Ledava

Ledava
Situación
País	Austria
Estáu federáu	Estiria
Distritu	Südoststeiermark District (en)
Tipu	ríu
Coordenaes	46°53′46″N 15°56′11″E / 46.896168°N 15.936282°E
	Ledava Ledava (Austria)
Datos
Conca hidrográfica	Danube basin (en)
Superficie de la conca	715 km²
Llonxitú	76 km
Desembocadura	Ríu Mur
Afluentes	ver Lipnica (en) , Martjanski potok (en) y Brezovski potok (en) ;

El Ledava (alemán: Limbach, húngaru: Lendva) ye un pequeñu ríu d'Estiria (Austria) y de Transmurania (noreste d'Eslovenia).

Etimoloxía

Los llingüistes creen que l'orixe del nome del ríu puede buscase en dos direcciones: podría provenir del nome personal alemán Lindolf o del nome alemán Lindach.

La ciudá de Lendava y Gornja Lendava (güei Grad) reciben el so nome del ríu Ledava.

Xeografía

El Ledava ye'l ríu más grande del condáu montés (Goričko) de Transmurania y el mayor afluente del Mura n'Eslovenia. Tien un llargor de 80,2 kilómetros. Tien la so fonte n'Austria y flúi primero escontra'l sureste. Entra n'Eslovenia cerca del monte Sotina, el picu más altu de Transmurania, y flúi escontra'l sur. Nesta parte del so cursu forma l'únicu pasu de les tierres altes de Transmurania. Na contorna de los pueblos de Ropoča y Krašči, desagua nel llagu Ledava, que s'estrema por una gran variedá d'especies d'aves, de libélulas y la población de llondres meyor caltenida d'Eslovenia. El Ledava ye l'únicu desaguadoriu del llagu.

Nel so cursu inferior el ríu flúi al traviés de Murska Sobota y Lendava. Nesta parte tien dellos afluentes (principalmente l'esquierdu), siendo'l más grande d'ellos el Krka y el más llargu'l regueru Kobilje. Finalmente únese al ríu Mura xunto a la frontera entre Croacia, Hungría y Eslovenia, cerca de Muraszemenye.

Referencies

Bibliografía

Snoj, Marko (2009). Etimološki slovar slovenskih zemljepisnih imen. Llubliana: Založba Modrijan. ISBN 978-961-241-360-6.
Ficko, Robert; Horvat, Uroš (2013) Od Ledavskega jezera do Sotinskega brega (Občina Rogašovci). Murska Sobota: Založba Ajda. ISBN 978-961-6585-64-4.

Enllaces esternos