Katie McGrath

Katie McGrath
Vida
Nacimientu	Ashford (es) , 3 de xineru de 1983 (40 años)
Nacionalidá	República d'Irlanda
Grupu étnicu	irlandeses
Llingua materna	inglés
Estudios
Estudios	Trinity College Dublin (es) ; St. Andrew's College (en)
Llingües falaes	inglés; Irlandés
Oficiu	actriz, actriz de cine, actriz de televisión
Creencies
Relixón	catolicismu
IMDb	nm2692146

Katherine Elizabeth "Katie" McGrath (3 de xineru de 1983, Ashford ^(es) ) ye una actriz y modelu irlandesa, más conocida por interpretar a Morgana na serie de televisión de BBC One, Merlín y pol so papel de Lucy Westenra na serie Dracula. Tamién apaeció en películes como W.E., dirixida por Madonna, Christmas at Castlebury Hall (2011), Jurassic World (2015), King Arthur: Legend of the Sword (2017) y anguaño ye Lena Luthor na serie de The CW Supergirl.

Primeros años[editar | editar la fonte]

McGrath nació'l 3 de xineru de 1983 en Dublín, Irlanda. Tien dos hermanos mayores llamaos Sean y Rudhraigh. Graduóse con un posgráu n'historia nel Trinity College de Dublín.^[2]Nun tenía la intención de siguir l'oficiu d'actriz. Al graduase, interesóse nel periodismu de moda y estilu de vida, y trabayó pa delles revistes de moda ya imaxe. Dempués d'esto, la meyor amiga de la so madre, asistente de direición, ayudóla nel so trabayu como asistente de vestuariu na serie The Tudors.^[3]

Carrera[editar | editar la fonte]

Katie McGrath (derecha) con una de les co-protagonistes de Merlín Angel Coulby (esquierda) en Comic-Con 2010

Mientres trabayaba en The Tudors, aconseyáron-y que probara l'actuación, polo qu'unvió fotografíes a axencies irlandeses.^[4] Como resultancia, consiguió un papel secundariu na serie (temporada 2, capítulu 5).^[3]

Según les sos pallabres:

"Un par de productores dixéronme que tenía de da-y una oportunidá a l'actuación. Entós pensé, "¿Por qué non?" Ye como escapar pa xunise al circu, tol mundu quier faelo cuando ye nuevu pero entós creces y consigues un emplegu. Pero daquién tien que faelo o naide tendría'l circu."

McGrath tamién rodó un docudrama de cinco partes pal Canal 4, onde s'encetaba la vida de la reina Sabela II. Ellí dio vida a una xoven princesa Margarita.^[5]

Coles mesmes, trabayó nes películes Edén y Freakdog enantes de xunise al repartu de Merlín. McGrath casi nun consigue'l papel en Merlín debíu al fechu de qu'ella tien acentu irlandés. Pa consiguir el papel, ella y el so co-estrella de Merlín, Colin Morgan, recibieron entrenamientu especial pal so nuevu acentu. Mientres la serie formó gran amistá con Colin Morgan. En marzu de 2011, McGrath xunióse al rodaxe de la película Christmas at Castlebury Hall nel papel protagonista de Jules Daly. En setiembre del mesmu añu Katie emprestó la so voz pal personaxe d'un futuru curtiu animáu tituláu Trìd an Stoirm. Daqué más tarde esi mesmu mes fichó pa interpretar a Oriane Congost na mini-serie Labyrinth.

Nel 2013 Katie xunióse al repartu de la serie Dracula onde daba vida a Lucy Westenra, una aristócrata londinense bien sexy a la que-y encantexa cotillear y que ye la meyor amiga de Mina (Jessica De Gouw). La serie taba protagonizada por Jonathan Rhys Meyers, protagonista de The Tudors. Esi mesmu añu formó parte de la nueva serie de BBC, Dates. En 2015 apaeció na nueva película de la franquicia Jurassic Park, denomada Jurassic World au interpretó al personaxe de Zara Young.

Nel 2016 interpretó a Sarah Bennett, personaxe principal de la serie de terror antolóxicu canadiense Slasher.

Foi tamién en 2016 onde s'anunció qu'interpretaría'l rol recurrente de Lena Luthor na segunda temporada de la serie Supergirl, personaxe que se volvería principal pa la tercer temporada de la serie. Amás actuaría na pelicula pa televisión Buttons.

En 2017 apaez na película empobinada por Guy Ritchie, King Arthur: Legend of the Sword, onde interpreta al Elsa, la esposa del antagonista principal Vortigern.

Filmografía[editar | editar la fonte]

Películes[editar | editar la fonte]

Añu	Títulu	Personaxe	Notes
2007	Pebble	Tara	Curtiu
2011	W.E.	Lady Thelma Furness	-
2012	Tríd an Stoirm	Alice/Banshee (voz)	Curtiu
2014	Leading Lady	Jodi Rutherford
2015	Jurassic World	Zara Young
2015	The Throwaways	Gloria Miller
2017	King Arthur: Legend of the Sword

Series de televisión[editar | editar la fonte]

Añu	Títulu	Papel	Notes
2008	The Tudors	Bess	Episodiu: "His Majesty's Pleasure"
2008	Freakdog	Harriet Chambers
2008	The Roaring Twenties	Vixen	Miniserie
2008–12	Merlín	Morgana Pendragon	Papel co-protagonista, 65 episodios
2009	The Queen	Princesa Margarita	Episodiu: "Margaret"
2011	Christmas at Castlebury Hall	Jules Daly	Película pa televisión
2012	Labyrinth	Oriane Congost	Miniserie
2013	Dates	Kate Foster
2014	Dracula	Lucy Westenra	Co-protagonista, 10 episodios
2016	Slasher	Sarah Bennett	Protagonista
2016	Buttons	Rol por revelar
2016 - Presente	Supergirl	Lena Luthor	2ᵘ y 3ᵘ temporada
2016—17	Frontier	Elizabeth Carruthers

Premios[editar | editar la fonte]

Añu	Premiu	Categoría	Papel	Resultáu
2009	Monte Carlo TV Festival awards^[6]	Actriz destacada en drama	Morgana	Nomada^[7]
2011	Monte Carlo TV Festival awards	Actriz destacada en drama	Morgana	Nomada^[7]

Referencies[editar | editar la fonte]

↑ URL de la referencia: https://www.voici.fr/bios-people/katie-mcgrath.
↑ The Gloss Magacín - The Sorcerer’s Apprentice (n'inglés)
↑ ^3,0 ^3,1 Arena Magacín - Girls - Katie McGrath Archiváu el 17 de febreru de 2009 na Wayback Machine. (n'inglés)
↑ Sunday Herald Salon - She's magic Archiváu el 8 d'abril de 2009 na Wayback Machine. (n'inglés)
↑ Holmwood, Leigh (28 de xineru de 2009). Five actresses to play the Queen for C4. The Guardian. http://www.guardian.co.uk/media/2009/jan/28/channel-4-queen-actresses. Consultáu 'l 4 de xunu de 2011.
↑ «Festival de Télévision de Monte-Carlo - 50 - Nominees for Outstanding Actor - Drama TV Series». Archiváu dende l'orixinal, el 17 de xunetu de 2011. Consultáu'l 22 d'abril de 2010.
↑ ^7,0 ^7,1 http://www.digitalspy.com/tv/news/a315649/in-full-monte-carlo-tv-festival-fiction-nominees/

Enllaces esternos[editar | editar la fonte]

Katie McGrath n'IMDb (n'inglés)

[6764e667a25865458651eb4eba42ca2f8ed2b2a4-1] URL de la referencia: https://www.voici.fr/bios-people/katie-mcgrath.

[TheGloss1-2] The Gloss Magacín - The Sorcerer’s Apprentice (n'inglés)

[Arena-3] 3,0 ^3,1 Arena Magacín - Girls - Katie McGrath Archiváu el 17 de febreru de 2009 na Wayback Machine. (n'inglés)

[SundayHerald-4] Sunday Herald Salon - She's magic Archiváu el 8 d'abril de 2009 na Wayback Machine. (n'inglés)

[Guardian1-5] Holmwood, Leigh (28 de xineru de 2009). Five actresses to play the Queen for C4. The Guardian. http://www.guardian.co.uk/media/2009/jan/28/channel-4-queen-actresses. Consultáu 'l 4 de xunu de 2011.

[monte.carlo.2010-6] «Festival de Télévision de Monte-Carlo - 50 - Nominees for Outstanding Actor - Drama TV Series». Archiváu dende l'orixinal, el 17 de xunetu de 2011. Consultáu'l 22 d'abril de 2010.

[:0-7] 7,0 ^7,1 http://www.digitalspy.com/tv/news/a315649/in-full-monte-carlo-tv-festival-fiction-nominees/

[1]

[2]

[3]

[4]

[5]

[6]

[7]