Llagu Inari
| Llagu Inari | |
|---|---|
 | |
| Situación | |
| País |  Finlandia |
| Axencia alministrativa | Regional State Administrative Agency for Lapland (en)  |
| Rexones | Laponia finlandesa |
| Conceyu | Inari |
| Tipu | llagu |
| Coordenaes | 68°57′35″N 27°36′06″E / 68.95965°N 27.60171°E |
  Llagu Inari Llagu Inari (Finlandia) | |
| Datos | |
| Altitú media | 118,03 m[1] y 115,67 m[1] |
| Superficie | 1081,92 km²[2] |
| Conca hidrográfica |
Paatsjoki basin (en) |
| Superficie de la conca | 14 512 km² |
| Llonxitú | 80 km |
| Fondura |
92 m (máximu) 14,3 m (media) |
 | |
El llagu Inari (finlandés: Inarijärvi ) ye el tercer llagu de Finlandia n'estensión y el sestu d'Europa n'estensión. Alcuéntrase asitiáu na parte septentrional de Laponia, al norte del Círculu polar árticu, ta a 118 metros sobro el nivel del mar. El llagu tien xuna superficie de 1.040,28 km².[3] Desagua escontra el norte al traviés del ríu Paatsjoki, qu'arrama les sos agües al Varangerfjord, una badea del mar de Barents. El so periodu de conxelación estiéndese de normal dende el mes de payares hasta empiezos del de xunu.[4]
Tien 3.318 islles, siendo les mayores Kaamassaari (21 km²), Mahlatti (21 km²), Leviä Petäjäsaari (9,2 km²), Vartasaari (8,3 km²), Iso Jääsaari (7,4 km²), Hoikka Petäjäsaari (7,0 km²), Viimassaari (6,9 km²), Iso Roiro (6,5 km²), Navduusualuj, Taplasaari y Tervassari. Les más conocíes son Hautuumaasaari y Ukonkivi, un históricu llugar sagráu para el pueblu sami, los antiguos habitantes de la zona. Nes agües del Inari ye posible la pesca de truches, salmones, pexes blancos y lucios.
El factor más importante qu'afecta al estáu actual del llagu ye la central hidroeléctrica construyida nel ríu Paatsjoki na URSS. Esta planta empezó a funcionar en 1934 y reguló el nivel d'agua del llagu Inari dende entós. Por cuenta de la regulación, el nivel d'agua del llagu ye aprosimao 0,5 m más altu que nel so estáu natural. Lo que tien efectos perxudiciales na fauna bentónica y nos pexes. La crecedera y les captures de delles especies de pexes, por casu, trucha llacustre, menguaron dende el principiu de la regulación. Fixéronse esfuerzos p'ameyorar la eficiencia de la pesca nel llagu, por casu, por aciu l'usu de nuevos tipos de pesca.
Referencies
[editar | editar la fonte]- ↑ 1,0 1,1 NVE reservoir ID: 757. Data de consulta: 26 setiembre 2021.
- ↑ 2,0 2,1 2,2 Afirmao en: Järvi-meriwiki. Finnish Lake ID: 71.111.1.001. Data de consulta: 4 ochobre 2024. Editorial: Finnish Environment Institute.
- ↑ «Finnish Environment Institute: Finnish lakes larger than 40 square kilometers». Archiváu dende l'orixinal, el 2011-07-25.
- ↑ World Lake Database
Enllaces esternos
[editar | editar la fonte]
Wikimedia Commons acueye conteníu multimedia sobre Llagu Inari.
Datos: Q203137- Multimedia: Lake Inari