La bolera

La bolera ye un programa de televisión en llingua asturiana producíu por Saltadera y emitíu pola canal A7 de la Televisión del Principáu d'Asturies. Con una duración de 25 minutos y presentau por Milio'l del Nido, l'espaciu recibe'l nome del llugar nel que se practica'l más conocíu de los xuegos tradicionales de la comunidá.

El programa tien l'enfotu de fomentar ente los telespectadores asturianos la conocencia y apreciu de la cultura tradicional per aciu l'acercamientu a los deportes y xuegos más carauterísticos: el de los bolos nes sos diverses modalidaes, la petanca, el remu tradicional o trainera, la curtia de tueros, el tiru cuerda, el tiru al palu, la entiba, les carreres de lecheres y panoyes, el tiru barra, l'arrastre, el gomeru, la llave, el xuegu de la xaronca, el liriu y la llucha asturiana.

Programes emitíos

	Fecha d'emisión	Share	Espectadores
1	16 de marzu de 2013	12,1%	-
2	23 de marzu de 2013	7,1%	-
3	30 de marzu de 2013	9,3%	-

Referencies

• Datos: Q13147418