Keri-Lynn Wilson

De Wikipedia
Saltar a navegación Saltar a la gueta
Keri-Lynn Wilson
Vida
Nacimientu

Winnipeg18  de mayu de 1967

(51 años)
Nacionalidá Bandera de Canadá Canadá
Oficiu
Oficiu direutora d'orquesta
Cambiar los datos en Wikidata

Keri-Lynn Wilson (Winnipeg, 17 de mayu de 1967) ye una flautera y direutora d'orquesta canadiense.[1] A la fecha d'esti artículu, ye direutora musical de la Orquesta Filarmónica de Eslovenia.[2]

Biografía[editar | editar la fonte]

Keri-Lynn Wilson ye fía de Lynn Sharples y Carlisle Wilson, violinista y direutor.[3] Empezó los sos estudios de pianu cola so güela, Thelma Wilson, y los de cantar col so güelu, J. Kerr Wilson. Aprendió'l violín col so padre, Carlisle Wilson.[1]

Nel 2003, contraxo matrimoniu con Peter Gelb, actual direutor xeneral del Metropolitan Opera House y tamién exdireutor de Sony Classical.[3]

Carrera artística[editar | editar la fonte]

Empezó como intérprete nel club musical infantil de Winnipeg y más tarde llogró beques del club musical de muyeres y de la Wednesday Morning Musicale. Estudió flauta tresversal con Julius Baker, na Escuela Juilliard, onde llogró'l so grau y posgráu. A principios de la so carrera interpretó como flauteru solista cola Orquesta Filarmónica de Calgary, la Orquesta Sinfónica de Winnipeg y la Orquesta de Cámara de Manitoba.[1]

En 1989, ganó la competencia Artistes Internacionales, lo que la llevó a dar un recital na Sala Weill Recital del Carnegie Hall a los 21 años.[2] Sicasí, como ella señala, nun se sentía cómoda siendo una intérprete, polo que pasó de la flauta, el violín y el pianu a tomar la orquesta entera.[4]

Direición d'orquesta[editar | editar la fonte]

En 1990 empezó a estudiar direición d'orquesta so la supervisión de Otto-Werner Mueller y trabayó con grupos de música contemporanea como Musique Mobile and Continuum y la Orquesta Sinfónica Xúpiter. Tamién estudió composición con Kurt Masur, James DePriest y Leonard Slatkin. Recibió la beca Bruno Walter.[1] Consolidóse como una de les representantes del xéneru femenín na direición de ópera.[5]

Na temporada 2013-2014 dirixó Un baille de mázcares, de Giuseppe Verdi, en Estocolmo, cola Ópera Real d'Estocolmo, según Madama Butterfly, de Giacomo Puccini, nel so debú col Nuevu Teatru Nacional en Tokio, y al so regresu cola Ópera Estatal de Baviera, en Múnich.[4]

El so debú nel Teatru d'ópera de Zúrich foi na temporada 2012-2013, dirixiendo Lady Macbeth de Mtsensk y La traviata. Coles mesmes, dirixó L'holandés errante, na Ópera de Montreal;[6] La traviata, en Bilbao; Eugenio Onegin, en Varsovia; Nabucco, en La Coruña, y el so debú nel Festival de Música Schleswig-Holstein cola Orquesta Sinfónica de la Radio del Norte d'Alemaña, interpretando Turandot. Tamién debutó como direutora en Salerno con La traviata; en Bari, con Otello, y en Tel Aviv, con Boris Godunov.[4]

Foi la primer muyer direutora d'una ópera n'España, nel 2015, cola interpretación de Il Trovatore y Attila, al mandu de la Orquesta Sinfónica de Galicia, en La Coruña.[5][7]

Discografía[editar | editar la fonte]

Referencies[editar | editar la fonte]

  1. 1,0 1,1 1,2 1,3 «Keri-Lynn Wilson» (inglés). The Canadian Encyclopedia. Consultáu'l 13 d'avientu de 2016.
  2. 2,0 2,1 «Keri-Lynn Wilson». Consultáu'l 14 d'avientu de 2016.
  3. 3,0 3,1 WEDDINGS/CELEBRATIONS; Keri Wilson, Peter Gelb. 3 d'agostu de 2003. ISSN 0362-4331. http://www.nytimes.com/2003/08/03/style/weddings-celebrations-keri-wilson-peter-gelb.html. Consultáu 'l 15 d'avientu de 2016. 
  4. 4,0 4,1 4,2 «Keri-Lynn Wilson | IMG Artists». Consultáu'l 15 d'avientu de 2016.
  5. 5,0 5,1 «Entrevista Keri-Lynn Wilson (lavozdegalicia.es) | Amigos de la Ópera d'A Coruña». Consultáu'l 15 d'avientu de 2016.
  6. «Ópera n'América». ProÓpera. 2013. http://www.proopera.org.mx/pasaes/marabr4/operamundo/8-operaenamerica-mzo2013.pdf. Consultáu 'l 15 d'avientu de 2016. 
  7. País, Ediciones El títulu=El trunfu de la vocalidad (4 de setiembre de 2015) (en es). http://ccaa.elpais.com/ccaa/2015/09/04/galicia/1441390109_092632.html. Consultáu 'l 15 d'avientu de 2016. 
  8. «Keri-Lynn Wilson, Simón Bolívar Symphony Orchestra* - Danzón». Consultáu'l 15 d'avientu de 2016.

Ver tamién[editar | editar la fonte]


Keri-Lynn Wilson