Laro Herrero

De Wikipedia
Saltar a navegación Saltar a la gueta
Laro Herrero
Vida
Nacimientu

Santander17  de xineru de 1990

(29 años)
Nacionalidá Bandera d'España España
Oficiu
Oficiu snowboarder
Cambiar los datos en Wikidata

Laro Herrero Echevarri (Santander, 17 de xineru de 1990) ye un deportista español que compite en snowboard, especialista na prueba de campu al traviés.[1]

Participó en dos Xuegos Olímpicos d'Iviernu, en Sochi 2014 y Pyeongchang 2018, ocupando'l 33u llugar en dambos, nel campu al traviés.[2]

Trayeutoria[editar | editar la fonte]

En 2006 participó en trés pruebes nel so primer campeonatu d'España absolutu en La Molina, llogrando un tercer puestu en snowboard riolu al traviés.[3] En 2007 namái pudo ser novenu na mesma especialidá, pero en 2008 foi segundu en snowboard eslalon paralelu y terceru en snowboard eslalon xigante paralelu. En 2009 volvió consiguir la medaya de plata nel nacional, nesta ocasión en snowboard eslalon xigante paralelu. En 2010 ganó en La Molina dos medayes d'oru nel nacional, la primera en snowboard campu al traviés y la segunda en snowboard eslalon xigante. Al otru añu consiguió'l bronce en snowboard eslalon xigante paralelu y en 2014 la mesma posición en snowboard campu al traviés.

Un mes antes de la so participación nel campeonatu d'España de 2014 participó nos Xuegos Olímpicos de Sochi 2014, ocupando'l 33u llugar en snowboard campu al traviés.[4] Enantes yá participara en competiciones internacionales, siempres en snowboard campu al traviés, apostando en 2009 una prueba de la Copa del Mundu, otra en 2010, dos en 2012 y seis en 2013.[5] Tamién participó nel Campeonatu Mundial de Snowboard en 2011 y 2013.[6]

Tres la so participación nos Xuegos Olímpicos d'Iviernu siguió participando na Copa del Mundu en snowboard campu al traviés, en trés pruebes en 2015, en seis pruebes en 2016 y en siete pruebes en 2017. En 2018 participó en trés nueves pruebes enantes de dir a los Xuegos Olímpicos en Corea del Sur. En 2015 consiguió la so meyor posición en competiciones internacionales, siendo'l séptimu en snowboard campu al traviés nel Campeonatu Mundial de Snowboard de 2015 celebráu en Kreischberg, Austria.[7] Dos años más tarde quedó na posición 29 nel Campeonatu Mundial de Snowboard de 2017 celebráu en Sierra Nevada.

Resultaos nos Xuegos Olímpicos[editar | editar la fonte]

Añu Fecha Llugar Disciplina Posición
2014 18 de febreru de 2014 Sochi, Rusia Snowboard cross]] 33º
2018 15 de febreru de 2018 Corea del Sur Pyeongchang, Corea del Sur Snowboard cross 33°

Palmarés[editar | editar la fonte]

Xuegos Olímpicos[editar | editar la fonte]

  • 2 participaciones (2 pruebes)
  • Meyor resultáu: 33º

Mundiales[editar | editar la fonte]

  • 4 participaciones (4 pruebes)
  • Meyor resultáu: 7º

Copa del Mundu[editar | editar la fonte]

  • 33 participaciones (33 pruebes)
  • Meyor clasificación Xeneral: 12º

Referencies[editar | editar la fonte]

  1. «Laro Herrero» na páx. de la FIS (n'inglés).
  2. «Laro Herrero» en Sports-Reference.com (SR/Olympic Sports) (n'inglés).
  3. «Athlete : HERRERO Laro». Consultáu'l 11 de febreru de 2018.
  4. ««Laro Herrero»» (inglés). Consultáu'l 11 de febrero de 2018.
  5. «Athlete : HERRERO Laro». Consultáu'l 11 de febreru de 2018.
  6. «Athlete : HERRERO Laro». Consultáu'l 11 de febreru de 2018.
  7. «Laro Herrero, séptimo en el Mundial de snowboard» (16 de xineru de 2015). Consultáu'l 11 de febreru de 2018.

Enllaces esternos[editar | editar la fonte]