Lucille Lund

Lucille Lund
Vida
Nacimientu	Buckley (es) , 3 de xunu de 1913
Nacionalidá	Estaos Xuníos
Llingua materna	inglés
Muerte	Rolling Hills (es) , 15 de febreru de 2002 (88 años)
Estudios
Estudios	Universidá Northwestern
Llingües falaes	inglés
Oficiu	actriz, actriz de cine
IMDb	nm0526206

Lucille Lund (3 de xunu de 1913, Buckley ^(es)  – 15 de febreru de 2002, Rolling Hills ^(es) ) foi una actriz cinematográfica d'Estaos Xuníos que trabayó principalmente na década de 1930.

Nacida en Buckley, Washington, Lund estudió drama na Universidá de Northwestern. En 1933 ganó un concursu de guapura, "The Most Beautiful College Coed", qu'incluyía ente los sos premios un pequeñu contratu con Universal Pictures. El so primer trabayu nel cine foi Horseplay en 1933, con un pequeñu papel, y la so primer interpretación d'importancia llegó xunto a Robert Young en 1933 con Saturday's Millions.

En 1934 actuó en seis film. Esi añu trabayó en The Black Cat, una película de terror protagonizada por Boris Karloff y Béla Lugosi, y que foi'l meyor títulu de la so carrera. Amás foi coprotagonista, xunto a Reb Russell de Range Warfare. Tamién en 1934, sería nomada una de les "WAMPAS Baby Stars". De les escoyíes esi añu, solu cuatro tendríen un ciertu ésitu como actrices. Xunto con Lund, les otres trés fueron Helen Cohan, Gigi Parrish, y Julie Bishop. Sería l'últimu añu en que se elegieran les "WAMPAS Baby Stars". Lund participó en ventiún películes ente 1935 y 1939, munches d'elles en cine de serie B. De los sos últimos cuatro trabayos, en trés nun apaeció nos creitos.

Lund siguió actuando, pero pa la publicidá, hasta más allá de los cincuenta años d'edá, anque sumió de la escena de Hollywood hasta la década de 1990, en que foi convidada a un festival cinematográficu y a otros eventos. En 1997 tomó parte del documental Lugosi: Hollywood's Dracula, alrodiu de la vida y la carrera de Bela Lugosi, filme nel qu'apaecíen actores y actrices tales como Howard W. Koch y Louise Currie, y que foi narráu por Robert Clarke. En 2000 Lund tomó parte del documental I Used to be in Pictures, nel cual tamién apaecíen munches actrices de los primeros años de Hollywood, incluyendo a Beverly Roberts, Muriel Evans y Miriam Seegar. Sería l'últimu trabayu de Lund ante les cámares.

Lucille Lund casóse con Kenneth Higgins en 1937. El matrimoniu duró hasta'l fallecimientu d'él en 1973. Lund morrió na so casa en Rolling Hills, California, en 2002, a los 88 años d'edá.

Referencies

• Lucille Lund na Internet Movie Database (n'inglés)
• Northwestern University Lucille Lund

Enllaces esternos

• Esta obra remanez de la traducción de Lucille Lund de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Datos: Q45561
• Multimedia: Lucille Lund