Los Güevos Pintos

De Wikipedia
Saltar a navegación Saltar a la gueta

Los Güevos Pintos ye una fiesta que se fai na llocalidá asturiana de La Pola Siero, nel conceyu de Siero.[1]

Carauterístiques[editar | editar la fonte]

La fiesta faise'l martes de Pascua. Lo más representativo d'ella ye la esposición, venta y regalu de güevos pintaos artesanalmente, con dibuxos de figures y escenes típiques acompañaos de frases o símbolos en colores vivos y variaos. A esti componente añádese la gastronomía y el folclor: sidra, espiches, cantares, dances, festival del folclor, verbenes y otres actividaes a lo llargo de varios díes. Nel día grande ye tradicional vistir el traxe del país. Foi declarada d'Interés Turísticu Nacional en 1968.

Historia[editar | editar la fonte]

Pintar güevos ye una tradición presente en munchos países, poro, los investigadores faen comparances ente la versión de La Pola y la d'otros llugares rastrexando l'orixe de la fiesta. Lo cierto ye que nun hai documentos, pero la teoría más afitada fala de la llegada de trabayadores del centru y oriente d'Europa pa trabayar na minería del carbón, yá que Siero foi de los primeros conceyos onde s'atopó'l mineral.[2]

Téunica[editar | editar la fonte]

Antigüamente los güevos teñíense con sarriu la cocina, los llamaos güevos prietos, y pintábense con anilines. Güei úsense óleos o acuareles.

Notas[editar | editar la fonte]

  1. León Carlos Alvarez Santaló,María Jesús Buxó Rey,Salvador Rodríguez Becerra, (2005), La religiosidad popular: Hermandades, romerías y santuarios, Anthropos, páx. 155
  2. El libro de Siero Ayuntamiento de Siero