Locustella fluviatilis

De Wikipedia
Saltar a navegación Saltar a la gueta
Locustella fluviatilis
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Buscala fluvial
Flodsangare.jpg
Estáu de caltenimientu
Preocupación menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Locustellidae
Xéneru: Locustella
Especie: L. fluviatilis
(Wolf, 1810)
[editar datos en Wikidata]

La buscala fluvial (Locustella fluviatilis)[2] ye una especie d'ave paseriforme de la familia Locustellidae que vive en Eurasia y África.

Descripción[editar | editar la fonte]

La buscala fluvial mide alredor de 15 cm de llargu. El so picu ye finu y apuntiáu y la so cola llarga. Los sos partes cimeros son de color pardu buxu y llises, ente que les sos partes inferiores son ablancazaes, col pechu veteado en pardu buxu y les coberteras inferiores de la cola tamién pardes coles puntes blanques, dándo-y un aspeutu escamado a la zona. Suel presentar una llista superciliar clara difusa. Los dos sexos tienen un aspeutu similar, y los xuveniles tienen les partes inferiores más amarellentaes.

Dellos individuos presenten un escamado so la cola menos evidente, al tener les llistes blanques de les puntes de les coberteras más anches, colo que tienen un aspeutu más paecíu a la buscala unicolor, anque esta nun tien el pechu veteado y la coloración de les sos partes cimeros ye más verdosa.[3]

El so cantar ye un chirrido rápidu y monótonu similar al de les billorios, con frecuencia emitíu al anochecer y en series llargues.

Distribución y hábitat[editar | editar la fonte]

Ye un páxaru migratoriu que cría en Europa Central y Oriental y l'oeste d'Asia y viaxa al sureste d'África pa pasar l'iviernu. Anque esisten delles poblaciones que se reproducen nel nordés d'África. N'Europa Occidental ye un divagante raru.

Suel vivir nos montes caducifolios cercanos a l'agua, alredor de los banzaos o ríos.

Comportamientu[editar | editar la fonte]

Aliméntase d'insectos. Añera nel suelu ente la vexetación trupa onde suel poner ente 5-7 güevos.

Ye una especie torna y malo de ver, salvu cuando canta. Suel escondese ente la yerba y les carbes baxes.

Referencies[editar | editar la fonte]

  1. BirdLife International (2012). «Locustella fluviatilis» (inglés). Llista Roxa d'especies amenazaes de la UICN 2012.2. Consultáu'l 8 d'agostu de 2013.
  2. De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J (2007). «Nomes en castellanu de les aves del mundu recomendaos pola Sociedá Española d'Ornitoloxía (Undécima parte: Orden Passeriformes, Familias Muscicapidaea a Silviidae)». Ardeola. Handbook of the Birds of the World (Madrid: SEO/BirdLife) 54 (1):  pp. 145-153. ISSN 0570-7358. http://www.seo.org/wp-content/uploads/tmp/docs/vol_54_1_once1.pdf. Consultáu 'l 9 d'agostu de 2013. 
  3. Normaja, Jyrki (1994) Plumage variation in River Warblers Birding World 7(5): 192-5

Enllaces esternos[editar | editar la fonte]