Kaus Australis

De Wikipedia
Saltar a navegación Saltar a la gueta
Kaus Australis
Kaus Australis A
Constelación Saxitariu
Ascensión reuta α 18h 24min 10,3s
Declinación δ -34º 23’ 04,7’’
Distancia 145 ± 7 años lluz
Magnitú visual +1,79
Magnitú absoluta -1,45
Lluminosidá 375 soles
Temperatura 9200 K
Radiu 7 soles
Masa 5 soles
Tipu espectral B9.5III
Velocidá radial -15,0 km/s
Otros nomes HD 169022 / HR 6879
HIP 90185 / SAO 210091

Kaus Australis (Épsilon Sagittarii / ε Sgr / 20 Sgr) ye la estrella más brillosa de la constelación de Saxitariu y la trigésimisexta del cielu nocherniegu,[1]anque ostente la denominación de Bayer «épsilon», quinta lletra del alfabetu griegu. Ye una estrella doble con una componente bien lluminosa de magnitú aparente +1,79 y otra muncho más tenue de magnitú 14.[2][3]

Nome[editar | editar la fonte]

El nome de Kaus Australis tien un orixe mistu: Kaus provién del árabe y significa «arcu», ente que Australis provién del llatín y significa «del sur».[4]

Xuntu a Nash2 Sagittarii) y Kaus Meridionalis (δ Sagittarii), en llingua acadia esta estrella yera Ensin-nun‑el to o Si-nu-nu‑tum, «la golondrina».[5] Na antigua Arabia, tamién al pie de Nash y Kaus Meridionalis y amás con η Sagittarii, formaba Al Na'am al Warid, «les avestruces diendo», en referencia a que cruciaben el ríu celestial —la Vía Lláctea—.[6]

Nel Éufrates pudo ser llamada Nibat Anu.[5]

Carauterístiques físiques[editar | editar la fonte]

Asitiada a 145 años lluz en direición al centru de la Galaxa, Kaus Australis A ta catalogada como una xigante blancu-azulada de tipu espectral B9.5III[7] con una temperatura superficial de 9200 K. La so lluminosidá ye 375 vegaes mayor que la solar, más alta que la que cabría esperar pa una xigante de les sos carauterístiques, polo que tamién foi clasificada como xigante lluminosa. El so radiu, calculáu a partir de la midida direuta del so diámetru angular, ye 7 vegaes mayor qu'el radiu solar. Escosáu yá'l so combustible de hidróxenu, probablemente tien un nucleu de heliu inerte que se ta contrayendo y caleciendo enantes d'empezar el so fusión en carbonu y oxíxenu.[4] La so edá envalorada ye de 300 millones d'años.[8]

Kaus Australis presenta un baxu conteníu en metales, que puede debese a qu'éstos s'atopen na parte interna de la estrella, invisibles a la observación direuta en virtú d'una envoltura esterior de gas formada pola so alta velocidá de rotación, 70 vegaes mayor que la del Sol.[4]

Referencies[editar | editar la fonte]

Ver tamién[editar | editar la fonte]