Lliberalismu conservador

El lliberalismu conservador ye un movimientu políticu y ideolóxicu que puede ser meyor descritu como la representación de la derecha de la ideoloxía lliberal. El lliberalismu conservador ye la variante más moderada y opuesta al radicalismu nel lliberalismu clásicu. Aplícase como etiqueta a distintos partíos políticos y posiciones ideolóxiques de calter eclécticu y posibilista. Polo xeneral trátase de partíos d'ampliu espectru que engloban tantu la centroderecha política del lliberalismu como a la estrema derecha conservadora y tradicionalista o la combinación de valores y polítiques lliberales con postures conservadores.

Esta ideoloxía política que combina elementos del conservadorismu y del lliberalismu económicu. Los conservadores lliberales creen nel llibre mercáu y les polítiques económiques laissez faire combinaos colos valores conservadores tradicionales, como la creencia de que la desigualdá social ye natural, rechanzando la posibilidá de la xusticia social y la equidad social y aceptando namái una moderada movilidá social, la importancia de la relixón y el valor de la moral tradicional. En ciertu mou, dientro de la corriente lliberal, el lliberalismu conservador ye lo contrario del lliberalismu clásicu.

Les corrientes polítiques definíes con estos términos suelen conciliar el conservadorismu democráticu y el lliberalismu económicu; y defenden un gobiernu llindáu xunto cola defensa de la continuidá del orde democráticu, una vegada qu'ésti quedó establecíu históricamente.

Frente al conservadorismu tradicional, contién una mayor apertura a temes valóricos y fai a un llau el proteicionismu tradicional d'ésti. Frente al lliberalismu tradicional, amuésase alloñáu de los cambeos políticos radicales, y apueste pola estabilidá y el caltenimientu un orde social heredáu, matizáu con cambeos moderaos (reformismu). El lliberalismu conservador tien posiciones económiques lliberales y en favor de la non regulación de l'actividá económica; anque en cuestiones de polítiques sociales, Derechu de Familia derechu de familia, derechos y llibertaes reproductivos y Derechos sexuales tien postures menos lliberales y más conservadores tradicionales, cuando non abiertamente reaccionaries.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]