La Foz (Sobrecastiellu)
 La Foz | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Casu |
| Parroquia | Sobrecastiellu |
| Partíu xudicial | Llaviana |
| Tipu d'entidá | aldea |
| Nome oficial | La Foz (ast)[1] |
| Xeografía | |
| Coordenaes | 43°08′59″N 5°16′38″W / 43.149736°N 5.277343°O |
  La Foz La Foz (Asturies) | |
| Demografía | |
| Población | 47 hab. (2024) |
| Porcentaxe | 13.95% de Sobrecastiellu |
| Más información | |
| Estaya horaria | UTC+01:00 |
 | |
La Foz[2] ye una aldea[3] del conceyu de Casu asitiáu ente los pueblos de Bezanes y Pendones, a 8 km de la capital del conceyu, El Campu, y a 66 km de la capital d'Asturies, Uviéu, pela carretera AS-17 ente Avilés y el Puertu de Tarna (1.490m).
Población
[editar | editar la fonte]Antaño la población del pueblu superaba los 100 habitantes, toos ellos dedicaos a la ganadería, agricultura y trabayos tradicionales. Güei sigue siendo asina, pero la población cayó hasta los 47 habitantes (2024)[4], con una media d'edá alta. Esti despoblamientu prodúxose tres la década de 1960, cuando la población coló pa les ciudaes onde había trabayu.
Clima
[editar | editar la fonte]El clima ye atlánticu de montaña, a una altitú de 666 metros, l'iviernu ye muncho más duru que na costa, siendo más paecíu nel branu. Les lluvies superen los 1.500 l/m² añales y les temperatures oscilen ente los 18/20ºC del branu y los -2/-5º del iviernu.
Natura
[editar | editar la fonte]El pueblu alcuéntrase en plenu corazón del Parque de Redes, cruzáu pela metá pol ríu Nalón y en un valle montañosu.
- la fauna montés compónenla urogallos, osos, llobos, esguiles, raposos, xabalinos, venaos, robezos y corzos ente otres especies amás del ganáu tradicional de vaques (vaca casina), cabres, caballos y oveyes.
- La flora montés alcuéntrase en gran cantidá, ente les especies típiques tan, los carbayos, les castañales, los cerezales, les fayes, los miruéndanos, los arándanos y les ortigues, tamién cuenta con dalguna zona de pumaraes y güertos.
Referencies
[editar | editar la fonte]- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 20 marzu 2023.
- ↑ «Espediente colos topónimos oficiales de Casu». BOPA.
- ↑ «SADEI: Noménclator d'entidaes del Principáu d'Asturies» (en castellanu).
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
Enllaces esternos
[editar | editar la fonte]| Control d'autoridaes |
|
|---|
Datos: Q13147377