La Madreña

La Madreña
asociación cultural y grupu folclóricu
Llocalización
Sede	Posada
Direición	España
Historia
Fundación	1975

La Madreña ye una asociación cultural fundada nel añu 1975 en Villaperi, nel conceyu d'Uviéu. Esti grupu naz con un oxetivu bien definíu: conservar, recuperar y promover la cultura tradicional asturiana, especialmente al traviés de la música, el baille y les costumes populares.

Historia

La Madreña fundóse en 1975 como grupu folclóricu en Villaperi (Uviéu). En 1980, el grupu treslladóse a Cayés y, dempués d'un tiempu, a Posada de Llanera, llugar onde s'alluga anguaño y dende onde desenvuelve la mayor parte de les sos actividaes. Col pasu de los años, el grupu foi creciendo tantu en númberu de componentes como en presencia social. Foi nel añu 1990 cuando decidieron dar un pasu importante cola creación d'una banda de gaites, lo que fizo que pasare a ser una asociación cultural (tresformose de grupu folclóricu a asociación cultural).

Gracies a esta tresformación, La Madreña empezó a impulsar actividaes pal conceyu, como la organización del antroxu de Llanera o la recuperación de la fiesta gastronómica de San Antón en Llugo de Llanera, contribuyendo asina a dinamizar la vida cultural y social de la zona.

Nel añu 2000 creóse un grupu de baille infantil, favoreciendo la tresmisión de les tradiciones dende edaes tempranes. Ente les sos actividaes destaquen los cursos de gaita, tambor y baille, amás de talleres rellacionaos col folclor y la cultura popular. La asociación caltién un fuerte compromisu cola tresmisión interxeneracional, favoreciendo'l deprendizax ente xente mozo y vieyo.

La Madreña tien participao en numberoses fiestes de la rexón y fizo actuaciones en diverses comunidaes autónomes como Galicia, Santander, Cáceres, Lleón, Burgos, Alicante, Zaragoza, Valencia, Madrid, Salamanca, Valladolid, Albacete o Castellón, llevando la cultura asturiana más allá de les sos fronteres.

Enllaces esternos

• Datos: Q137780529