Kaori Sakamoto

De Wikipedia
Saltar a navegación Saltar a la gueta

Plantía:Ficha de patinador sobre xelo

Kaori Sakamoto (坂本花織 Sakamoto Kaori?, Kōbe, Xapón, 9 d'abril de 2000), ye una patinadora artística sobre xelo xaponesa.[1] Sestu llugar nos Xuegos Olímpicos de Pyeongchang 2018. Medayista de bronce del Campeonatu Mundial Júnior de 2017, medayista de bronce en Skate America 2017, medaya de plata nos nacionales de Xapón de 2017-18 y campeona del Cuatro Continentes de 2018.

Carrera[editar | editar la fonte]

Trayeutoria[editar | editar la fonte]

Honda y Sakamoto nel Campeonatu Mundial Júnior de 2017.

Ganó la medaya d'oru nel Campeonatu de Xapón 2012-2013 y quedó nel novenu llugar del Campeonatu Júnior de Xapón de la mesma temporada. Mientres la temporada 2013-2014 debutó nel Grand Prix na categoría júnior, ganó'l sestu llugar na competencia de República Checa. Remató octava nel Campeonatu Júnior de Xapón.[2] Remató en quintu llugar nel Campeonatu de Xapón. Foi ganadora de la medaya de plata nel eventu de Grand Prix en Francia y ganó l'oru en Xapón. Na final júnior del Grand Prix en Marsella, Francia, ganó la medaya de bronce.[3]

Ganó la medaya de bronce nel Campeonatu Mundial Júnior de 2017. Sakamoto empecipió la so carrera sénior na temporada 2017-2018, ganó'l Troféu d'Asia de 2017, remató en cuartu llugar nel O.S Classic de 2017 y foi asignada a la Copa Rostelecom de 2017 y al Skate América, eventos del Grand Prix.[4] Nel Skate America de 2017 ganó la medaya de plata. En xineru de 2018 ganó'l segundu llugar nos Nacionales de Xapón, colo que consiguió un puestu pa los Xuegos Olímpicos de Pyeongchang 2018; esi mesmu mes llogró la medaya d'oru nel Campeonatu Four Continents, onde los sos conacionales, Mai Mihara y Satoko Miyahara, llograron la plata y el bronce, respeutivamente. Nel so programa llargu del Campeonatu Four Continents, celebráu en Taipei, Sakamoto llogró 142.87 puntos, la so meyor marca personal hasta'l momentu.

Debutó nel xelu olímpico de Pyeongchang na competencia por equipos, onde patinó el programa llibre y consiguió 131.91, asitiándose na quinta posición, llueñe de la so meyor marca, al fallar na so primer combinación triple flip-triple toe. Na competencia indivual llogró la so meyor marca personal nel programa curtiu, 73.18. Colo que consiguió llegar al programa llibre como quinta y nel grupu A. El so programa llibre foi consistente, namái tuvo deducción pol aterrizaxe en dos puntes del so penúltimu saltu, un triple loop. En total sumó 209.71 y terminó sesta na xusta olímpica. [5]

Sakamoto nel Campeonatu Mundial Júnior de 2015.

Programes[editar | editar la fonte]

Temporada Programa curtiu Programa llibre Exhibición
2017-2018[6] Moonlight Sonata de Ludwig Van Beethoven (Coreografía de Benoît Richaud) Amélie de Yann Tiersen (Coreografía de Benoît Richaud) The Name's Bond... James Bond de Nicholas Dodd
2016-2017[1] The Artist de Ludovic Bource The Color Purple de Quincy Jones Primavera Porteña de Ástor Piazzolla
2015-2016[1] Malagueña d'Ernesto Lecuona (Coreografía de Masashiro Kawagoe) The Color Purple de Quincy Jones
2014-2015[1] Dark Eyes de Florian Hermann (Coreografía de Masashiro Kawagoe) Ouverture de Pyotr Ilyich Tchaikovsky
2013-2014 Anything Goes de Cole Porter (Coreografía de Masashiro Kawagoe) Aladdin de Alan Menken

Resultancies detallaes nivel sénior[editar | editar la fonte]

Temporada 2017-2018
Fecha Eventu Programa curtiu Programa llibre Total
22-28 de xineru de 2018 Campeonatu de los Cuatro Continentes de 2018[7] 1
71.34
1
142.87
1
214.21
21–24 d'avientu de 2017 Campeonatu de Xapón de 2017-2018 1
73.59
4
139.92
2
213.51
24–26 de payares de 2017 Skate America de 2017 2
69.40
2
141.19
2
210.59
20–22 d'ochobre de 2017 Copa Rostelecom 2017 4
68.88
5
125.12
5
194.00
13–17 de setiembre de 2017 International Figure Skating Classic de 2017 5
56.82
4
112.30
4
169.12
2–5 d'agostu de 2017 Troféu Asiáticu de 2017 1
63.70
1
112.41
1
176.11

Referencies[editar | editar la fonte]

  1. 1,0 1,1 1,2 1,3 «Sakamoto Kaori ISU Ladies» (inglés). ISU Results (28 de payares de 2017). Archiváu dende l'orixinal, el 8 de marzu de 2015.
  2. «Kaori Sakamoto: "I need to work harder» (inglés). GoldenSkate (28 de payares de 2017).
  3. «Sakamoto out of figure skating competition at Asian Winter Games with flu» (inglés). The Japan Times (28 de payares de 2017).
  4. «「トリプルアクセルを絶対に跳びたい」シニアデビュー控える17歳・坂本花織» (xaponés). Yahoo! Sports Japan (28 de payares de 2017).
  5. «Satoko and Sakamoto win Skate America 2017» (inglés). The Japan Times (1 d'avientu de 2017).
  6. «坂本花織、SP曲を変更 ジャンプ全て後半にするも、ミスが相次ぐ» (xaponés). DailySports (1 d'avientu de 2017).
  7. «Kaori Sakamoto, Mai Mihara, Satoko Miyahara complete Four Continents sweep» (inglés). The Japan Times (25 de xineru de 2018).

Enllaces esternos[editar | editar la fonte]




Kaori Sakamoto