Lexón de San Miguel Arcánxel

De Wikipedia
Saltar a navegación Saltar a la gueta
Lexón de San Miguel Arcánxel
Fundador/a/es Corneliu Zelea Codreanu
Presidente Corneliu Zelea Codreanu
Fundación 24  de xunetu de 1927
Disolución 1945
Sede Bucarest
Estáu Bandera de Rumanía Rumanía
Ideoloxía política anticomunismu y Antisemitismu
Cambiar los datos en Wikidata

La Lexón de San Miguel Arcánxel (en rumanu: Legiunea Arhanghelului Mihail), tamién conocida como Guardia de Fierro (en rumanu: Garda de Fier), foi un movimientu políticu rumanu creau semeyando los procesos fascistes n'Alemaña ya Italia. Entamó como una organización paramilitar pa finar siendo un partíu políticu que collaboró nun entamu Estáu Nacional Lexonariu de Ion Antonescu hasta ser prohibíu y perseguíu pol Estáu tres de la Rebelión de los Lexonarios.

Esta organización foi fundada por Corneliu Zelea Codreanu baxo'l nome de Lexón de San Miguel Arcánxel el 24 de xunetu de 1927 y lliderada por elli hasta la so muerte en 1938. En 1931 funda, dientro d'esta, la Guardia de Fierro, una estaya política y paramilitar qu'acabó por dominar tola organización. Cuando se constituyó como partíu políticu foi baxo'l nome de Too pola Patria (en rumanu: Partidul Totul perntru Ţară).

La so ideoloxía conozse como lexonarismu y aínda ye la bas de los movimientos d'estrema derecha rumanos y ye mui asemeyada al facismu italianu y al nazismu alemán, incluyendo elementos como corporativismu, ultranacionalismu, antisemitismu, anticomunismu y oposición a la masonería.

El so uniforme yera verde representando el rexuvenecimientu del país y adoptaron el saludu romanu. Como símbolu escoyeron una cruz triple que representa les barres d'una celda como sinónimu de martiriu. Esta recibe'l nome de la Cruz del Arcánxel Miguel.