Lois Wilson

De Wikipedia
Saltar a navegación Saltar a la gueta
Lois Wilson35mm film frames.svg
Lois Wilson (actress) by Edwin Bower Hesser.jpg
Vida
Nacimientu

Pittsburgh28  de xunu de 1894

[3]
Nacionalidá Bandera de Estaos Xuníos d'América Estaos Xuníos
Muerte

Reno3  de marzu de 1988

[3] (93 años)
Sepultura Forest Lawn Memorial Park
Causa de la muerte neumonía
Estudios
Estudios University of West Alabama (en) Traducir
Oficiu
Oficiu actriz, direutora de cine, guionista, actriz de televisiónactriz de cine
IMDb nm0933773
Cambiar los datos en Wikidata
Lois Wilson

Lois Wilson (28  de xunu de 1894Pittsburgh - 3  de marzu de 1988Reno) foi una actriz estauxunidense conocida fundamentalmente pol so trabayu nel cine mudu.

Nacida en Pittsburg, Pennsylvania, la familia de Wilson treslladóse a Alabama siendo ella bien nueva. Fíxose maestra, y dempués allegó a California, onde ganó un concursu de guapura entamáu por Universal Studios en 1915. En llegando a Hollywood, Lois fixo un pequeñu papel en The Dumb Girl of Portici, protagonizada pola baillarina Anna Pávlova.

N'actuando en delles películes de distintos estudios, Wilson asítiase en Paramount Pictures en 1919, empresa pa la que trabayó hasta 1927. Foi una de les WAMPAS Baby Stars de 1922, y actuó en 150 películes. Los papeles má importantes de Lois son los de Molly Wingate en The Covered Wagon (1923) y el de Daisy Buchanan na versión muda de The Great Gatsby (1926). Trabayó al pie de estrelles masculines de la dómina tales como Rodolfo Valentino y John Gilbert.

Wilson demostró tener un gran talentu, siendo capaz d'interpretar primeros papeles románticos según papeles secundarios. A pesar de que la so transición al sonoru foi esitosa, Wilson nun taba satisfecha colos papeles que recibía nos años trenta, polo que se retiró en 1941, rodando solu cinco títulos dempués de 1939. Lois aventurar en Broadway y na televisión tres el so últimu papel en The Girl From Jones Beach (1947), xunto a Ronald Reagan. Wilson actuó nes series televisives The Guiding Light en (1952) y The Edge of Night.

Lois Wilson nun tuvo nunca casada, y foi escoyida por Paramount Pictures pa representar a la industria cinematográfico na British Empire Exposition de 1924. Foi descrita como "típicu exemplu de moza americana, tantu en calter como en cultura y guapura".

Lois Wilson finó por una neumonía nel Riverside Hospital for Skilled Care en Reno (Nevada) el 3 de marzu de 1988. Tenía 93 años d'edá. Foi soterrada nel Forest Lawn Memorial Park de Glendale, California. El so funeral foi lleváu a cabu nel Good Shepherd de Beverly Hills, California.

Lois Wilson tien una estrella nel Paséu de la Fama de Hollywood.

Referencies[editar | editar la fonte]

  • New York Times, Lois Wilson, Actress of Stage, Television and Silent Film Yera, March 10, 1988, Page D22.

Enllaces esternos[editar | editar la fonte]

  1. 1,0 1,1 Afirmao en: SNAC. Identificador SNAC Ark: w6xs7s7f. Apaez como: Lois Wilson (actress). Data de consulta: 9 ochobre 2017. Llingua de la obra o nome: inglés.
  2. 2,0 2,1 Afirmao en: Internet Broadway Database. Identificador de persona d'Internet Broadway Database: 65246. Apaez como: Lois Wilson. Data de consulta: 9 ochobre 2017. Llingua de la obra o nome: inglés.
  3. 3,0 3,1 Afirmao en: Find a Grave. Identificador Find a Grave: 6940874. Apaez como: Lois Wilson. Data de consulta: 9 ochobre 2017. Llingua de la obra o nome: inglés.