Kontakto

De Wikipedia
Saltar a navegación Saltar a la gueta
Revuo Kontakto kovrilpaĝo 2015.1.jpg

Kontakto (n'asturianu: "Contautu") ye una revista bimensual espublizada n'esperantu, ta destinada principalmente a un público xoven y trata distintos temes como países, pueblos, cultures, sociedá y política ente munchos otros. Ye una revista redactada por TEJO y espublizada pola Asociación Universal d'Esperantu, ye lleída en más de 90 países. Kontakto foi fundada en 1963 y el so primer redactor foi Humphrey Tonkin. Na actualidá'l redactor a cargo ye Rogener Pavinski.

Miembros individuales y suscritos a TEJO reciben la revista automáticamente, persones ciegues puen recibir un casete con una versión falada del númberu de la revista totalmente ensin costu. Tamién esiste una versión en llinia colos últimos númberos de la revista para dellos qu'estén suscritos a TEJO o a la revista.

Temes de la revista[editar | editar la fonte]

En xeneral, la revista trata los temes más diversos rellacionaos con la vida social en too'l sentíu de la pallabra: política, hestoria, aficiones, viaxes, etc. Cotidianamente cada númberu de Kontakto tien el so tema principal, pero tamién apaecen temes de cualquier índole. Regularmente apaecen reseñes acerca de llibros y discos. Hai que tener en cuenta que Kontakto nun ye una revista con temes del movimientu esperantista, polo que reportaxes acerca de temes meramente esperantistes nun son espublizaos frecuentemente (solamente si'l reportaxe contién además dalgún otro tema distinto d'interés).

Dempués de la decisión de los dirixentes de TEJO de dexar d'espublizar la so otra revista TEJO Tutmonde, la cual trataba temes más concernientes al movimientu esperantista, dende'l 2011 apaez dientro de Kontakto una seición dedicada al esperanto llamao "Kontakto-movade".[1]

Collaboradores[editar | editar la fonte]

Autores y collaboradores de Kontakto provienen de toes partes del mundiu, y uno siempre ye bienveníu contribuir col so (preferiblemente orixinal) artículu a la revista. Los autores reciben un exemplar gratuitu de la revista.

Kontakto para ciegos[editar | editar la fonte]

Persones ciegues o con una gran discapacidá de la visión puen recibir una versión falada de la revista totalmente ensin costu, pa ello ye requisitu unviar dos casetes de 60 minutos a Elise Lauwen, Fort Alexanderstraat 16, NL-5241 XG, Rosmalen, Holanda.

Historia[editar | editar la fonte]

La primera Kontakto apaeció en 1963, pero l'idea de crear un "foru llibre" y "una revista auténtica acerca de temes interesantes pa xovenes esperantistes" ñacíu en 1962. La socioloxía y l'humor foron los campos preferíos de Humphrey R. Tonkin, el primer redactor de Kontakto. Stefan Maul d'orixe alemán tomo la redaición de la revista en 1966 (14 años dempués, en 1980, creó la revista Monato). En 1968 tomo la redaición Roman Dobrzyński, el cual prefería temes culturales (lliteratura, fotografía, hestoria, arte, etc). Dende 1970 hasta 1974 Kontakto foi redactada por Ulrich Lins, Simo Milojević y Hans Zeilinger, dempués d'unos años esti último foi reemplazao por Wim Jansen

En 1976 la revista treslladóse a Finlandia y la redaición quedo a cargo del italiano Giorgio Silfer y el finés Jouko Lindstedt. Dende 1978 l'antorcha de la redaición tomóla Stefan MacGill de Nueva Zelanda y el centro de redaición treslladóse a les oficines centrales d'UEA, na so llabor contó con la collaboración hasta finales de 1979 de Giulio Cappa, dende esa fecha reemplazólo Dario Besseghini. Stefan dexó'l so trabayu de redactor principal en 1980 pero continuo na revista como redactor téunicu hasta 1986. Xunto a Dario se-y añadió entoncies Karl Pov.

A comienzos de la década de 1980 la revista distanciose de los temes sociopoliticos y apaeció la revista Monato como respuesta a la falta d'una revista política, en 1983 apaeció la revista TEJO Tutmonde p'abarcar temes acerca del movimientu esperantista, dende entoncies gran parte de los artículos de Kontakto apaecen nun llinguax fácil, perfeutu pa esperantistes qu'apenes empiencen a perfeccionar l'idioma. La redaición de les partes en llinguax fácil llevóse a cabo por Anna Brennan, la cual creó una llista de les raíces esperantistes más frecuentes y que son usaes n'artículos en "llenguax fácil" y "mui fácil", a la llabor d'Anna se-y sumo en 1987 Leif Nordenstorm, el cual convirtióse dende 1986 nel único redactor, esti abandonó'l proyeutu en 1989.

El primer númberu de la 1990 foi inauguráu pol redactor Francisco Javier Moleón, el segundu númberu foi redactáu por István Ertl, el cual en 1992 foi elixíu como redactor de la revista Esperanto. Nesi entoncies Kontakto entró nuna nueva era con un nuevu redactor, Francisco Veuthey, con un nuevu estilu, nuevu llogu y nueves idees. El númberu de suscriptores creció muncho y alcanzó la cifra récor de 2050. Sabira Ståhlberg trabayó para Kontakto dende 1998 hasta 2001.

Dende 2002 y hasta 2005 la revista ye redactada por Jenja Amis con ayuda de Joel Amis, el correutor principal dende l'edición #197 (2003:4) foi Paŭlo Moĵajev, y foi'l quien tomó la redaición dende'l branu de 2007. Dende la seronda de 2010 el redactor principal ye Rogener Pavinski.

Referencies[editar | editar la fonte]

Enllaces esternos[editar | editar la fonte]