneral de la Vuelta a Asturies (categoría aficionaos)
1968: Segundu na clasificación xeneral de la Vuelta a Asturies (categoría aficionaos)
1969: Primeru na segunda etapa de la Vuelta a los Valles Mineros
1970: Terceru na GP Cuprosan
1971: Ganador de la tercer etapa de la Vuelta de La Rioxa
1972: Primeru de la decimoprimer etapa de la Vuelta a España
1974: Terceru nel Campeonatu d'España de Monte
1976: Primeru na primera etapa de la Vuelta a los Valles Mineros