Los Pimientos rellenos

De Wikipedia
Saltar a navegación Saltar a la gueta

Fiesta gastronómica que se celebra'l día 8 d'avientu en Blimea (Samartín del Rei Aurelio. Asturies)

Pimientos rellenos

La fiesta gastronómica[editar | editar la fonte]

La recuperación del pimientu como platu de primera categoría tuvo llugar en Blimea en 1975 cuando Manolito Miranda, a traviés de la Sociedá de Festexos, convoca a los hosteleros. Preséntese "los tres Pedros" (Pedro del Restaurante San Mamés, Pedro del Bar El Indio y Pedro del Café Díaz) y Grandelino Fernández, del Mesón La Peña, y ente toos escueyen los pimientos rellenos como platu representativu de la zona. La fecha escoyida ye'l día 8 d'avientu, cuando se sirve'l menú nos bares y restaurantes de Blimea. Los pimientos son el platu protagonista d'un menú qu'inclúi tamién callos y postres como casadielles, arroz con lleche o frixuelos.

Estes fiestes y los actos que se faen alredor d'elles tán organizaes pola Sociedá Cultural y de Festexos "Virgen de las Nieves".

El platu[editar | editar la fonte]

Ellaboración[editar | editar la fonte]

Nuna cacerola échase un vasu d'aceite y cuando ta caliente dórase nel aceite la carne, sazonándola enantes. Dempués añádense dos cebolles picaes, déxense dorar y añádese'l perexil, la guindilla, el vasu vinu blanco y la cuyarada de pimentón. Revuélvese bien y añádese un vasu d'agua. Déxase cocer durante tres cuartos d'hora, sácase la carne y guárdase. Pásase la salsa per un chinu, pícase la carne y añádese-y la metá de la salsa.

Con un cuchiellu ábrense los pimientos pela parte d'arriba, faciendo un corte circular alredor del rau. Rellénase cola carne guisao y piésllase col sombrerín que recortáremos enantes. Cuando yá tán rellenos, colóquense nuna bandexa al fornu, échase-yos sal y el restu la salsa, y dos garfielles de caldu de cocíu. Métense al fornu durante tres cuartos d'hora, la primer media hora a fueu fuerte, y dempués, un cuartu d'hora restante a fueu moderao.

Ingredientes[editar | editar la fonte]

4 pimientos verdes, 2 cacinos de caldu de cocíu, 4 güevos cocíos, y sal gordo adobao con ayu.

Rellenu[editar | editar la fonte]

Tres cuartos de quilu de xatu (aguya), 1 vasu de vinu blanco seco, 1 cuyarada de pimentón, guindilla al gustu, 2 cebolles, aceite d'oliva, perexil picao y sal gordo adobao con ayu.

Referencies[editar | editar la fonte]


http://lacuencadelnalon.es/web/pimientos-rellenos-en-blimea/ http://www.lne.es/nalon/2013/12/05/blimea-celebra-partir-manana-tradicional/1510322.html http://www.rtpa.es/sociedad:Blimea-celebra-las-fiestas-de-Los-Pimientos-Rellenos_111354969961.html http://www.elcomercio.es/v/20111208/cuencas/blimea-celebra-pimientos-rellenos-20111208.html