Lopadotemakhoselakhogaleokranioleipsanodrimypotrimmatosilphiokarabomelitokatakekhymenokikhlepikossyphophattoperisteralektryonoptekephalliokinklopeleiolagoiosiraiobaphetraganopterygón

El Lopadotemakhoselakhogaleokranioleipsanodrimypotrimmatosilphiokarabomelitokatakekhimenokikhlepikossyphophatoperisteralektryonoptekephalliokinklopeleiolagoiosiraiobaphetraganopterygón^[1] o lopadono ye un platu culinariu ficticiu mentáu nos versos 1169 a 1175 de la comedia Les asambleístes (392 e.d.C.) d'Aristófanes (444-385 e.d.C.).^[2]

El diccionariu A Greek-English Lexicon (1843) de Liddell, Scott y Jones, traduz: ‘platu compuestu de toa mena de delicatessen, pexe, carne, aves de corrolada y mueyos’.^[3]

La pallabra más llarga

La pallabra completa ocupa 6 versos y mediu (1169-1175). El términu orixinal griegu consta de 171 calteres. Ye conocida dende va sieglos como la pallabra más llarga de la lliteratura, y asina lo reconoz el Llibru Guinness de los Récords na so edición de 1990.^[4]

En lletra griega	En lletra romana	Traducción al asturianu
λοπαδοτεμαχοσελαχογαλεο-	lopado-temakho-selakho-galeo-	platu-de-rodaxes-de-pexe-con-raya-restu-de-
κρανιολειψανοδριμυποτριμματο-	kranio-leipsano-drimy-potrimmato-	tiesta-de-tiburón-pupurri-picante-con-
σιλφιοκαραϐομελιτοκατακεχυμενο-	silphio-karabo-melito-kata-kekhymeno-	silfio-cámbaru-de-mar-con-miel-esparnao-
κιχλεπικοσσυφοφαττοπεριστερα-	kikh-lepikos-syphophatto-peristera-	tordu-sobre-mierlu-de mar torcaz-palombu-
λεκτρυονοπτεκεφαλλιοκιγκλο-	lektryonopte-kephalio-kinklo-	tiesta-de-gallu-rustida-zampullín-
πελειολαγῳοσιραιοϐαφητραγανο-	peleio-lagoio-sirai-obaphe-tragano-	pichón-lliebre-cocida-en-sirah-y-cruxentes-
πτερυγών	pterygón.	ales

Composición del platu

El platu yera un fricasé, compuestu de 17 ingredientes amargosos y dulces, como los sesos, el miel, el vinagre, el pexe y los pepinos:

rodaxes de pexe
pescáu de la subclase de los elasmobranquios (tiburón o raya).
escualiformes (pexe con forma d'escualu) lleldáu, o tiesta de tiburón pequeñu
silfiu, aparentemente una mena de ferula
cámbaru de mar (karabo), dalguna clase de braquiuru, escaroboidéu o crustaceu
miel (meli) fluyida
lábridu (pez coloríu), malvís (ave) o tordu (ave).
culapa (ave) o dalgún pexe de mar, como guarnición
palombu bravu
Columba livia (peristera)
gallu coloráu
tiesta (kefa) asada de zampullín común (ave acuática).
llebre (lagós), que podría tratase tantu d'un xéneru d'ave como d'una llebre de mar
vinu nuevu fervíu (sirai)
frutes o alimentos crudos
ales, aletes de pez

Papel na obra

La xinecocracia (matriarcáu) nesta obra intenta instaurar la paridá. Les muyeres creen esti platu con cuenta de pueda satisfaer los gustos de toos.

Referencies

↑ En lletra griega escríbese λοπαδοτεμαχοσελαχογαλεοκρανιολειψανοδριμυποτριμματοσιλφιοκαραϐομελιτοκατακεχυμενοκιχλεπικοσσυφοφαττοπεριστεραλεκτρυονοπτεκεφαλλιοκιγκλοπελειολαγῳοσιραιοϐαφητραγανοπτερυγών.
↑ Aristophanes, Ecclesiazusae, v. 1163
↑ Perseus.tufts.edu. «Definición de la pallabra» (inglés). Consultáu'l 11 de xunetu de 2012.
↑ McFarlan, Donald; McWhirter, Norris Dewar; Boeh, David A. (1990). Guinness book of world records (n'inglés), páx. 129. ISBN 0-8069-5790-5. Consultáu'l 22 de xineru de 2013.

[1] En lletra griega escríbese λοπαδοτεμαχοσελαχογαλεοκρανιολειψανοδριμυποτριμματοσιλφιοκαραϐομελιτοκατακεχυμενοκιχλεπικοσσυφοφαττοπεριστεραλεκτρυονοπτεκεφαλλιοκιγκλοπελειολαγῳοσιραιοϐαφητραγανοπτερυγών.

[2] Aristophanes, Ecclesiazusae, v. 1163

[3] Perseus.tufts.edu. «Definición de la pallabra» (inglés). Consultáu'l 11 de xunetu de 2012.

[4] McFarlan, Donald; McWhirter, Norris Dewar; Boeh, David A. (1990). Guinness book of world records (n'inglés), páx. 129. ISBN 0-8069-5790-5. Consultáu'l 22 de xineru de 2013.

[1]

[2]

[3]

[4]