Los Nabos

De Wikipedia
Saltar a navegación Saltar a la gueta
Pote de nabos.

Los Nabos ye una fiesta gastronómica que se celebra cada 11 de payares en Sotrondio (Samartín del Rei Aurelio, Asturies).

La fiesta[editar | editar la fonte]

Esta celebración entama nos años 70, anque yá enantes yera un platu tradicional ente los sotrondinos. La escritora Magdalena Alperi refierse a los nabos como un platu esencial n'Asturies durante sieglos, yá que "la pataca, tan usada güei, nun se semó fasta'l final de la guerra de la Independencia, entamáu yá'l sieglu XIX. Dempués entraron en decadencia, dándose époques nes que namás que s'emplegaben como alimentu pa los animales.

Nos años 70 un grupu de sotrondinos encabezaos por Xuacu'l confiteru recuperen los nabos convirtiéndolos nunu de los riquísimos potaxes que s'atopen per tola rexón, acompañándolos d'un bon compangu. La fiesta faise cada 11 de payares coincidiendo cola celebración de San Martín, y ta declarada Fiesta Gastronómica d'Interés Rexonal. El pote de nabos forma parte d'un menú qu'inclúi tamién callos y postres como casadielles, arroz con lleche o frixuelos.

Nos últimos años la organización de les fiestes cuerre a cargu de la Sociedá de Festexos San Martín de Tours, qu'entama distintes actividaes durante esos díes, ente les que destaquen les verbenes, el cross escolar, la feria del miel o'l concursu gastronómicu de los nabos. Amás, tolos años se fai entrega del Nabu de Oru a dalguna persona u organización como reconocimientu al so bon llabor.

El platu[editar | editar la fonte]

Ellaboración[editar | editar la fonte]

Pélense los nabos y córtense más bien grandes. Nuna cazuela alta o nuna tartera grande ponse agua y cuando entama a ferver échense los nabos pa quita-yos el golor.

Fecho esto, n'otra cazuela, tamién con agua ferviendo, añádese en primer llugar los nabos y dempués el compangu, asina como'l restu de los ingredientes. Dexáse cocer a fueu lentu durante tres o cuatro hores. Trescurríu'l tiempu, déxense reposar y sírvense.

Ingredientes[editar | editar la fonte]

Nabos, pimentón, sal, azafrán, ayu picao.

Compangu[editar | editar la fonte]

Tocín, cabeza de gochu, costiella fresco, adobu, chorizu y morciella.

Referencies[editar | editar la fonte]

Enllaces esternos[editar | editar la fonte]