La Granda (Albandi)

De Wikipedia
Saltar a navegación Saltar a la gueta

La Granda ye una entidá de población de la parroquia d'Albandi, en Carreño.

L'INE establez que La Granda ye una casería de 143 habitantes (64 homes y 79 muyeres). El so códigu de referencia ye 33 014 010500 . [1]

Alcuéntrase a una distancia de Candás, capital del conceyu, de 3,80 km. Tien una altitú máxima de 56 m sobre'l nivel del mar. Pal añu 2001 contaba con 118 viviendes, 70 principales y 48 non principales. [2]

Toponimia[editar | editar la fonte]

Nel so trabayu toponímicu, Xosé Lluis García Arias desplica lo siguiente sobre'l términu "Granda"[3]:

"Tovía anguaño empleguen los nuestros paisanos la pallabra granda ‘ellevación estéril o de monte baxo, de suelu piedra o arenosu’ que tuviere gran éxitu na toponimia y como apellí. Tamién ye d'uso la espresión grandizu, que fala de cualisquier suelu de probe calidá, semeyante al de la granda. La nuestra pallabra tá prósima etimolóxicamente al portugués "gândara", gallego "gándara" así como a otros términos del norte d'Italia, onde "ganda" equival a ‘lladera pedregosa’ lo mesmo que nel réticu "ganda" y nel alemán de Suiza "gand". Ye probable que se trate d'una pallabra precéltica, que tamién sosiste nel irlandés "ganen", ‘arena’. Pola so estensión resulta meyor esta propuesta qu'almitir que se trate d'un suevismu. Lo qu'incide nel so orixe prerromanu ye qu'ente las pallabres non llatines d'usu nes esplotaciones mineres de la nuestra tierra, según cita Plinio, figure GANDADIA (EM), responsable del actual gandaya ‘cosa de desechu’ (y, d'ehí, ‘xentuza’) que presenta la mesma raíz *GANDA combinada conl sufixu átonu -ARA,[...]. N'Asturies "granda" tá mui presente, non sólo na antroponimia como apellíu, sinón na toponimia:
Granda (Pa, Xx, Si, Lr, Cs), La Granda (Pm, Co, Vv, , Go, Lla, Uv, Ra, Llg, Cd, Vd), Grandas (de Salime)."

Referencies[editar | editar la fonte]

  1. Nomenclátor del INE, 2011[1]
  2. Nomenclator de la SADEI [2]
  3. Xose Lluis García Arias, "Toponimia Asturiana"[3]