Saltar al conteníu

Kathleen Mary Drew-Baker

De Wikipedia
Kathleen Mary Drew-Baker
Vida
Nacimientu Leigh6 de payares de 1901[1]
Nacionalidá Bandera del Reinu Xuníu Reinu Xuníu
Bandera del Reinu Xuníu Reinu Xuníu de Gran Bretaña ya Irlanda
Muerte Manchester14 de setiembre de 1957[1] (55 años)
Estudios
Estudios Institutu de Ciencia y Teunoloxía de la Universidá de Manchester
Bishop Wordsworth's Church of England Grammar School (en) Traducir
Universidá de Manchester
Llingües falaes inglés
Oficiu botánica, ficóloga, profesora universitariacoleicionista de plantes
Emplegadores Institutu de Ciencia y Teunoloxía de la Universidá de Manchester
Universidá Victoria de Manchester
Miembru de British Phycological Society (es) Traducir
Abreviatura en botánica K.M.Drew (IPNI)
Cambiar los datos en Wikidata

Kathleen Mary Drew-Baker (6 de payares de 1901Leigh – 14 de setiembre de 1957Manchester) foi una ficóloga británica, conocida poles sos investigaciones sobre l'alga comestible Porphyra (nori), que condució a un cambéu drásticu nel cultivu comercial.

El legáu científicu de Kathleen Drew-Baker ye bien apreciáu en Xapón, onde foi llamada "Madre del Mar".[2] El so trabayu ye celebráu cada añu'l 14 d'abril. Un monumentu na so memoria foi emplazado nel santuariu de Sumiyoshi n'Uto, Kumamoto.

Primeros años[editar | editar la fonte]

Kathleen Mary Drew nació en Leigh, Gran Mánchester. Asistió a la Bishop Wordsworth's School, en Salisbury y llogró una beca pa estudiar botánica na Universidá de Mánchester, onde se graduó en 1922 con honores y onde depués llogró una maestría en 1923.[3]

Carrera académica[editar | editar la fonte]

Drew-Baker desenvolvió la mayor parte de la so vida académica nel departamentu de botánica de la Universidá de Mánchester, como conferenciante ya investigadora de 1922 a 1957. Drew Baker llogró una beca d'investigación en 1922 y años más tarde xunióse al staff del departamentu de botánica nel llaboratoriu de criptógames. En 1925 trabayó dos años na Universidá de California en Berkeley al llograr una beca de la Mancomunidá de Naciones, viaxando a sitios como Ḥawai pa recoyer muestres botániques. En 1928, Kathleen casóse col académicu Henry Wright-Baker.

Investigación sobre'l cultivu comercial d'algues[editar | editar la fonte]

Anque Drew-Baker nunca viaxó a Xapón, la so investigación académica contribuyó de manera decisiva al desenvolvimientu comercial de la producción de nori nesi país. Drew-Baker estudió'l ciclu vital de l'alga Porphyra y nun artículu académicu publicáu na revista Nature en 1949, demostró que'l microscópicu Conchocelis —hasta entós consideráu una alga independiente— yera la fase diploide del organismu del cual la Porphyra ye l'estáu haploide.[4] El so descubrimientu críticu foi que na etapa microscópica, los moluscos bivalvos aproven un ambiente esencial pal desenvolvimientu de l'alga.[5] [6]

Cultivu de nori na Prefeutura de Mie

Les investigaciones de Drew-Baker fueron rápido retrucaes pola ficóloga xaponesa Sokichi Segawa, quien de la mesma desarrollṕ la conocencia necesaria pa revolucionar el cultivu de nori. Anque la recueya de nori esplotóse comercialmente en Xapón dende'l s. XVII, siempres sufriera temportadas de magras colleches, y yera particularmente sensible a les inclemencies del clima y de la polución n'agües costeres.[7] Yá en 1953, Fusao Ota y otros biólogos marinos desenvolvieren téuniques de cultivu artificial, basaos nestes investigaciones. Esto condució a una significativa medría de la producción d'algues en Xapón.

Ente 1924 y 1947 Drew-Baker publicó 47 artículos académicos, principalmente enfocaos nes algues coloraes. Foi cofundadora de la British Phycological Society en 1952 y el so primer presidente.

Familia[editar | editar la fonte]

Casóse col profesor Henry Wright-Baker del Institutu de Ciencia y Teunoloxía de la Universidá de Mánchester en 1928, con quien tuvo dos fíos. Foi miembru de la Sociedá Relixosa de los Amigos.

Abreviatura[editar la fonte]

L'abreviatura K.M.Drew emplégase pa indicar a Kathleen Mary Drew-Baker como autoridá na descripción y clasificación científica de los vexetales. (consulta la llista de tolos xéneros y especies descritos por esta autora nel IPNI).

Referencies[editar | editar la fonte]

  1. 1,0 1,1 Afirmao en: Autor de nome científicu. Abreviatura d'autor en botánica: K.M.Drew. Apaez como: Kathleen Mary Drew. Data de consulta: 9 ochobre 2017.
  2. (n'inglés) Titanic musician and palace intruder enter dictionary. BBC News. 27 de mayu de 2010. http://news.bbc.co.uk/2/hi/uk_news/8705942.stm. 
  3. Haines, Catharine (2001). International Women in Science: A Biographical Dictionary to 1950. Santa Barbara, CA: ABC CLIO Inc., páx. 87. ISBN 1-57607-090-5.
  4. Drew, Kathleen M. (1949). «Conchocelis-phase in the life-history of Porphyra umbilicalis (L.) Kütz». Nature 164 (4174):  páxs. 748–749. doi:10.1038/164748a0. http://www.nature.com/nature/journal/v164/n4174/abs/164748a0.html. 
  5. Mouritsen, Ole (2009). Sushi: Food for the Eye, the Body and the Soul. Springer, páx. 91. ISBN 978-1-4419-0617-5.
  6. Lund, J.W.G. (1958). «Kathleen M. Drew D.Sc. (Mrs. H. Wright Baker) 1901». British Phycological Bulletin 1:6, iv-12. doi:10.1080/00071615800650021. http://dx.doi.org/10.1080/00071615800650021. 
  7. Graber, Cynthia (19 d'avientu de 2014). How This British Scientist Saved Japan’s Seaweed Industry. Mother Jones. http://www.motherjones.com/environment/2014/12/japan-seaweed-gastropod-kelp. 

Enllaces esternos[editar | editar la fonte]