Les Aventures de Superman

De Wikipedia
Saltar a: navegación, buscar
Títulu del capítulu primeru de la serie

Les Aventures de Superman (conocíos n'inglés como Fleischer & Famous Superman) ye'l títulu n'asturianu pa parte d'una serie de diecisiete curtiumetraxes d'animación basaos nel personaxe de cómic Superman.

El pilotu y los ocho primeros fueron producíos polos Estudios Fleischer (1941-1942), mientres que los ocho restantes produciólos Famous Studios, una compañía socesora de l'anterior (1942-1943).

Doblaxe n'asturianu[editar | editar la fonte]

Doblaos al asturianu por Gonzali Producciones en payares de 2014, nel versionáu participaron los actores Carlos Novoa (ClarK Kent / Superman), Ana Blanco Rozada (Lois Lane), Andrés Presumido (Perry White), Lluis Antón González, Carlos Alba, Silvino Torre y Norberto Sánchez, ente otros. Illán Gonzali dirixó y produció'l doblaxe.

Los capítulos de la versión asturiana[editar | editar la fonte]

Títulu Llanzamientu del orixinal Argumentu
Superman  26/9/1941 Una curtia introducción  cuenta l'orixe de Superman y la so llegada a la Tierra. Nel episodiu vemos como Lois Lane y Clark Kent, periodistes, tienen de cubrir la hestoria d'un científicu qu'amenazó con desfacer la ciudá per aciu d'un rayu destructor, pero  Lois actúa sola y acaba secuestrada.

NOTA: Episodiu nomináu al Óscar al meyor curtimetraxe animáu en 1941

Los Monstruos mecánicos 28/11/1941 Un criminal creó un exércitu de robots de robots indestruyibles qu'usa pa cometer robos. Mientres cubren la noticia d'una esposición de xoyes, Clark y Lois sufren l'ataque d'ún de los robots, y Lois termina presa del criminal. Superman dirá al rescate, destruyirá tolos robots nuna engarrada y llogrará salvar a Lois al tiempu que zarrarará al criminal.
El tren d'un billón de dólares 9/1/1942 Unos lladrones asalten un tren que tresporta un billón de dólares n'oru. Lois ta nel tren col envís de facer la información del treslléu, y Superman intervién pa detener a la banda criminal y salvar a Lois y a tolos pasaxeros del tren, parándolu cola so increyible fuerza y poniendo a los criminales a la solombra.
El xigante del Árticu 27/2/1942 Una espedición trai hasta Metropolis un Tiranosauriu afayáu nun bloque xelu, que va enseñase nel muséu de la ciudá. Pero un accidente na maquinaria de refrixeración fadrá que'l xelu acabe eslléndose y que'l dinosariu quede llibre. Superman dirá a lluchar contra'l monstruu, y llogrará reducilu y salvar a Lois delles veces, yá que, como siempres, arriesgara demasiao pola noticia.
Los homes bala 27/3/1942 Una banda criminal tien un estraordinariu vehículu volador acorazáu qu'emplega p'atacar puntos estratéxicos de la ciudá, y nun parará a nun ser que l'alcalde-yos entregue una fortuna del dineru público. Superman llega pa detener la máquina, y nuna llucha espectacular nel aire llogra destruyila, prender a los criminales y salvar a Lois, que s'axudicará una nueva esclusiva.
El telescopiu magnéticu 24/4/1942 Un científicu obsesionóse con investigar los cometes, asina que constrúi un telescopiu que los atrái, y la llegada de los asteroides pue ser fatal pa la Tierra. Supermán fai por evitar l'amenaza y usa'l so cuerpu pa conducir la electricidá del telescopiu, salvando la situación ya invirtiendo la polaridá cola ayuda de Lois.
Terremotu eléctricu 15/6/1942 Un indiu nativu americanu insiste en que la islla de Manhattan sía devuelta al so pueblu. Ante la negativa de los EEXX, escomienza a atacar la islla con una máquina que provoca descargues eléctriques baxo la mar. Superman tien d'acudir pa destruyir la máquina, detener al indiu y salvar a Lois, que, cómo non, cayera presa del maniacu.
El volcán 17/7/1942 Destinen a Lois y Clark a cubrir la noticia d'un volcán que va a entrar n'erupción. Planéase una voladura controlada pa torgar desgracies, pero'l volcán ruxe enantes de tiempu y Superman entra n'acción pa salvar a Lois -que quedara atrapada metanes l'españíu- y pa consiguir que la voladura se faiga ya impedir asina una traxedia na ciudá que ta al par del volcán.
Apavoriu nel circu 26/8/1942 Un gorila xigantescu y furiosu escapa d'un circu semando l'apavoriu ente los asistentes, ente los que s'atopa Lois. Clark camúdase bien rápido en Superman y engárrase col gorila, al que llogra zarrar. Otra vuelta Lois consigue una esclusiva increyible perriba de Clark... gracies a Superman.