LHS 2090
| Constelación | Cáncer |
| Ascensión reuta α | 09h 00min 23,59s |
| Declinación δ | +21º 50’ 05,4’’ |
| Distancia | 20,8 ± 0,4 años lluz |
| Magnitú visual | +16,10 |
| Magnitú absoluta | +17,08 |
| Lluminosidá | 0,0007 soles (bolométrica) |
| Temperatura | 2464 K |
| Masa | 0,15 soles (aprox) |
| Radiu | 0,15 soles |
| Tipu espectral | M6.5V |
LHS 2090 (LP 368-128 / NLTT 20726)[1] ye una estrella de magnitú aparente +16,10 asitiada na constelación de Cáncer. Anque yá figuraba nos catálogos Luyten Half Second y New Luyten Two Tenths —anque non nel Catálogu Gliese—, nun foi hasta 2001 cuando s'estableció, a partir del baxu resolución del so espectru y del so eleváu movimientu propiu (0,79 segundos d'arcu/añu), que yera una de les estrelles más cercanes al Sistema Solar,[2] yá que s'atopa a 20,8 ± 0,4 años lluz.[3]
LHS 2090 ye una nana colorada de tipu espectral M6.5V, siendo les sos carauterístiques asemeyaes a les de DX Cancri o LHS 292. Tien una baxa temperatura superficial d'aprosimao 2464 K y la midida del so diámetru angular —0,22 milisegundos d'arcu—[4] dexa envalorar el so diámetru real, equivalente al 15% del que tien el Sol. Xira sobre sigo mesma con una velocidá de rotación proyeutada de 20,0 ± 0,6 km/s.[5] Como cabo esperar, la so lluminosidá bolométrica —enerxía emitida en toles llonxitúes d'onda— ye bien baxa, pos apenes supón el 0,07% de la lluminosidá solar.[4] La rellación masa-lluminosidá pa estrelles de la secuencia principal dexa evaluar de forma averada la so masa, en redol al 15% de la masa solar.
Referencies[editar | editar la fonte]
- ↑ LHS 2090 -- High proper-motion Star (SIMBAD)
- ↑ Scholz, R.-D.; Meusinger, H.; Jahreiß, H.. «Search for nearby stars among proper motion stars selected by optical-to-infrared photometry. I. Discovery of LHS 2090 at spectroscopic distance of d ~ 6 pc». Astronomy and Astrophysics 374. pp. L12-L15. http://cdsads.u-strasbg.fr/cgi-bin/nph-bib_query?2001A%26A...374L..12S&db_key=AST&nosetcookie=1.
- ↑ Henry, Todd J.; Jao, Wei-Chun; Subasavage, John P.; Beaulieu, Thomas D.; Ianna, Philip A.; Costa, Edgardo; Méndez, René A.. «The Cortil Neighborhood. XVII. Parallax Results from the CTIOPI 0.9 m Program: 20 New Members of the RECONS 10 Parsec Sample». The Astronomical Journal 132 (6). pp. 2360-2371. http://cdsads.u-strasbg.fr/cgi-bin/nph-bib_query?2006AJ....132.2360H&db_key=AST&nosetcookie=1.
- ↑ 4,0 4,1 Casagrande, Luca; Flynn, Chris; Bessell, Michael. «M dwarfs: effective temperatures, radii and metallicities». Monthly Notices of the Royal Astronomical Society 389 (2). pp. 585-607. http://cdsads.u-strasbg.fr/cgi-bin/nph-bib_query?2008MNRAS.389..585C&db_key=AST&nosetcookie=1.
- ↑ Jenkins, J. S.; Ramsey, L. W.; Jones, H. R. A.; Pavlenko, Y.; Gallardo, J.; Barnes, J. R.; Pinfield, D. J.. «Rotational Velocities for M Dwarfs». The Astrophysical Journal 704 (2). pp. 975-988. http://cdsads.u-strasbg.fr/cgi-bin/nph-bib_query?2009ApJ...704..975J&db_key=AST&nosetcookie=1.
