Knut (oso polar)

De Wikipedia
Saltar a navegación Saltar a la gueta
Knut

Knut mientres la so primer apaición pública nel Zoo de Berlín elKnut IMG 8095.jpg

23 de marzu de 2007.

Especie

Osu polar

Nacencia

5 d'avientu de 2006Berlín, Alemaña

Muerte

19 de marzu de 2011 (4 años)

[editar datos en Wikidata]

Knut  foi un osu polar que nació nel Xardín zoolóxicu de Berlín el 5 d'avientu de 2006. Morrió de secute el 19 de marzu de 2011.[1] En siendo refugáu pola so madre al nacer siendo criáu polos trabayadores del zoolóxicu. Foi'l primer osu polar que naciera y sobreviviera nel Zoolóxicu de Berlín en más de trenta años. Fíxose famosu mundialmente y convirtióse nel centru d'un discutiniu, cuando'l periódicu alemán Bild publicó unes declaraciones d'un activista radical de los derechos de los animales nes qu'afirmaba que se debería haber sacrificáu al esbardu, lo que causó un escándalu públicu d'ámbitu mundial provocando protestes d'otros activistes a favor y en contra.[2] Realizáronse manifestaciones de neños pequeños nel esterior del zoolóxicu, y unviáronse munchos correos electrónicos y cartes de too el planeta clamiando pola vida del pequeñu mamíferu.[3]

Knut convertiose nun focu d'atención de los medios de comunicación, lo que provocó la creación de la "Knutmanía", que travesó'l mundu enteru, y llueu se empezose a realizar xuguetes, reportaxes especiales de los medios de comunicación, DVD y llibros.[4] Por causa de esto, el númberu de visitantes aumentó esi añu aprosimao un 30%, faciéndolo l'añu más allegáu de la hestoria del zoo desque foi creáu en 1844.[5]

Biografía[editar | editar la fonte]

Thomas Dörflein xugando con Knut el 31 de mayu de 2007.
Poste de señalización del Zoo de Berlín.

Infancia[editar | editar la fonte]

Knut nació nel Zoo de Berlín siendo fíu de Tosca, una osa polar de 20 años — antigua perteneciente del circu d'Alemaña Oriental que nació en Canadá— y el so compañeru Lars, un osu polar de 13 años — que perteneciera al Tierpark Hellabrunn de Múnich—. Dempués d'un periodu de xestación ensin problemes, Knut y el so hermanu - que nun tenía nome - nacieron el 5 d'avientu de 2006. Tosca refugó a los sos fíos por motivos desconocíos, abandonándolos sobre una roca de la cortil de los osos polares.[6] Los encargaos del Zoo de Berlín rescataron a los pequeños sacándolos por aciu un amplia rede de pescar, pero l'hermanu de Knut morrió d'una infeición cuatro díes más tarde.[6] Knut yera'l primer osu polar que naciera y sobreviviera nel Zoo de Berlín en más de trenta años. Col tamañu d'una cobaya, Knut pasó los 44 primeros díes de la so vida nuna incubadora primero que l'encargáu del zoo Thomas Dörflein empezara a curiar del pequeñu.[7]

La necesidá de Knut de ser curiáu los venticuatro hores del día riquió que Dörflein non yá durmiera nun colchón asitiáu al llau de la caxa de dormir de Knut, sinón que tamién xugara con él, #bañar, y alimentara diariamente. Hasta llegar a la edá de cuatro meses, la dieta de Knut consistía d'una botella de lleche cada dos hores, depués pasó a una dieta de farrapes d'avena entemecíes con comida pa gatos, vitamines, y fégadu de bacaláu. Dörflein tamién acompañaba a Knut mientres los dos exhibiciones diaries d'una hora caúna, polo qu'apaeció en munchos videos y fotografíes al pie de la cría. Poro, Dörflein fíxose famosu n'Alemaña, ya inclusive-y foi concedida la Medaya al Méritu de Berlín, n'honor pola so continua supervisión del osu polar.[8][9]

Polémica[editar | editar la fonte]

A principios de marzu de 2007, el tabloide alemán Bild-Zeitung publicó unes declaraciones del activista de los derechos de los animales Frank Albrecht, que dixo que Knut tendría de ser sacrificáu antes de ser humildáu al ser curiáu "como un animal domésticu". Albrecht declaró qu'el zoo violaba la llexislación de proteición de los animales por siguir calteniéndolo vivu.[10] Wolfram Graf-Rudolf, direutor del Zoo de Aquisgrán, quien taba acordies con Albrecht, indicó que los cuidadores del zoo "tendríen de tener el valor de dexar morrer al esbardu" dempués de que fuera refugáu, argumentando que l'esbardu "morrería un pocu" siempres que se-y dixebrara del so hábitat.[11] Un grupu de neños protestó nel esterior del zoo, portando cartelos nos que podía lleese "Knut tien de vivir" y "Amamos a Knut", y otres persones unviaron numberosos correos electrónicos y cartes que ciscaben que se caltuviera en vida al esbardu. Tamién s'unviaron a Albrecht cartes que conteníen amenaces.[3] El Zoo de Berlín tomó la decisión de caltener con vida al esbardu, comprometiéndose a curialo.[11]

Albrecht, que nun formaba parte de nenguna organización de sofitu a los derechos de los animales, comentó que les sos declaraciones fueren sacaes de contestu. Según Albrecht, él mesmu presentara una demanda contra la direutiva del Zoo de Leipzig n'avientu de 2006, porque mataren a un osu bezudo que fuera refugáu pola so madre. El casu foi tornáu polos tribunales argumentando que'l sacrificiu del animal nun fuera desaparente. Albrecht, que s'opunxo a que se celebrara un xuiciu, dixo que pidió la muerte de Knut non porque'l so propósitu fuera'l de matar al osu, sinón a cencielles pa llamar l'atención de la decisión de Leipzig, que concedería la posibilidá de matar al esbardu al Zoo de Berlín.[12] Los medios de comunicación internacionales, sicasí, confiaron na versión del Bild-Zeitung y rellataron que Albrecht pidiera que se matara a Knut. La repercusión d'esta noticia dio a conocer a Knut dende l'ámbitu nacional hasta l'internacional.[13][14]

Nel puntu de mira[editar | editar la fonte]

El 23 de marzu de 2007, Knut foi esibíu en públicu per primer vegada.[15] Alredor de 400 periodistes visitaron el Zoo de Berlín esi día, que recibió'l nome de "Día de Knut" pa realizar un reportaxe sobre la primer apaición pública del esbardu.[16] Knut convertiose nel focu d'atención de los medios de comunicación de too el mundu a una edá bien temprana.

Munchos rumores y falses alarmes tocantes a la salú y bienestar del pequeñu fueron espublizaes mientres el so primer añu de vida. Por casu, el 16 d'abril de 2007, atayóse la exhibición de Knut por cuenta de que ésti tenía un dolor nos dientes que yera resultáu de la crecedera del so canil cimeru derechu. Primeramente dellos reportaxes dicíen que Knut sufría una enfermedá desconocida y que darréu se -y punxeron antibióticos.[17] Tamién tuvo muncha repercusión l'amenaza de muerte que foi unviada a Knut poco primero de les 15:00, hora local, del miércoles 18 d'abril de 2007. El zoo recibió una carta anónima que rezaba: "Knut ist tot! Donnerstag Mittag" ("¡Knut ta muertu! El xueves al mediudía.") Como respuesta, la policía aumentó les midíes de seguridá que protexíen al osu.[18] El momentu que señalara l'amenaza de muerte escontra Knut escurrió ensin problema dalgunu.[19][20]

Cinco meses dempués de la so nacencia, el 31 d'ochobre de 2007, l'osu pesaba yá 90 kg.

A pesar de que Der Spiegel dixera'l 30 d'abril de 2007 que Knut "faíase menos llindu" acaldía que pasaba, Knut siguió atrayendo a montoneres de visitantes mientres aquel branu.[21] Dempués de que cumpliera siete meses y pesara 50 kilogramos en xunetu de 2007, los dos exhibiciones públiques diaries de Knut fueron atayaes p'asegurar la seguridá del encargáu del osu. La vocera del zoo, Regine Damm, tamién declaró qu'esto se realizaba porque Knut tenía de rellacionase con osos y non con persones".[22] Dempués pasó a vivir na mesma cortil que Ernst, un osu malayu negru que nació un mes primero que Knut, y la so madre, anque darréu treslladóse a Knut a la so propia cortil.[23]

Mientres el númberu de visitantes menguó hasta mínimos en marzu y abril, Knut foi l'atracción principal del zoo el restu de 2007. Rexistráronse 400.000 visitantes n'agostu de 2007, lo que foi tou un récor.[24]

Les noticies de Knut y la so vida nel zoo inda yeren conocíes internacionalmente a finales de 2007. Knut siguía cola estricta dieta, necesaria p'amenorgar el so pesu natural necesariu pa sobrevivir a los aspros iviernos, que tienen llugar fora d'Alemaña, más al norte.[25] Amenorgaron les sos comíes diaries de cuatro a trés, y delles comíes, como los croissants, que se-y daben al esbardu, fueron acutaes.[26] Dempués de sufrir un accidente al esnidiase cuando diba percima d'una roca moyada en setiembre, desenvolvióse un sentimientu d'interés y sofitu per parte de los sos almiradores espardíos por tol mundu.[27]

Vida adulta[editar | editar la fonte]

En payares de 2007, Knut yá pesaba más de 90 kilogramos y foi consideráu demasiáu peligrosu pa xugar con él y la so interacción colos cuidadores del zoo foi menguando. La celebración del primer cumpleaños de Knut, al qu'asistieron cientos de neños, foi retresmitida en direutu pola televisión alemana. La Casa de la Moneda d'Alemaña tamién emitió una serie de 25.000 monedes conmemorativas de plata pa celebrar el so cumpleaños.[28] El papel de Knut nel Zoo de Berlín puede ser consideráu como un puntu d'inflexón pa intentar caltener la so especie.[29]

Anque inda yera consideráu pequeñu, un añu dempués de la so primer apaición pública Knut pesaba más de 130 kilogramos. Por esto, instalóse una placa de cristal de seis pulgaes, lo bastante fuerte p'aguantar l'impactu d'un proyeutil de morteru, ente Knut y los visitantes del zoolóxicu.[30] Depués de meses de popularidá, los encargaos del Zoo de Berlín intentaron dir menguando adulces la popularidá del ex-esbardu, güei yá un osu adultu, por cuenta de que nun yera daqué saludable pa Knut la so "adicción al espectáculu o la fascinación qu'espresa polos seres humanos". Sicasí, Knut nun se resignó a perder la so fama y el so comportamientu tornóse sópito agresivu, según Markus Röbke, unu de los cuidadores del zoo berlinés, quien declaró a finales de marzu de 2008 que'l mamíferu habíase vueltu "adictu a la so propia fama". Knut espresaba la so roxura al traviés de ruxíos cuando un visitante nun-y emprestaba l'atención que reclamaba, amás d'intentar atacar a dellos cuidadores del zoo.[31] Ante esta situación, los medios de comunicación empezaron la busca d'un nuevu focu d'atención mediáticu, atopando a una osezna del Zoo de Núremberg llamada Flocke, bautizada pelos medios como "la socesora de Knut".[32]

N'abril del mesmu añu, dellos defensores d'animales criticaron al zoo por dexar a Knut matar y comer a diez carpes del foso qu'arrodia la so cortil, alegando qu'esto consistía nuna violación de les lleis de proteición de los animales d'Alemaña. L'espertu sobre osos del zoo, Heiner Klös, sicasí, declaró que'l comportamientu de Knut yera "parte de la forma de ser d'un osu polar".[33]

El fenómenu que desamarró Knut nel Zoo de Berlín puede convertise nun puntu d'inflexón por qu'otros zoolóxicos collaboren en caltener la especie.[34]

Fallecimientu[editar | editar la fonte]

Finó'l día 19 de marzu de 2011 de secute por cuenta de daños cerebrales producíos por una #infeición viral.[35]

Un voceru del Zoologischen Garten Berlín informó de que Knut apaeció muertu llexando nes agües de la gran piscina na cortil onde vivía davezu, cuando s'atopaba solo nel mesmu.

Los trés oses polares que tenía como compañía dende la pasada seronda, la so madre Tosca, según Nancy y Katjuscha, fueren zarraes poco antes na osera del zoolóxicu. La nueva osa Gianna, que fuera escoyida como posible pareya permanente del famosu plantígradu polar, retornara apocayá al zoolóxicu de Múnich (sur d'Alemaña), d'onde procedía, al fracasar el romance animal.

A pocu de la so muerte, los estudios preliminares de l'autopsia realizada pol Institutu Leibniz d'Investigaciones Zoolóxiques indicaron que Knut sufriría una mancadura cerebral, yá que yera l'únicu órganu que presentaba "clares alteraciones".[36]

Les conclusiones de l'autopsia, presentaes casi dos semanas más tarde, revelaron que l'animal presentaba una infeición viral que guaró mientres delles selmanes, lo que-y provocó daños nel celebru y nel migollu óseu. L'osu morrió afogáu a raigañu del colapsu cerebral, tres el cual cayó a la piscina, tal como s'estrema nuna filmación captada por un aficionáu que foi xubida al sitio web d'intercambiu de videos YouTube. Tres variaes especulaciones públiques, dende l'Institutu Leibniz y el zoolóxicu de Berlín esclariaron que Knut nun sufría una malformación conxénita y que la infeición nun s'anició por causa de un estrés escesivu.[35]

Knut, que n'avientu 2010 cumplió cuatro años, fuera criáu dende la so nacencia y a lo llargo de más d'un añu pol so cuidador Thomas Dörflein, que finó de secute en setiembre de 2008 a los 44 años.

Les imáxenes de Knut xugando con Dörflein pocos meses dempués de la so nacencia dieron la vuelta al mundu y fixeron que'l zoolóxicu berlinés rexistrara una fuerte medría de visitantes ya ingresos millonarios cola comercialización de la imaxe del osu polar.[37]

Fenómenu mediáticu[editar | editar la fonte]

Los visitantes del zoo almiren a Knut.
Knut saliendo de l'agua.

La fotógrafa Annie Leibovitz tomó unes fotografíes de Knut que fueron usaes pa una campaña medioambiental, incluyendo la edición de mayu de 2007 de la revista Vanity Fair, na cual apaecía Knut xuntu al actor estauxunidense Leonardo DiCaprio.[38] L'osu polar tamién foi usáu nel logo pa la campaña del Ministeriu del Mediu Ambiente d'Alemaña contra'l calentamientu global y foi retratáu nun sellu especial de 2008.[28] Expedíu oficialmente dende'l 9 d'abril de dichu añu, el sellu amuesa a Knut con aprosimao un añu y sol lema "Natur weltweit bewahren" ("Caltener la naturaleza del mundu").[39]

Ver tamién[editar | editar la fonte]

  • Ursus maritimus
  • Flocke
  • Thomas Dörflein

Referencies[editar | editar la fonte]

  1. Eisbär Knut ist tot!
  2. Moore, Tristana (23 de marzu de 2007). «Baby bear becomes media star». BBC. http://news.bbc.co.uk/1/hi/world/europe/6486993.stm. Consultáu 'l 29 de febreru de 2008. 
  3. 3,0 3,1 Reprieve for Berlin's Polar Bear Cub: Knut Will Live, Promises Berlin Zoo. Spiegel Online International. 21 de marzu de 2007. http://www.spiegel.de/international/zeitgeist/0,1518,472937,00.html. Consultáu 'l 29 de febreru de 2008. 
  4. Polar Bear Turned Cash Cow; Knut the Business-Bear. Spiegel Online International. 11 de mayu de 2007. http://www.spiegel.de/international/zeitgeist/0,1518,482368,00.html. Consultáu 'l 1 de marzu de 2008. 
  5. Berlin Zoo culls creator of the cult of Knut. The Times. 13 d'avientu de 2007. http://www.timesonline.co.uk/tol/news/world/europe/article3042791.ece. Consultáu 'l 29 de febreru de 2008. 
  6. 6,0 6,1 The little polar bear that grew too big for any more cuddles. The Times. 10 de xunetu de 2007. http://www.timesonline.co.uk/tol/news/world/europe/article2050857.ece. Consultáu 'l 29 de febreru de 2008. 
  7. He's too cute to bear... The Daily Mirror. 26 de xineru de 2007. http://www.mirror.co.uk/news/topstories/tm_method=full%26objectid=18533016%26siteid=89520-name_page.html. Consultáu 'l 29 de febreru de 2008. 
  8. Knut's Keeper Confesses: 'Sometimes I Could Hurl Him Against the Wall'. Spiegel Online International. 11 d'abril de 2007. http://www.spiegel.de/international/zeitgeist/0,1518,476566,00.html. Consultáu 'l 29 de febreru de 2008. 
  9. Knut's keeper gets medal: Arise, Sir Dörflein. Spiegel Online. 1 d'ochobre de 2007. http://www.spiegel.de/international/zeitgeist/0,1518,508944,00.html. Consultáu 'l 29 de febreru de 2008. 
  10. Berlin Zoo's baby polar bear must die: activists. MSN News. 21 de marzu de 2007. http://news.ninemsn.com.au/article.aspx?id=255770. Consultáu 'l 29 de febreru de 2008. 
  11. 11,0 11,1 Berlin rallies behind baby bear. BBC News. 20 de marzu de 2007. http://news.bbc.co.uk/2/hi/europe/6470509.stm. Consultáu 'l 29 de febreru de 2008. 
  12. Look Out Knut...It's A Zoo Out There. ABC Online. http://www.abc.net.au/mediawatch/transcripts/s1887892.htm. Consultáu 'l 29 de febreru de 2008. 
  13. Scott Simon (24 de marzu de 2007). For Germans, Knut Is Almost Too Cute to Bear. NPR. http://www.npr.org/templates/story/story.php?storyId=9121042. Consultáu 'l 29 de febreru de 2008. 
  14. Activist to zoo: Wrong to save baby polar bear. MSNBC News. 20 de marzu de 2007. http://www.msnbc.msn.com/id/17703212/?GT1=9145. Consultáu 'l 29 de febreru de 2008. 
  15. Chambers, Madeline (23 de marzu de 2007). "Knut Day" in Berlin as polar bear cub goes public. Reuters. http://www.reuters.com/article/environmentNews/idUSL2362537420070323. Consultáu 'l 1 de marzu de 2008. 
  16. Connolly, Kate (24 de marzu de 2007). «Rejected at birth, Knut becomes Berlin zoo's bear essential». The Guardian. http://www.guardian.co.uk/animalrights/story/0,,2041865,00.html. Consultáu 'l 1 de marzu de 2008. 
  17. Knut the polar bear suffers teething pain. MSNBC. 16 d'abril de 2007. http://www.msnbc.msn.com/id/18135246/?GT1=9246. Consultáu 'l 1 de marzu de 2008. 
  18. Wer will Knut töten?. Bild.de. 19 d'abril de 2007. http://www.bild.t-online.de/BTO/news/2007/04/19/knut-eisbaer/mord-drohung.html. Consultáu 'l 1 de marzu de 2008. 
  19. Chambers, Madeline (19 d'abril de 2007). Berlin's polar bear cub Knut receives death threat. Reuters. http://www.reuters.com/article/topNews/idUSL192234620070419. Consultáu 'l 1 de marzu de 2008. 
  20. Connolly, Kate (20 d'abril de 2007). Guards protect Knut after death threat. The Guardian. http://www.guardian.co.uk/germany/article/0,,2061772,00.html. Consultáu 'l 1 de marzu de 2008. 
  21. End of an Era Nearing: Knut Steadily Getting Less Cute. Der Spiegel International. 30 d'abril de 2007. http://www.spiegel.de/international/zeitgeist/0,1518,480321,00.html. Consultáu 'l 1 de marzu de 2008. 
  22. He's Just Knut So Cuddly Anymore!. Sky News. 9 de xunetu de 2007. http://news.sky.com/skynews/article/0,,30200-1274302,00.html. Consultáu 'l 1 de marzu de 2008. 
  23. Knut the Polar Bear Cub Overshadows the Cub Next Door. WDEF News. 18 d'abril de 2007. http://wdef.com/node/4135. Consultáu 'l 1 de marzu de 2008. 
  24. Knut Feigning Sore Paw to Get Attention. Spiegel Online. 11 de xunetu de 2007. http://www.spiegel.de/international/zeitgeist/0,1518,505148,00.html. Consultáu 'l 1 de marzu de 2008. 
  25. Celebrity Polar Bear Knut on a Diet. Guardian Unlimited. 31 de xunetu de 2007. http://www.guardian.co.uk/worldlatest/story/0,,-6818101,00.html. Consultáu 'l 1 de marzu de 2008. 
  26. Berlin Zoo Puts Media Darling Knut on a Diet. Deutsche Welle. 1 d'agostu de 2007. http://www.dw-world.de/dw/article/0,2144,2717231,00.html. Consultáu 'l 1 de marzu de 2007. 
  27. Knut is back in the public eye. Independent Online, South Africa. 10 de setiembre de 2007. http://www.iol.co.za/index.php?set_id=1&click_id=143&art_id=nw20070909194911780C508965. Consultáu 'l 1 de marzu de 2008. 
  28. 28,0 28,1 Knut the bear celebrates first birthday with fish cake. AFP. 5 d'avientu de 2007. http://afp.google.com/article/ALeqM5iZJq1M-gh2A5DY_1OuRCUDffs1ow. Consultáu 'l 1 de marzu de 2008. 
  29. Activist to zoo: Wrong to save baby polar bear. MSNBC. 20 de marzu de 2007. http://www.msnbc.msn.com/id/17703212/. Consultáu 'l 1 de marzu de 2007. 
  30. Still think I'm cute? One year on, cuddly Knut has turned into a 22st killing machine. London Daily Mail. 2 de marzu de 2008. http://www.dailymail.co.uk/pages/live/articles/news/news.html?in_article_id=524382&in_page_id=1770. Consultáu 'l 13 d'abril de 2008. 
  31. El osito Knut: de peluche a psicópata. 20 minutos. 29 de marzu de 2008. http://www.20minutos.es/noticia/363892/0/oso/knut/psicopata/. 
  32. Knut ya tiene socesora y se llama Flocke. 20 minutos. 8 d'abril de 2008. http://www.20minutos.es/noticia/367309/0/knut/alemania/flocke/. 
  33. Knut Caught Munching 10 Live Fish. Spiegel Online. 7 d'abril de 2008. http://www.dailymail.co.uk/pages/live/articles/news/news.html?in_article_id=524382&in_page_id=1770/. Consultáu 'l 13 d'abril de 2008. 
  34. Activist to zoo: Wrong to save baby polar bear. MSNBC. 20 de marzu de 2007. http://www.msnbc.msn.com/id/17703212/. Consultáu 'l 13 d'abril de 2008. 
  35. 35,0 35,1 La Tercera, fuente EFE (1 d'abril de 2011). «Autopsia revela que infeición viral provocó la muerte del oso polar Knut» (español). www.tercera.com. Consultáu'l 24 de marzu de 2011.
  36. La Segunda, fuente EFE (22 de marzu de 2011). «Autopsia revela que el oso polar Knut murió por una lesión cerebral» (español). www.segunda.com. Consultáu'l 24 de marzu de 2011.
  37. http://www.milenio.com/node/674060
  38. «Vanity Fair May 2007 Table of Contents». Consultáu'l 10 d'agostu de 2007.
  39. Move over Knut:Germany's new polar bear cub debuts. Reuters. 9 d'abril de 2008. http://www.reuters.com/article/lifestyleMolt/idUSL0989327920080409?pageNumber=1&virtualBrandChannel=0. Consultáu 'l 13 d'abril de 2008.