Ken Christy

De Wikipedia
Saltar a navegación Saltar a la gueta
Ken Christy
Ken Christy35mm film frames.svg
Vida
Nacimientu Greenville Traducir23  de payares de 1894
Nacionalidá Bandera de Estaos Xuníos d'América Estaos Xuníos
Fallecimientu

Hollywood23  de xunetu de 1962

(67 años)
Oficiu
Oficiu actor, actor de televisión y actor de cine
Serviciu militar
Lluchó en Primer Guerra Mundial
IMDb nm0160701
Cambiar los datos en Wikidata

Ken Christy (23  de payares de 1894Greenville Traducir - 23  de xunetu de 1962Hollywood) foi un actor radiofónicu, cinematográficu y televisivu de nacionalidá estauxunidense.

Biografía[editar | editar la fonte]

El so nome completu yera Robert Kenneth Christy, y nació en Greenville, Pennsylvania, siendo'l segundu de los trés fíos de Alice Christy y Olivier B. Christy. Según datos del censu, Christy sirvió mientres la Primer Guerra Mundial.

Empecipió la so carrera artística trabayando na radio a principios de los años 1930. Con casi tres décades de trayeutoria radiofónica, tuvo papeles en programes de gran espardimientu como Little Orphan Annie, nel qu'interpretaba a Mr. Bonds, The Great Gildersleeve, como Xefe de Policía, o Suspense, programa pal cual fixo delles actuaciones de calter dramáticu.

Artista versátil, afacer a programes de calter seriu como The Fifth Horseman y Gangbusters, y a shows d'humor como Amos 'n' Andy, A Day in the Life of Dennis Day,[1] y The Alan Young Show.[2]

Christy actuó nun total de 144 películes y programes televisivos ente 1940 y 1962, anque en munchos d'ellos nun apaecía nos creitos. El so primer papel cinematográficu llegara con Foreign Correspondent (1940), rematando la so carrera interpretativa na serie televisiva Shannon (1962).

Ente les principales películes nes que trabayó Christy figuren Burma Convói (1941), Tarzan's New York Adventure (1942), Cheaper by the Dozen (1950), A Place in the Sun (1951), Abbott and Costello Go to Mars (1953), Inside Detroit (1956), y Utah Blaine (1957). De les sos actuaciones televisives pueden destacar les que llevó a cabu en Gang Busters (1952), Meet Corliss Archer (1954), Death Valley Days (1955), I Love Lucy (1954–56), Celebrity Playhouse (1956), Dragnet (1957), Wagon Train (1958), General Electric Theater (1959), M Squad (1960), y My Three Sons (1961).

Ken Christy finó en Hollywood, California, en 1962.

Referencies[editar | editar la fonte]

  1. The Definitive The Fifth Horseman Radio Log with Ken Christy
  2. Sies, Luther F. (2014). Encyclopedia of American Radio, 1920-1960, 2nd Edition, Volume 1. McFarland & Company, Inc. ISBN 978-0-7864-5149-4. P. 16.

Enllaces esternos[editar | editar la fonte]