Saltar al conteníu

La Pola (parroquia)

Coordenaes: 43°09′33″N 5°49′47″W / 43.15928°N 5.82961°O / 43.15928; -5.82961
De Wikipedia
La Pola
Alministración
País España
Autonomía Principáu d'Asturies
Provincia provincia d'Asturies
Conceyu Ḷḷena
Partíu xudicial Ḷḷena
Tipu d'entidá parroquia d'Asturies
Nome oficial La Pola (ast)[1]
Códigu postal 33630, 33638 y 33639
Xeografía
Coordenaes 43°09′33″N 5°49′47″W / 43.15928°N 5.82961°O / 43.15928; -5.82961
La Pola alcuéntrase n'Asturies
La Pola
La Pola
La Pola (Asturies)

Mapa de les parroquies del conceyu asturianu de Ḷḷena
Superficie 31.04 km²
Altitú 306 m[2]
Llenda con
Demografía
Población 7938 hab. (2018)
Porcentaxe 769858.69% de Ḷḷena
7846.26% de provincia d'Asturies
7846.26% de Principáu d'Asturies
167.43% de España
Densidá 255,73 hab/km²
Viviendes 4262 (2001)
Más información
Estaya horaria UTC+01:00
Cambiar los datos en Wikidata

La Pola[3] ye la parroquia más grande del conceyu asturianu de Ḷḷena. La so población ye de 7938 habitantes (2018)[4][5], colo que ye docena por númberu d'habitantes d'Asturies y la segunda de la cuenca del Caudal tres Mieres.

La villa foi fundada en 1266 por Alfonsu X'l Sabiu, como llugar de pasu ente Uviéu y Lleón, y conserva, gracies a les sos bones comunicaciones con otros nucleos de población asturianos, un claro calter de ciudá residencial.

Toponimia

[editar | editar la fonte]

El nome de la villa y de la parroquia, como'l de les otres poles asturianes, atribuyóse-y una procedencia llatina. Los participios fuertes y romances de poblar —> polar, esto ye, polu / pola / polo son los que xustifiquen les espresiones adiptongaes qu'apaecen na Edá Media pa indicar que les tierres se daben en poblo, ello ye, colos medios necesarios pa poneles en disposición de ser desmontaes y esplotaes. Pela cueta, los participios fuertes más arcaicos, influyíos polos continuadores etimolóxicos de populum ('pueblu'), xustificaríen dafechu les espresiones diptongaes puiblu, puelu, puela.

Teniendo en cuenta lo qu'antecede nada hai de raro en que l'Alministración favoreciera la colonización de nueves tierres y que cola referencia a los terrenos en pola uniera un particular conteníu llegal que dio nacimientu a unos nucleos poblaos que gozaron de determinaes ventayes pa la so fixación.

Xeografía

[editar | editar la fonte]

Asitiada na fastera septentrional del conceyu, el territoriu parroquial estiéndese ente los de les parroquies de Muñón Cimiru y Viḷḷayana, coles que llenda al norte, y los de Columbieḷḷo, Castieḷḷo y Zurea, coles que llenda al sur. La so llende occidental ye'l conceyu de Quirós, y el d'Ayer la oriental. La so estensión ye de 31,04 km² y tien una población (INE, 2010) de 8.883 habitantes. 8.555 d'ellos viven na villa homónima, capital del conceyu, y los otros repártense ente los nucleos de población que vienen darréu: Armá, Ayán, La Barraca, Los Campos, La Casanueva, Castañera, El Corraón, Las Figares, La Miera, Palaciós, Piedracea, Ribó, San Feliz, Tablao y El Vaḷḷe.

La Pola ye la villa capital del conceyu. Asítiase a 33 km d'Uviéu, a la vera izquierda'l ríu Ḷḷena y a 322 m d'altor sobro'l nivel de la mar.

Demografía

[editar | editar la fonte]

La parroquia tien una población de 7938 habitantes (2018)[4][6], mientres que la villa del mesmu nome tien una población de 7058.

Llocalidaes

[editar | editar la fonte]
Nᵘ Nome


Población % población
La Pola (parroquia)


1 Armá


n/d


2 Ayán


n/d
3 Castañera


n/d
4 El Corraón


n/d
5 El Vaḷḷe


38 00%
6 La Barraca


n/d
7 La Casanueva


n/d
8 La Miera


n/d
9 La Pola


7058 0,010,01%
10 Les Figares


n/d
11 Los Campos


n/d
12 Palaciós


n/d
13 Piedracea


n/d
14 Ribó


n/d
15 San Feliz


n/d
16 Tablao


n/d
  • Azán
  • Cuamoros
  • El Masgaín
  • El Molín de la Sala
  • El Soseḷḷar
  • L'Almoría
  • La Caleya
  • La Crespa
  • La Fuente l'Ablenu
  • La Ribaya
  • Naveo
  • Robleo
  • Ḷḷencia

Patrimoniu

[editar | editar la fonte]

La casa natal de Vital Aza ye una vivienda urbana de traces populares allugada nel centru de la villa. Datada nel sieglu XVIII, destaca pol so valir simbólicu, ya que nella nació a mediaos del sieglu XIX el poeta y dramaturgu Vital Aza. Dende 2006 ta declarada bien d'interés cultural d'Asturies.

Entornu natural

[editar | editar la fonte]

La Pola ye puntu de partida de varies rutes. Por exemplu, haza los altos del Fayéu del Mofusu, al traviés de la Capiella la Flor y Tablao, pel antiguu Camín Real de la Mesa (antigua vía romana de La Carisia).haza les tierres de Quirós pel Altu la Cobertoria; o haza l'Altu Riosa pel valle de Muñón. Haza los altos de la Peña Ḷḷagu, per L'Almoría, Pozos...; o haza les cumess de L'Aramu, pel cordal de Piedracea y Armá. Y na vertiente este del valle, en direición contraria, haza'l Picu Raneru y el Dolmen d'Espinas, per El Vaḷḷe, la Chana del Monte; o haza les cumes de Carracedo y altos divisorios col conceyu d'Ayer.

Fiestes y feries

[editar | editar la fonte]

Les principales fiestes y feries que se celebren nes distintes poblaciones de la parroquia son:

  • La Flor: llunes siguiente al llunes de Pascua.
  • Santumedero: Domingu de Pascua.
  • Pascua Bendueños: cuarenta díes dempués de Pascua.
  • Santu Alcuentru: Domingu de Pascua en Campumanes.
  • El Corderu: fiesta declarada d'Interés Turísticu Nacional que se celebra nel Prau Llagüezos el primer domingu del mes de xunetu.
  • Fiesta de la Escanda: últimu fin de selmana d'agostu nel Valle del Güerna.
  • La Corrona: primer fin de selmana d'agostu.
  • L'Antroxu: martes d'Antroxu.
  • El Cristu: en La Frecha, la primer fin de slemana de setiembre.
  • Les Feries: selmana del 12 d'ochobre, aunque se celebren na festividá del Pilar, son les fiestes de Nuesa Señora del Rosariu (fiesta'l Rosariu), en La Pola.

Personaxes ilustres

[editar | editar la fonte]

Bibliografía

[editar | editar la fonte]

Referencies

[editar | editar la fonte]
  1. URL de la referencia: https://sede.asturias.es/bopa/disposiciones/repositorio/LEGISLACION09/66/4/001U002CGS0002.pdf.
  2. Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  3. «Espediente colos topónimos oficiales de Ḷḷena». BOPA.
  4. 4,0 4,1 Editorial: Institutu Nacional d'Estadística. Títulu: Nomenclátor: Población del Padrón Continuo por unidad poblacional.
  5. oficina de rexistru
  6. oficina de rexistru

Enllaces esternos

[editar | editar la fonte]