Kipchoge Keino

De Wikipedia
Saltar a: navegación, buscar
Kipchoge Keino
14-01-10-tbh-012-kipchoge-keino.jpg
Vida
Nacimientu

Distrito Nandi17 de xineru de 1940

(77 años)
Nacionalidá Bandera de Kenia Kenia
Oficiu
Oficiu fondista, mediofondista y atleta
Pesu 66±0 Quilogramu
Altura 173 centímetru
Premios
Miembru de Comité Olímpicu Internacional
Cambiar los datos en Wikidata
Relación de medayes olímpiques
Atletismu masculín
Oru Méxicu 1968 1.500 m
Oru Múnich 1972 3.000 m torgues
Plata Méxicu 1968 5.000 m
Plata Múnich 1972 1.500 m

Kipchoge Kip Keino (17 de xineru de 1940, Kipsamo) ye un atleta kenianu yá retiráu.

Biografía[editar | editar la fonte]

Nacíu en Kipsamo, distritu de Nandi, Kenia, foi unu de los primeros corredores d'una llarga llista d'esitosos corredores kenyanos de media y llarga distancia. Sirvió d'inspiración a munchos de los sos compatriotes y ayudó a que Kenia se convertiera na potencia atlética que ye anguaño.

Empezó la so carrera nos Xuegos de la Mancomunidá de 1962 en Perth (Australia) onde quedó undécimu nos trés milles. Nos Xuegos Olímpicos de Tokyo 1964 acabó quintu nos 5000 m y casi se perdió la final de 1500 metros.

El 27 d'agostu de 1965, Keino ameyoró'l récord mundial de los 3000 m por unos 6 segundos, dexándolo en 7:39.6 na so primer prueba nesa distancia. Más tarde nesi añu rompió'l récord mundial de los 5000 m (en posesión de Ron Clarke), marcando 13:24.2. Nos Xuegos de la Mancomunidá de 1966 en Kingston (Xamaica) ganó les carreres de la milla y los trés milles. Nos siguientes Xuegos de la Mancomunidá, Keino ganó los 1500 m y foi terceru nos 5000 m.

Nos Xuegos Olímpicos de Méxicu 1968, ganó la medaya d'oru nos 1500 m (venciendo al norteamericanu Jim Ryun nun memorable duelu) y la medaya de plata nos 5000 m, a pesar d'una enfermedá. Cuatro años más tarde, nos Xuegos Olímpicos de Múnich 1972, ganó l'oru nos 3000 m torgues y la plata nos 1500 metros.

En 1987, compartió'l premiu "Deportista del Añu" de la revista Sports Illustrated xuntu con otros siete deportistes, caracterizaos como "Atletes que s'esmolecen" pol so trabayu colos güérfanos.

Anguaño, Keino vive un una magnífica granxa de Kenia occidental, onde controla y dirixe una organización benéfica pa los güérfanus y ye el presidente del Comité Olímpicu Kenianu. El so fíu Martin, l'únicu que siguió los sos pasos nel atletismu, foi dos veces campeón de NCAA.

En 1996 foi incluyíu nel World Sports Humanitarian Hall of Fame.

Enllaces esternos[editar | editar la fonte]

Kipchoge Keino