Liam o'Flynn

De Wikipedia
Saltar a navegación Saltar a la gueta
Liam o'Flynn
Liam O'Flinn.jpg
Vida
Nacimientu Kill15 d'abril de 1945
Nacionalidá Bandera de Irlanda República d'Irlanda
Fallecimientu

Ciudá de Dublín14 de marzu de 2018

(72 años)
Causa de la muerte enfisema pulmonar
Oficiu
Oficiu músicu
Xéneru artísticu música d'Irlanda
Instrumentu musical Gaita de fole
gaita irlandesa
Cambiar los datos en Wikidata

Liam O'Flynn (15 d'abril de 1945Kill - 14 de marzu de 2018Ciudá de Dublín) (col so nome n'irlandés: Liam Óg Ó Floinn), ye un músicu folk mui conocíu. Vien de Kill de pá y ma músicos, el so pá tocaba'l vigulín y la so ma'l piano. Depués del so primer alcuentru cola gaita irlandesa, les sos influencies más importantes nel so desenvolvimientu foron Leo Rowsome, Willie Clancy, y Séamus Ennis. Liam algamó sonadía por ganar premios nel Oireachtas Festival y el Fleadh Cheoil nos años 60.

Convirtióse nun de los miembros fundadores de Planxty en toles sos versiones. The Chieftains foron los primeros en grabar música instrumental tradicional irlandesa en formatu grupu, pero Planxty llevólo un pasu más llueñe. Ellos dieron impulsu y vitalidá a la música acústica qu'amiraba más al rock and roll qu'a la música clásica europea. O'Flynn dio un importante impulsu a la música de gaita irlandesa, que fora asociada anteriormente a la estricta disciplina de los gaiteiros escoceses. Depués de Planxty atopó facilmente trabayu, y tocó colos Everly Brothers, Enya, Kate Bush, Nigel Kennedy y Mark Knopfler. Él participó tamién en películes, incluyendo "A River Runs Through It" y "Kidnapped". O'Flynn foi lo suficentemente aventureru pa trabayar col compositor John Cage, pero la so alianza natural foi col compositor Shaun Davey.

The Bothy Band foron los socesores naturales del Planxty orixinal, y dos de los sos miembros, Seán Keane y Matt Molloy, grabaron nún de los álbums d'O'Flynn's, The Piper's Call. Él tamién anduvo en proyeutos con Seamus Heaney, meciendo poesía y música.

Liam O f'lynn vieno a Asturies per primer vegada al Festival Intercélticu Beltaine d'Avilés en Xunetu de 2009, amosando'l so bonfacer y dexando un gran tastu ente'l públicu asturianu.

Discografía[editar | editar la fonte]

Solu[editar | editar la fonte]

  • Liam O'Flynn (1988)
  • The Fine Art Of Piping (1991)
  • The Given Note (1995)
  • The Piper's Call (1999)

Con Planxty[editar | editar la fonte]

  • Planxty (1973)
  • The Well Below the Valley (1973)
  • Cold Blow and the Rainy Night (1974)
  • After the Break (1979)
  • The Woman I Loved So Well (1980)
  • Words and Music (1983)
  • Planxty (2004)

Con Shaun Davey[editar | editar la fonte]

  • The Brendan Voyage (1980)
  • The Pilgrim (1983)
  • Granuaile (1985)
  • The Relief Of Derry Symphony (1990)
  • Out To Another Side (1993)
  • May We Never Have To Say Goodbye (2006)