La Reina'l Truébanu

De Wikipedia
Saltar a navegación Saltar a la gueta

La banda gaites La Reina'l Truébanu ñaz nel trescursu del añu 1996 algamando gran reconocimientu yá nel 1997 comu resultáu caberu de la xunión de músicos que teníen en común al mesmu profesor: Luis Feito Cano. Hoy, fórmanla musicos de los conceyos de Bual, Eilao, Navia, Valdés y Villayón.

La so presentación foi el 11 d'abril de 1997 nel Teatru Campoamor n'Uviéu.

A lu llargu de la so hestoria grabaron los siguientes discos:

- "La Danza del Ocho" nel añu 2000.

- Nel añu 2003 espublizaron el so segundu discu "Xalea Real".

- El so tercer discu foi grabáu y espublizáu nel añu 2006, celebrando asina el so décimu aniversariu. El nome del discu ye "Diez años esmelgando sones".

Nel ámbitu de la ropa tienen abondo cuidáu col raigañu de la rexón, lo que-yos permitió gañar nel apartáu d'estética el premiu a la meyor Banda de Gaites d'Asturies nel añu 2003.

Nel añu 2004 representa a Asturies nel Festival Intercelticu de Lorient.

Nel añu 2008, la banda de gaites “La Reina'l Truébanu”, xunto cola Banda de Gaites de Corvera y La Banda de Gaites de Gozón, participa na edición del añu 2008 del Desfile del día de San Patriciu, na ciudá de Nueva York, donde obtienen el título de Meyor Banda Estranxera y de Meyor Banda. Volverán a este desfile en 2012 y 2013.

Tamién nel 2008 representa de nuevo a Asturies xunto cola Banda de Gaites de Corvera, algamando la percusión de La Reina'l Truébanu el Trophee Guinness de Percussion.

Nel añu 2010 algamaron el tercer puestu na Liga Galega de bandes de gaites, ganando la segunda fase y tamién el premiu a la meyor percusión.

Nel 2011 viaxaron al Festival de St Patrick's Day en Dublín, donde fueron elexíos meyor banda.

Ye nel añu 2007 cuando la "Banda de Gaites la Reina'l Truebanu" entama a organizar el "Festival de Bandes de Gaites Villa de Navia", que nel so primer y segundu añu cuntó coles siguientes bandes respeutivamente:

- Añu 2007, celebróse el día 13 d'Agostu:

 L'Enxambre (Banda Filial).  Banda de Gaites Corvera d'Asturies.  La Laguna del Torollu.  La Reina'l Truébanu. 

-Añu 2008, celebróse el día 12 d'Agostu:

 Nova Fronteira (Ourense).  Banda de Gaites Villa de Xixón.  L'Enxambre (Banda Filial).  El Penedón de Castropol.  La Reina'l Truébanu. 

Yá nel añu 2009, dao l'ésitu algamáu nos años caberos, el Festival de Bandes de Gaites Villa de Navia treslladóse al Campu de Fútbol "El Pardo" (al campu de fúbol del Navia CF), cuntando esti añu 2009 coles siguientes bandes de gaites:

- El día 31 de xunetu tuvieron "La Bandina La Coruxa", "La Banda de Gaites Villa d'Avilés" y "La Reina'l Truébanu".
- El día 1 d'agostu tevo llugar el "Festival de Bandes de Gaites Villa de Navia" coles siguientes bandes:
•  L'Enxambre (Banda Filial).  El Penedón de Castropol.  La Reina'l Truébanu.  La Banda de Gaites Villa d'Avilés.  Kevrenn an Arvorig de Bretaña. 


Actuaciones de la Banda de Gaites La Reina'l Truébanu[editar | editar la fonte]

Nesta riestra apaecen dalgunes de les munches actuaciones de la Banda de Gaites "La Reina'l Truébanu" a lu llargu de la so hestoria. Actuaciones que tuvieron llugar tanto n'Asturies como en territoriu foriatu:

• Feria de l'Ascensión, Uviéu 1998 - 2011.

• Nîmes Francia. Axuntanza de grupos folclóricos nel mes de Xunetu de 2000.

• Festival St. Vallier (Francia), 19-21 Xunetu 2002.

• Carnavales de Albi, Francia, 2007 y 2012.

• Premios Príncipe d'Asturies 1998 - 2014.

• Programa de TV Galicia "Luar", Febreru de 2004 y 2010.

• Festival Intercélticu d'Avilés, Xunetu del 2004, Xunetu del 2005, Xunetu del 2006.

• Festival Intercélticu de Lorient (Francia). Años 2004 y 2008.

• Festival de Bandes de Gaites de Xixón. Agostu del 2007 y 2012.

• Festivales de Mazamet y Lodeve, Francia, 2014

• Exposición universal Expo 2008- Zaragoza, Xunetu del 2008.

• Organizadores del I, II y III Festival de Bandes de Gaites Villa de Navia. Agostu del 2007, 2008 y 2009.

• Delegación Asturiana nel 247 Desfile de San Patriciu. Nueva York, (EE.XX.). Años 2008, 2012 y 2013

• Festival St. Patrick's Day en Dublín, Irlanda, 2011.

• Centru Asturianu de Bruxeles (Bélxica), Marzu del 2005.

• Fiestes de San Matéu n'Uviéu, Setiembre 2004, Setiembre 2005, Setiembre 2006.

• Festividaes de Xuana d'Arcu, Orleans (Francia), 7-9 mayu del 2004.

• Campeonatos de Bandes de Gaites del Principáu d'Asturies.

• Festival en Grenoble (Francia) (Actuación xunto a Carlos Núñez), Setiembre de 1999.

• Festival de Bandas de Gaites de Candás, multiples años

• Festival de Internacional de la Gaita de Villaviciosa, multiples años

• Actuaciones nes Fiestes de Navia y la fiesta de San Timotéu en Ḷḷuarca, amás de munches otres per toa Asturies y España.

Enllaces Esternos[editar | editar la fonte]

- Webblogue de la banda: [1]

- Páxina web de la banda: [2]

- Cuerpu de percusión de la Reina'l Truébanu concursando en Lorient 2008.[www.youtube.com/watch?v=P1IylzEd2Oo]