Lana Turner

De Wikipedia
Saltar a: navegación, buscar
Lana Turner
Lana Turner still.JPG
Vida
Nacimientu Wallace8 de febreru de 1921
Nacionalidá Bandera de Estaos Xuníos d'América Estaos Xuníos d'América
Fallecimientu

Los Ángeles29 de xunu de 1995

(74 años)
Causa de la muerte cáncer d'esófagu
Familia
Casáu/ada con Artie Shaw  (1939 -  1940)
Joseph Stephen Crane  (1942 -  1943)
Lex Barker  (1953 -  1957)
Ronald Pellar  (1969 -  1972)
Fíos/es
Estudios
Estudios Escuela Preparatoria Hollywood
Llingües inglés
Oficiu
Oficiu actor de televisión, actor de cine, autobiógrafu y actor de teatru
Premios
Nominaciones
Creencies
Relixón Ilesia Católica
IMDb nm0001805
www.cmgww.com/stars/turner/index.html
Cambiar los datos en Wikidata

Julia Jean Mildred Frances Turner (Wallace, Idaho, 8 de febreru de 1921-Los Angeles, 29 de xunu de 1995), conocida como Lana Turner, foi una actriz estauxunidense, símbolu sexual de los años 40.

Biografía[editar | editar la fonte]

Lana Turner nació'l 8 de febreru de 1921, en Wallace, Idaho (Estaos Xuníos), pero llueu treslladóse cola so familia a les mariñes de California.

Nun yera bona estudiante y bien llueu foi afayada pal mundu del espectáculu gracies a la so guapura. La so primer apaición na pantalla grande consistió nun curtiu papel na película Nació una estrella (1937) de William A. Wellman. Esi mesmu añu consiguió meyores papeles en dos clásicos imprescindibles como The Great Garrick de James Whale y They won´t forget de Mervyn LeRoy. Otres películes como Andy Hardy namórase (1938) o la comedia fantástica La pareya invisible (Topper, 1937) de Norman Z. MacLeod, xunto a Cary Grant y Constance Bennett, fixeron que Lana Turner fuera más conocida por cuenta del so pímpanu físicu. Pero cuando verdaderamente saltó al estrellalgu foi na década de 1940.

Turner escondía tres la so gran apariencia una personalidá emocionalmente inestable, d'esto daríen testimoniu les munches pareyes que tuvo en vida.

El so primer matrimoniu de los siete que contraxo, foi en 1940 col músicu Artie Shaw, al que conoció nel rodaxe de Dancing Co-Ed (1939). Siete meses dempués de la boda dixebráronse.

En 1942 casó de nueves, col actor Steve Crane, del que se divorciaría un añu dempués, pa reincidir en matrimoniu col mesmu Crane, el mesmu añu de la separación.

Mientres estos años algamó la fama en títulos importantes como L'estrañu casu del Dr. Jekyll (1940) de Victor Fleming. Trabayó xunto a destacaos actores como Spencer Tracy (na anterior), Lionel Barrymore en Calling Dr. Kildare, James Stewart nel musical (Les moces de Ziegfield de 1940 empobináu por Robert Z. Leonard), Clark Gable en Quiero a esti home (1941), con Robert Taylor y Van Heflin en Sienda prohibida, con John Garfield na so película más memorable, El carteru siempres llama dos vegaes (1946), y con Gene Kelly en Los trés mosqueteros (1948).

La so vida sentimental yera bien inestable. Tres el so nuevu divorciu de Crane en 1944 casóse col millonariu Bob Topping.

La so actuación en El carteru siempres llama dos vegaes llanzóla al estrellalgu, confirmando la so popularidá en Cautivos del mal (1952) de Vincente Minnelli, Vides buries (1957) de Robson o Imitación a la vida (1959) de Douglas Sirk. Foi pol so papel en Vides buries cuando llogró la so única nominación a los Premiu Óscar.

A les sos constantes requilencies amoroses añediéronse-y problemes col alcoholismu. En 1953 casóse col actor Lex Barker (el Tarzán más famosu de les pantalles dempués de Jhonny Weissmüller) del que se divorció en 1957.

En 1958 llegó la traxedia col asesinatu del so amante Johnny Stompanato d'una cuchellada per parte de la so fía Cheryl Crane, de namái catorce años, presuntamente en defensa propia ante'l maltratu al que él les sometía. Nel xuiciu remanaron cartes y testimonios que desvelaron les aficiones sadomasoquistes de Lana, lo qu'amontó l'escándalu y alimentó quilómetros de prensa mariella.

Lana Turner empecipió la década de los años 60 con un nuevu matrimoniu con Fred May, del que se divorciaría dos años más tarde. L'asesinatu de Stompanato emburrió la so carrera cinematográfica al cayente. Les sos apaiciones na cartelera foron faciéndose menos profuses, y quiciabes tantu crítica como públicu infravaloraron el so talentu al llindase a encarar el encaxellamientu en melodrames típicos de l'actriz.

Retiróse definitivamente a finales de los 80, magar participó na teleserie Falcon Crest nel papel de Jacqueline Perrault Gioberti. Nun principiu foi contratada pa la primer temporada como 'estrella convidada especial' pa un solu capítulu, magar cuando la serie foi anovada pa una segunda temporada foi contratada de nueves col mesmu status anterior pero pa intervenir na mayoría de los capítulos de la segunda temporada.

Anque los guionistes teníen previstu siguir col so papel na tercer temporada, Turner negóse ensembre a siguir, pos entendía qu'el so personaxe nun daba pa más, arriendes de que la so enemistá con Jane Wyman obligába-yos a rodar les mínimes escenes posibles cuando taben nel mesmu decoráu, enzancando descomanadamente'l rodaxe d'escenes nes que dambes apaecíen (llegóse a rumorear que nun compartíen planu porque rodaben les sos escenes per separtáu y dempués montábense en posproducción) y p'asegurase de que nin ella mesma podría camudar d'opinión, esixó qu'el so personaxe fora una de les víctimes del tirotéu de Julia na Casa Victoriana, asegurando'l suspense de la segunda temporada. A pesar de la muerte del personaxe de Jacqueline, esta siguió teniendo una importancia vital en tola tercera y cuarta temporaes al traviés d'argumentos y socesos retroactivos y hasta principios de la séptima temporada inda yera costantemente nomada pos siempres s'afayaben socesos y secretos, dexando la solombra de la interpretación de Turner nos dos primeres temporaes como una alcordanza imperecedero na serie.

Amás de los sos siete matrimonios, caltuvo rellaciones con Howard Hughes, Clark Gable, Frank Sinatra, Errol Flynn, Victor Mature, Fernando Lamas, Tyrone Power y Luis Miguel Dominguín.

Foi galardonada col Premiu Donostia del Festival de cine de San Sebastián.

Morrió'l 29 de xunu de 1995 en California, víctima d'un cáncer, a la edá de 74 años.

Filmografía[editar | editar la fonte]

Turner y Spencer Tracy en Dr. Jekyll y Mr. Hyde.
  • Nació una estrella (1937) (escenes desaniciaes del montaxe final)
  • They Won't Forget (1937)
  • La pareya invisible (1937)
  • El Gran Garrick (1937)
  • Les aventures de Marcu Polu (1938)
  • Andrés Harvey namórase (1938)
  • The Chaser (1938) (escenes desaniciaes del montaxe final)
  • Four's a Crowd (1938)
  • Rich Man, Poor Girl (1938)
  • Dramatic School (1938)
  • Calling Dr. Kildare (1939)
  • These Glamour Girls (1939)
  • Dancing Co-Ed (1939)
  • Two Girls on Broadway (1940)
  • We Who Are Young (1940)
  • Les moces de Ziegfeld (1941)
  • L'estrañu casu del doctor Jekyll (1941)
  • Quiero a esi home (1941)
  • Sienda prohibida (1942)
  • Somewhere I'll find you (Voi atopate ayundes) (1942)
  • Strictly G.I. (1943)
  • The Youngest Profession (1943) (Caméu)
  • Slightly Dangerous (1943)
  • Show Business at War (1943)
  • Du Barry Was a Lady (1943) (Caméu)
  • Marriage Is a Private Affair (1944)
  • Keep Your Powder Dry (1945)
  • Fin de selmana (1945)
  • El carteru siempres llama dos vegaes (1946)
  • La cai del Delfín Verde (1947)
  • Dos edaes del amor (1947)
  • La rival (1948)
  • Los trés mosqueteros (1948)
  • A Life of Her Own (1950)
  • Mr. Imperium (1951)
  • La vilba allegre (1952)
  • Cautivos del mal (1953)
  • El mio amor brasileñu (1953)
  • The Flame and the Flesh (1954)
  • Gurrianes de traición (1954)
  • El fíu pródigu (1955)
  • El foín de los océanos (1955)
  • Les agües de Ranchipur (1955)
  • Diane (1956)
  • Vides buries (1957)
  • Escala en Tokiu (1958)
  • Another Time, Another Place (1958)
  • Imitación a la vida (1959)
  • Semeya en negru (1960)
  • Teníos pol amor (1961)
  • Solteru nel paraísu (1961)
  • Trampa al mio home (1962)
  • Mil cares tien l'amor (1965)
  • La muyer X (1966)
  • El tarrón de zucre (1969)
  • El demoniu de Sheba (1974)
  • Bittersweet Love (1976)
  • Esconxuru de bruxes (1980)
  • Thwarted (1991)

Enllaces esternos[editar | editar la fonte]