Karen Wetterhahn

De Wikipedia
Karen Wetterhahn
Vida
Nacimientu Plattsburgh (es) Traducir16 d'ochobre de 1948
Nacionalidá Bandera de Estaos Xuníos d'América Estaos Xuníos
Muerte Lyme (es) Traducir8 de xunu de 1997 (48 años)
Causa de la muerte envenenamiento por mercurio (es) Traducir[1]
Estudios
Estudios Universidá de Columbia
Universidá de St. Lawrence
Oficiu química
Emplegadores Dartmouth College
Cambiar los datos en Wikidata

Karen Wetterhahn (16 d'ochobre de 1948Plattsburgh (es) Traducir – 8 de xunu de 1997Lyme (es) Traducir) foi una profesora de química del Dartmouth College, New Hampshire, que s'especializó na esposición a metales tóxicos. Foi noticia nacional cuando morrió a los 48 años por cuenta de una esposición accidental al compuestu orgánicu dimetilmercurio (Hg(CH3)2). Los guantes proteutores de la dómina fueron insuficientes pa parar los efeutos mortales que se desenvolvieron meses dempués del incidente nel que tuvo en contautu con unes poques gotes.

Accidente[editar | editar la fonte]

El 14 d'agostu de 1996, Wetterhahn taba estudiando la manera na que interactúan los iones de mercuriu coles proteínes reparadores del ADN y taba usando dimetilmercurio como material de referencia estándar pa les midíes d'espectroscopía de RMN 199Hg.[2]

Wetterhahn, especialista en metales tóxicos, envelenóse por fuercia nel so llaboratoriu cuando unes poques gotes del compuestu tresparente enfusaron nel so guante proteutor; El dimetilmercurio ye un compuestu sintéticu usáu casi puramente como referencia estándar nun tipu concretu d'analís químicu. Wetterhahn taba investigando les propiedaes tóxiques d'otru metal pesao altamente tóxicu, el cadmiu, usando'l dimetilmercurio como puntu de referencia.

L'arramáu accidental asocedió'l 14 d'agostu de 1996, pero los síntomes del so envelenamientu per mercuriu nun se detectaron hasta seis meses dempués, cuando ésti yera irreversible. Wetterhahn careció sópitamente en xineru de 1997 y foi hospitalizada; entós cayó nuna coma que duró hasta xunu, cuando se-y retiró'l soporte vital y morrió.

Wetterhahn recordó qu'arramara delles gotes de dimetilmercurio dende la punta de la pipeta hasta la mano protexida pol guante de látex. Darréu, la so esposición foi confirmada por un analís capilar qu'amosaba un aumentu drásticu en mercuriu 17 díes dempués de la esposición, siguida por un amenorgamientu gradual. Pruebes posteriores amosaron que'l dimetilmercurio puede travesar distintos tipos de guantes de látex ya introducise na piel en 15 segundos.[2][3]

Cinco meses dempués de la esposición, fíxose evidente que dellos síntomes neurolóxicos iniciales como la perda d'equilibriu o la dificultá pa falar yeren causaos por una Envelenamientu per mercuriu.[4][5][6][3] Foi almitida nel hospital, onde s'afayó qu'una sola esposición a dimetilmercurio aumentara los sos niveles de mercuriu en sangre a 4000 microgramos per llitru, o 80 vegaes l'estragal tóxicu. El conteníu de mercuriu n'orina aumentara a 234/L; el rangu normal va de 1 a 5 y el nivel tóxicu ye mayor a 50 μg/L.[3]

A pesar de l'agresiva terapia quelante, el so estáu deterioróse rápido y tres selmanes dempués d'apaecer los sos primeros síntomes, cayó nuna coma descritu por unu de los sos antiguos estudiantes como nun ser "...el tipu de coma que yo esperaba...Ximelgábase. El so home vio llárimes baxando poles sos mexelles. Pregunté-y si sentía dolor. Los médicos dixeron que nun paecía que'l so celebru pudiera siquier rexistrar el dolor."[6] Wetterhahn morrió pocos meses dempués, menos d'un añu tres la esposición inicial.

Primeramente, esistieron casos documentaos de muertes per envelenamientu por dimetilmercurio. En 1865, dos ayudantes de llaboratoriu ingleses morrieron delles selmanes dempués d'ayudar a sintetizar dimetilmercurio per primer vegada. En 1972, un químicu checu de 28 años en Checoslovaquia, sufrió los mesmos síntomes de Wetterhahn en sintetizando 6 kg del compuestu.[3][4]

Legáu[editar | editar la fonte]

La muerte de Keren Wetterhahn non solo sorprendió a tol departamentu de química sinón tamién a les axencies reguladores, una y bones la esposición accidental asocedió a pesar de tomar toles midíes conocíes nesi tiempu. Estes incluyíen l'usu de guantes de látex, la campana extractora de fumos, y el cumplimientu de les midíes de seguridad estándar. Dempués de que s'afayara l'envelenamientu por mercuriu de Wetterhahn, los sos compañeros probaron dellos guantes de seguridá contra'l dimetilmercurio y afayaron que la pequeña molécula apolar travesaba la mayoría en segundos, muncho más rápido de lo esperao. Como resultancia, agora encamiéntase usar unos guantes laminados de plásticos, flexibles y bien resistentes cuando se manipolie dimetilmercurio y otres sustancies igual de peligroses. P'aumentar la proteición, pueden usase so unos guantes de neoprenu, por casu.[2][3]

Nesa dómina, el dimetilmercurio yera un estándar de calibración común para espectroscopía de RMN 199Hg porque tenía ciertes ventayes sobre les alternatives esistentes.[7] De resultes del accidente de Wetterhahn,[8] revisáronse los encamientos y fiches FDS,[9] y desanimóse l'usu de dimetilmercurio .

Dende entós Darthmouth College estableció un gallardón en nome de Wetterhahn p'animar a otres muyeres a siguir les sos carreres científiques. Siempres que sía posible, na entrega del premiu dará preferencia a otres muyeres.[10] El Institutu Nacional de Ciencies de Salú Ambiental (NIEHS) tamién caltién un premiu añal pa los estudiantes graduaos o investigadores post-doctorales n'honor a Karen Wetterhahn.[11]

Wetterhahn ayudó a establecer el Proyeutu Muyeres na Ciencia del Dartmouth College (WISP), qu'ayudó a aumentar el númberu de muyeres en carreres de ciencia del 13 al 25% en Dartmouth College y convertise nun modelu nacional.[4][12]

Referencies[editar | editar la fonte]