L'Armuña

De Wikipedia
Saltar a navegación Saltar a la gueta
L'Armuña
Alministración
PaísBandera d'España España
AutonomíaFlag of Castile and León.svg Castiella y Llión
ProvinciaBandera de la provincia de Salamanca.svg Provincia de Salamanca
Capital Gomecello
Xeografía
Coordenaes 41°04′30″N 5°35′19″W / 41.0751°N 5.5885°W / 41.0751; -5.5885Coordenaes: 41°04′30″N 5°35′19″W / 41.0751°N 5.5885°W / 41.0751; -5.5885
La Armuña.SVG
Superficie 700.47 km²
Demografía
Cambiar los datos en Wikidata

L'Armuña ye una fastera hestórica-tradicional española allugada nel noreste de la provincia de Salamanca, n'antigua Rexón de Lleón, güei la comunidá autónoma de Castiella y Lleón.[1]

El nome d'esta comarca vien del árabe significando La Güerta. La mayoría del tarrén destínase a usos agrícoles per aciu'l cultivu de cereales y llegume, destacando la llenteya de l'Armuña que tienen la so propia Denomación d'Orixe.

Historia[editar | editar la fonte]

Les primeres referencies esistentes a L'Armuña daten del sieglu X demientres les repoblaciones, siendo nomada pela primer vegada con esti nome en documentos rellativos a les campañes d'Almanzor nel 980. Enantes, nel 939, tres la victoria de Ramiru II na batalla de Simancas, la presencia cristiana escomenzó a notase pesie los ataques musulmanes, al aniciase la repoblación de la zona con asturianos, llioneses, cántabros, vasco-navarros y rioxanos...

Nel reináu d'Alfonsu VI (1072-1109) entama a asentase la llende colos musulmanes y el rei encarga a Raimundo de Borgoña, so xenru, empobinar la repoblación de la zona, la cual siguió demientres el reináu d'Alfonsu VII (1126-1157). Pela Repoblación los unviaos del rei yeren los encargaos de distribuyir la tierra. La prollongada repoblación permitió que los pobladores de L'Armuña tovieren estremaes procedencies.

Pela Edá Media, el Cabildu de la Catedral de Salamanca foi alquiriendo tierres dando orixe al Abadengu de l'Armuña, que yera un señoríu perteneciente al Cabildu de la Catedral, y taba formáu por Arcedianu, La Vellés, Negrilla, Palencia de Negrilla, Carbayosa y La Mata, pero la so formación supunxo una riestra de pleitos col Conceyu de Salamanca, que quería recuperar la so xurisdicción. Amás d'estes llocalidaes el cabildu foi alquiriendo más tierres de L'Armuña progresivamente, y tamién aumentaron les donaciones debío a la Peste Negra qu'asoló Europa ente 1347 y 1350. Desapaicieron poblaciones pequeñes y s'esperimentó un aumentu de la relixosidá.

Yá a finales de la Edá Media y fasta'l sieglu XVIII la población en L'Armuña foi decreciendo paulatinamente, nestos años numberosos pueblos foron despoblándose convirtiéndose en deveses y alqueríes. El motivu taba nel desplazamientu de población, abandonaben les sos llocalidaes y se marchaben a otros conceyos. Carlos III trató de sopiar la situación cola criación en 1769 d'una Xunta de Repoblación, la cual fracasó y terminó por desapaecer en 1801.

Referencies[editar | editar la fonte]

  1. Llorente Maldonado, Antonio (1976). «Les comarques hestóriques y actuales de la provincia de Salamanca». Centru d'Estudios Salmantinos.

Enllaces esternos[editar | editar la fonte]