Kruger 60

De Wikipedia
Saltar a navegación Saltar a la gueta
Kruger 60
Kruger 60 A/B
Constelación Cepheus
Ascensión reuta α 22h 27min 59,5s
Declinación δ +57º 41’ 45’’
Distancia 13,15 ± 0,07 años lluz
Magnitú visual +9,59 / +11,40
Magnitú absoluta +11,76 / +13,37
Lluminosidá 0,010 / 0,0034 soles
Temperatura 3380 / 3310 K
Masa 0,28 / 0,16 soles
Radiu 0,33 / 0,23 soles
Tipu espectral M3V / M4Ve
Velocidá radial -33,1 / -31,9 km/s

Kruger 60 (GJ 860 AB) ye un sistema estelar na constelación de Cepheus, unu de los más cercanos al Sistema Solar, del que s'atopa a 13,15 años lluz. Ye una estrella binaria compuesta por dos nanes coloraes que la so separación media ye de 9,5 UA, aprosimao la distancia que dixebra Saturnu del Sol. L'acusada escentricidá de la órbita fai que la separación ente les dos estrelles varie dende 5,5 UA nel periastru a 13,5 UA nel apoastru. El periodu orbital ye de 44,67 años.

Kruger 60 A (HD 239960 / LHS 3814),[1] de magnitú aparente +9,59, ye una estrella de tipu espectral M3V. Con una temperatura efectivo de 3380 K,[2] tien una masa de 0,28 mases solares[3] y relluma col 1% de la lluminosidá solar. La so velocidá de rotación proyeutada ye de 7,0 km/s y la so metalicidá envalórase nun 91% de la que tien el Sol.[2]

Kruger 60 B (HD 239960B / LHS 3815),[4] de magnitú +11,40, ye más tenue que la so compañera. De tipu M4V y 3150 K de temperatura,[5] tien una masa del 16% de la masa solar,[3] siendo la so lluminosidá un terciu de la de la so compañera. La so velocidá de rotación proyeutada ye de 8,0 km/s.[5] Amás ye una estrella acandilante que típicamente dobla'l so rellumu pa volver a la normalidá nun periodu de 8 minutos. Por ello recibe la denominación d'estrella variable DO Cephei.[4]

Ver tamién[editar | editar la fonte]

Referencies[editar | editar la fonte]