Lourdes Álvarez
Lourdes Álvarez | |
|---|---|
| Vida | |
| Nacimientu | Urbiés[1], 1961[2] (62/63 años) |
| Nacionalidá |
 España |
| Estudios | |
| Llingües falaes |
castellanu asturianu |
| Oficiu | escritora |
| Trabayos destacaos |
Mares d'añil Como aquella que yeres |
| Premios |
ver
|
 | |
Lourdes Álvarez (1961, Urbiés) ye una escritora asturiana, llicenciada en Filoloxía Hispánica.
Collaboró desde moza en delles revistes lliteraries como Cuélebre Literario, Malku, Adréi o Lletres Asturianes. Lourdes Álvarez ta incluyía en toles antoloxíes poétiques d'estos últimos años: Xosé Bolado, Antoloxía poética del Resurdimientu; Ricardo Labra, Muestra corregida y aumentada de la poesía en Asturias; José Ángel Cilleruelo, Nórdica; y Leopoldo Sánchez Torre, Les muyeres y los díes de la poesía asturiana contemporánea.
Ye autora de dellos llibros de poesía: Aldabes del olvidu (1991), Cálices de la nueche (1992), Mares d'añil (Ganador ex aequo del Premiu Teodoro Cuesta de Poesía 1992) y Poesía escoyida. 1985-1997 (1997). En 1994 gana otra vez el “Teodoro Cuesta” col poemariu Como aquella que yeres. Del añu 2006 ye Mediando distancies, volume qu'axunta dellos de los llibros de l'autora. Equí apaez per vez primera espublizáu integramente'l poemariu Como aquella que yeres. En 2018 asoleya'l poemariu P'anular los adioses (Trea Editorial) qu'axunta venti poemas que van dende l'acordanza del tiempu de la infancia a les meditaciones d'una muyer adulta[4].
Nel añu 2017, l'Asociación Cultural L'Arribada concedió-y el premiu Timón de lliteratura n'asturianu[5]
Lourdes Álvarez ye una de les meyores voces de la poesía asturiana del Surdimientu. Autora de voz singular y única, la so obra poética ta carauterizada pol calter simbolista y pola bayura d'imaxenes abstractes.
Tien tamién dalguna traducción: fizo la versión al asturiano de la narración infantil Otto ye un rinoceronte, d'O. L. Kirkegaard y tornó'l llibru de rellatos Un sudaca na corte, de Daniel Moyano.
Obres[editar | editar la fonte]
- Aldaba del olvidu (1991)
- Cálices de la nueche (1992)
- Mares d'añil (1992)
- Poesía escoyida. 1985-1997 (1997)
- Como aquella que yeres (1994)
- Mediando distancies (2006)
- P’anular los adioses (2018)
Premios recibíos[editar | editar la fonte]
- Premiu Teodoro Cuesta de Poesía (1992 y 1994)
- Premiu Timón (2017)[5]
- Premiu Nacional de Lliteratura (2023)[6][7]
Referencies[editar | editar la fonte]
- ↑ «El Comercio» (castellanu). Consultáu'l 1r febreru 2023.
- ↑ «rexistru d'autoridaes BNE». Consultáu'l 27 xunu 2020.
- ↑ «Europa Press» (castellanu). Consultáu'l 1r febreru 2023.
- ↑ Volver tocar la mano que marchó elsummum.es Consultao'l 05.09.2018
- ↑ 5,0 5,1 «Lurdes Álvarez, José Luis Piquero y la Fundación Belenos algamen el premiu Timón 2017». asturnews.com. Consultáu'l 10 de mayu de 2018.
- ↑ «La poeta Lourdes Álvarez, premiu Nacional de Lliteratura Asturiana» (31 de xineru de 2023).
- ↑ «La poeta Lourdes Álvarez, Premiu Nacional de Lliteratura Asturiana na so tercer edición». Consultáu'l 7 de febreru de 2023.
Enllaces esternos[editar | editar la fonte]
| Control d'autoridaes |
|
|---|
Datos: Q11934004