Lopado
El Lopadotemajoselajogaleokranioleipsanodrimipotrimmatosilfiokarabomelitokatakejimenokijlepikossifofatoperisteralektrionoptekefaliokinklopeleiolagoiosiraiobafetraganopterigón[1] o lopadono ye un platu culinariu ficticiu mentáu nos versos 1169 a 1175 de la comedia Les asambleístes (392 e.d.C.) d'Aristófanes (444-385 e.d.C.).[2]
El diccionariu A Greek-English Lexicon (1843) de Liddell, Scott y Jones, traduz: ‘platu compuestu de toa mena de delicatessen, pexe, carne, aves de corrolada y mueyos’.[3]
La pallabra más llarga[editar | editar la fonte]
La pallabra completa ocupa 6 versos y mediu (1169-1175). El términu orixinal griegu consta de 171 calteres. Ye conocida dende va sieglos como la pallabra más llarga de la lliteratura, y asina lo reconoz el Llibru Guinness de los Récords na so edición de 1990.[4]
| En lletra griega | En lletra romana | Traducción al asturianu |
|---|---|---|
| λοπαδοτεμαχοσελαχογαλεο- | lopado-temajo-selajo-galeo- | platu-de-rodaxes-de-pexe-con-raya-restu-de- |
| κρανιολειψανοδριμυποτριμματο- | kranio-leipsano-drimÿ-potrimmato- | tiesta-de-tiburón-pupurri-picante-con- |
| σιλφιοκαραϐομελιτοκατακεχυμενο- | silfio-karabo-melito-kata-kejÿmeno- | silfio-cámbaru-de-mar-con-miel-esparnao- |
| κιχλεπικοσσυφοφαττοπεριστερα- | kij-lepikos-sÿfofatto-peristera- | tordu-sobre-mierlu-de mar torcaz-palombu- |
| λεκτρυονοπτεκεφαλλιοκιγκλο- | lektrÿonopte-kefalio-kinklo- | tiesta-de-gallu-rustida-zampullín- |
| πελειολαγῳοσιραιοϐαφητραγανο- | peleio-lagoio-sirai-obafe-tragano- | pichón-lliebre-cocida-en-sirah-y-cruxentes- |
| πτερυγών | pterÿgón. | ales |
Composición del platu[editar | editar la fonte]
El platu yera un fricasé, compuestu de 17 ingredientes amargosos y dulces, como los sesos, el miel, el vinagre, el pexe y los pepinos:
- rodaxes de pexe
- pescáu de la subclase de los elasmobranquios (tiburón o raya).
- escualiformes (pexe con forma d'escualu) lleldáu, o tiesta de tiburón pequeñu
- silfiu, aparentemente una mena de ferula
- cámbaru de mar (karabo), dalguna clase de braquiuru, escaroboidéu o crustáceu
- miel (meli) fluyida
- lábridu (pez coloríu), malvís (ave) o tordu (ave).
- culapa (ave) o dalgún pexe de mar, como guarnición
- palombu bravu
- Columba livia (peristera)
- gallu coloráu
- tiesta (kefa) asada de zampullín común (ave acuática).
- llebre (lagós), que podría tratase tantu d'un xéneru d'ave como d'una llebre de mar
- vinu nuevu fervíu (sirai)
- frutes o alimentos crudos
- ales, aletes de pez
Papel na obra[editar | editar la fonte]
La xinecocracia (matriarcáu) nesta obra intenta instaurar la paridá. Les muyeres creen esti platu con cuenta de pueda satisfaer los gustos de toos.
Referencies[editar | editar la fonte]
- ↑ En lletra griega escríbese λοπαδοτεμαχοσελαχογαλεοκρανιολειψανοδριμυποτριμματοσιλφιοκαραϐομελιτοκατακεχυμενοκιχλεπικοσσυφοφαττοπεριστεραλεκτρυονοπτεκεφαλλιοκιγκλοπελειολαγῳοσιραιοϐαφητραγανοπτερυγών.
- ↑ Aristophanes, Ecclesiazusae, v. 1163
- ↑ Perseus.tufts.edu. «Definición de la pallabra» (inglés). Consultáu'l 11 de xunetu de 2012.
- ↑ McFarlan, Donald; McWhirter, Norris Dewar; Boeh, David A. (1990). Guinness book of world records (n'inglés), páx. 129. ISBN 0-8069-5790-5. Consultáu'l 22 de xineru de 2013.
| Control d'autoridaes |
|
|---|
Datos: Q101