Llionpedia

De Wikipedia
Saltar a: navegación, buscar
Llionpedia.png

Llionpedia foi una enciclopedia en llinia escrita nun rexistru artificial[1] de la variante occidental del asturllionés. El so nome provenía de la fusión de la pallabra Llión y enciclopedia.[2] Foi un proyectu desenrolláu en 2009, basáu nel conceptu d'enciclopedia en llinia que permite la creación colectiva de documentos ensin que seya necesaria la revisión de conteníu enantes de la so publicación n'Internet. Sicasí, la llibre edición xeneraba per se una contradicción, ya que pa poder editar artículos ye necesario'l rexistru d'usuariu, funcionalidá qu'en Llionpedia taba restrinxida, lo que llimitaba'l desendolcu de la enciclopedia a una dedicación estrictamente privada. Dempués de les polémiques surdíes al pocu tiempu de la so apaición,[3] la enciclopedia desapaeció n'abril de 2013.[4]

Referencies

  1. Diario de León. «Profesores de la Universidad desautorizan el leonés de Abel Pardo».
  2. Etimoloxía:
    • Llión: nombre deriváu del llatín legio, n'alusión a la ciudá romana.
    • Enciclopedia: provién del griegu ἐν, en, κύκλος, círculu, y παιδεία, instrucción.
  3. Diario de León. «Los vericuetos de la Llionpedia».
  4. Leonoticias. «Muere la polémica 'Llionpedia'».