Kappa Tucanae

De Wikipedia
Saltar a navegación Saltar a la gueta
Kappa Tucanae

Kappa Tucanae (κ Tuc / HD 7788) ye una estrella binaria na constelación de Tucana. Forma una estrella cuádruple con otra binaria denomada Gliese 55.1 (GJ 55.1).[1] El sistema alcuéntrase a 67 años lluz del Sistema Solar y ye miembru —al igual que Botein (δ Arietis) o ι Horologii— del «supercúmulu de les Híades»,[2] ampliu grupu d'estrelles que comparten coles Híades el mesmu movimientu al traviés del espaciu.

Kappa Tucanae[editar | editar la fonte]

Kappa Tucanae A/B
Constelación Tucana
Ascensión reuta α 01h 15min 46,2s
Declinación δ -68º 52’ 33’’
Distancia 67 años lluz
Magnitú visual +4,86 / +7,58
Magnitú absoluta +3,25 (conxunta)
Lluminosidá 3,9 / ? soles
Temperatura 6339 / ? K
Masa 1,25 / 0,90 soles
Tipu espectral F6V / K1V
Velocidá radial +9,2 km/s
Otros nomes HD 7788 / HR 377
HIP 5896 / GJ 19049

Dientro de la primera binaria, la estrella más brillosa ye Kappa Tucanae A (GJ 9049 A / SAO 248346), con magnitú aparente +4,86.[3] Ye una estrella blancu-mariella de la secuencia principal de tipu espectral F6V con una temperatura efectivo de 6339 K.[4] Ye 3,9 vegaes más lluminosa qu'el Sol y tien una masa de 1,25 mases solares.[5] La midida de la velocidá de rotación proyeutada nesta binaria —111 km/s—[6] probablemente correspuende a la d'esta estrella.

La so compañera estelar, Kappa Tucanae B (GJ 9049 B / SAO 248345), ye una nana naranxa de magnitú +7,58.[7] El so tipu espectral ye K1V y la so masa ye inferior a la del Sol nun 10%.

El periodu orbital d'esta binaria nun ye bien conocíu, pero paez tar nel rangu de 846 - 1222 años. El so metalicidá —bayura relativa d'elementos más pesaos qu'el heliu— ye asemeyáu a la solar ([Fe/H] = +0,03)[4] y la so edá más probable ye de 2300 millones d'años.

Gliese 55.1[editar | editar la fonte]

Gliese 55.1 A/B
Constelación Tucana
Ascensión reuta α 01h 15min 01,0s
Declinación δ -68º 49’ 08’’
Distancia 67 años-lluz
Magnitú visual +7,74 / +8,32
Magnitú absoluta +5,56 (conxunta)
Lluminosidá 0,58 soles (conxunta)
Temperatura 4720 / ? K
Masa 0,74 / 0,69 soles
Tipu espectral K2V / K3V
Velocidá radial +6,1 km/s
Otros nomes HD 7693 / HIP 5842
SAO 248342 / GJ 55.1

Los dos estrelles que formen la binaria Gliese 55.1 (HD 7693) son nanes naranxes de tipu espectral K2V y K3V.[8] La primera d'elles tien magnitú aparente +7,74 y una masa equivalente al 74% de la masa solar. La segunda tien magnitú +8,32 y el 69% de la masa solar.[5] La so lluminosidá conxunta equival al 58% de la lluminosidá solar y la so metalicidá paez ser inferior a la del Sol ([Fe/H] = -0,30).[4]

Esta binaria tien un periodu orbital de 86,6 años, bien inferior al de Kappa Tucanae. La separación visual ente Kappa Tucanae y Gliese 55.1 ye de 319 segundos d'arcu[9] y cada una de los dos binaries emplega unos 275.000 años en completar una órbita alredor del centru de mases común.[5]

Referencies[editar | editar la fonte]