La Cuesta'l Naranco

De Wikipedia
Saltar a: navegación, buscar
La Cuesta'l Naranco
Monte Naranco 2.jpg
Situación
País Bandera d'España España
Comunidá autónoma Flag of Asturias.svg Principáu d'Asturies
Provincies Flag of Asturias.svg Provincia d'Asturies
Conceyu Uvieu flag.svg Uviéu
Coordenaes 43°23′00″N 5°52′00″O / 43.38333333, -5.86666667Coordenaes: 43°23′00″N 5°52′00″O / 43.38333333, -5.86666667
La Cuesta'l Naranco is located in España
La Cuesta'l Naranco
La Cuesta'l Naranco
La Cuesta'l Naranco (España)
Datos
Altitú 634 m
Cambiar los datos en Wikidata

La Cuesta'l Naranco o Monte Naranco ye una xerra que na so fastera meridional s'atopa la ciudá d'Uviéu.

Xeografía[editar | editar la fonte]

Forma un arcu d'unos 5 km colos estremos llendando cola parroquia de Villaperi al noroeste, y cola de Lloriana pel oeste. Al norte y al este de la sierra trescurre'l ríu Nora.

El so relieve ye suave y de pocu altor; tenemos, ente otros, El Mirador de la Reina (607 m), Picu'l Pozu l'Agua (593 m), Picu'l Paisanu (634 m), Altu La Roza (628 m), Cantu La Caleyina (582 m) y la Peña Llampaya (561 m).

La Cuesta'l Naranco ta constituyíu por materiales como: arenisques riques en fierro, pizarres, carbones y piedres caliares, fechu qu’orixina la presencia de delles canteres.

Hestoria[editar | editar la fonte]

Hebo nesta sierra allugamientos castreños como amuesen los castros atopaos en Fitoria (La Cogolla) o en Cuyences (El Castiellu) ente otros, asina como asitiamientos romanos como indiquen les monedes, teyes, tumbes y esteles funeraries descubiertes en San Pedro de los Arcos, Lliño o Lloriana. Na cuesta del Monte Naranco atópense monumentos prerrománicos como Santa María del Naranco y Samiguel de Lliño.

La escultura del Sagrado Corazón ta asitiada na cima de la Cuesta'l Naranco y abraza simbólicamente a la ciudá d'Uviéu.

Na cima del Monte podemos atopar una estación de Radiotelevisión, una área recreativa y un monumentu al Sagráu Corazón de Xesús.

Fauna[editar | editar la fonte]

Ente los mamíferos nomaremos: esguil, corcuspin, fuina, xabalín, topu, y raposu. Dalgunes de les aves que podemos topar son: ferre, frangüesu, glayu, cárabu, curuxa, cuervu, pega o pardón. Ente los reptiles y anfibios más comunes tenemos: llagartesa, esculibiertu, sapu, xaronca y sacavera.

Flora[editar | editar la fonte]

Les viesques de la fastera septentrional y suroccidental de la Cuesta'l Naranco tan formaes por una bayura y mezcolanza propia de les viesques atlántiques: castañal, carbayu, umeru, pláganu, fresnu, carrascu o xardón, cerezal, salgueru, lloréu, álamu y mimosal. Nes depresiones del terrén atrópanse grupos d'espinera, rebollu, texu, sabugu, andrín, escayu, ablanu y cotoya. Tamién, y llaceriosamente, podemos observar plantaciones d'ocalitu.