Discos L'Aguañaz

De Wikipedia
(Redirixío dende L'Aguañaz)
Saltar a: navegación, buscar

Discos L'Aguañaz ye un sellu discográficu con sé n'Avilés, dedicáu a la música asturiana d'estremaos xéneros. Anguaño tres un alcuerdu empresarial t'asociada a Ediciones Ámbitu.

Hestoria[editar | editar la fonte]

L'Aguañaz foi creyada en 1993 por Xune Elipe y Fernando Rubio, componentes del grupu Dixebra, xuntu a Piedad Gutiérrez. El nome del sellu remanez d'un topónimu de la Sierra'l Cuera, asitiada nel Oriente d'Asturies.

Tres finar el contratu que venceyaba a Dixebra cola discográfica FonoAstur, cola qu'espublizaron el so primer discu, Xune y Fernando deciden arriesgase y sacar adelantre'l proyeutu de L'Aguañaz. Nun entamu, los oxetivos cimeros del sellu son aidar a los nuevos grupos de música tradicional asturiana que fueren surdiendo (el lema de la empresa ye Los nuevos soníos d'un vieyu país) y al mesmu tiempu editar los socesivos trabayos de Dixebra, nun importante pasu haza l'autoxestión del grupu.

Nos sos diez primeros años de vida, L'Aguañaz edita más d'una trentena de grabaciones. Amás, fasta siete años depués de la so creyación, el sellu nun solicita sovenciones al Gobiernu d'Asturies, amosando asina que ye posible sacar alantre una discográfica colos propios recursos.

N'ochobre de 2006, anúnciase oficialmente un alcuerdu pol cual L'Aguañaz s'integra como parte de la editorial Ediciones Ámbitu, formando «la mayor empresa asturianista».

Grupos[editar | editar la fonte]

Ente los grupos qu'editaron discos con L'Aguañaz rescamplen les bandes de rock n'asturianu Dixebra, Avientu y Skama la Rede; y dientro'l folk una bayura formaciones como Corquiéu, Skanda, N'Arba, La Cigua, Brenga Astur Balandrán, La Col.lá Propinde o Cave Canem. Anabel Santiago figura moza de la tonada tamién graba cola discográfica.

Proyeutos[editar | editar la fonte]

D'esta miente, dellos de los proyeutos más importantes del sellu foron les sos recopilaciones de música, ente elles:

  • Rock'n'llingua en 2004, onde se da una oportunidá a seyes grupos rock noveles que canten en llingua asturiana.
  • Dende 2000, L'Aguañáz edita L' Anuariu de la Música Asturiana(AMA), que recueye tolo asocedío cada añu al rodiu de la son n'asturianu.

Goxe Records[editar | editar la fonte]

Per otru llau, L'Aguañaz cuenta col subsellu Goxe Records, dedicáu a la espublización de discos d'artistes menos rellacionaos col folk, como Toli Morilla, Anarquía Positiva o Dark la eMe.

Ver tamién[editar | editar la fonte]

Enllaces esternos[editar | editar la fonte]

Páxina oficial de la discográfica