Kliuchevskoi
| Kliuchevskoi | |
|---|---|
| Ключевская Сопка (ru) | |
 | |
| Situación | |
| País |  Rusia |
| Krais | Krai de Kamchatka |
Municipal district (en)  | Ust-Kamchatsky District (en) |
| Tipu | monte |
| Coordenaes | 56°04′N 160°38′E / 56.07°N 160.63°E |
  Kliuchevskoi Kliuchevskoi (Rusia) | |
| Datos | |
| Altitú media | 4800 m |
 | |
El Kliuchevskói (en ruso : ) ye un estratovolcán basálticu asitiáu barganal de la mariña sureste de la península de Kamchatka, en Siberia Oriental, Rusia. Ye el puntu más eleváu del krai de Kamchatka. El Kliuchevskói, simétricu y cubiertu de nieve, ye el más eleváu y activu d'una cadena de volcanes a lo llargo de Kamchatka. Formóse fai unos 6000 años, y dende entós produció frecuentes erupciones volcániques esplosives y efusives, ensin llargos intervalos d'inactividá. Más de 100 erupciones producieron, nos postreros 3000 años, numberosos conos y cráteres. Pero la mayoría de les erupciones aniciáronse nel cráter del visu, de 700 metros d'anchu, formáu una y otra vez poles capes de materiales piroclásticos y les colales de lava qu'espulsa.[1][2]
Dellos pueblos indíxenes consideren qu'el Kliuchevskói ye sagráu, yá que lo ven como el llugar nel que se creó el mundu. Otros volcanes de la rexón vense con un significáu espiritual similar, pero Kliuchevskói ye el más sagráu d'ellos.
Erupciones contemporanees
[editar | editar la fonte]
El 15 de setiembre de 1994, el volcán entró n'erupción emitiendo una columna de ceniza y gases volcánicos qu'algamó los 2 kilómetros d'altitú. Mientres los dos siguientes selmanes siguió activu, hasta qu'el 1 d'ochobre formóse una nube de ceniza que llegó hasta los 18 kilómetros percima del volcán. Mientres espulsaba ceniza, ríos de lava baxaben peles sos fasteres. Afortunadamente, poques persones viven na barganal de Kliuchevskói, polo que'l riesgu foi mínimu y la mayor parte de la ceniza cayó sobro el mar. Sicasí, la península de Kamchatka alcuéntrase nuna zona bien utilizada polos aviones, polo que se caltien en constante monitorización.
El 30 de xunetu de 2025 volvía entrar n'erupción pocu dempués de producise un terremotu de 8.8 na escala sismolóxica de magnitú pel momento (Mw) y subsecuente tsunami qu'azotó el Pacíficu oriental.[3]
Ver tamién
[editar | editar la fonte]Referencies
[editar | editar la fonte]- ↑ Estratovolcán de Kliuchevskói, (n'inglés)
- ↑ Volcán Kliuchevskoi, (castellán)
- ↑ «Entra en erupción el volcán Kliuchevskoi de Rusia tras el fuerte terremoto de magnitud 8.8». EuropaPress. Consultáu'l 2025/7/30.
Enllaces esternos
[editar | editar la fonte]
Wikimedia Commons acueye conteníu multimedia sobre Kliuchevskoi.
| Control d'autoridaes |
|
|---|
Datos: Q210252- Multimedia: Klyuchevskaya Sopka