Kaitlin Olson

Kaitlin Olson
Vida
Nacimientu	Portland, 18 d'agostu de 1975 (48 años)
Nacionalidá	Estaos Xuníos
Residencia	Los Angeles
Llingua materna	inglés
Familia
Casada con	Rob McElhenney (2008 – )
Fíos/es	2
Estudios
Estudios	Universidá d'Oregón Tigard High School (en)
Llingües falaes	inglés
Oficiu	actriz, actriz de televisión, actriz de cine, actriz de voz
Instrumentu musical	voz
IMDb	nm0647698

Kaitlin Olson (18 d'agostu de 1975, Portland) ye una actriz de cine, televisión, de voz y humorista d'Estaos Xuníos. Ye conocida por interpretar al personaxe de Deandra Reynolds na serie It's Always Sunny in Philadelphia y por ser dobladora de voz na serie d'animación Family Guy. Ta casada dende'l 2008 col actor Rob McElhenney, col que tien dos fíos.

Biografía

Nacida na ciudá estauxunidense Tigard del Estáu d'Oregón nel añu 1975. El so padre ye Donald Olson, un conocíu editor. Dende mozu afayó la so pasión pel mundu de la interpretación, que llicencióse en Arte dramáticu pola Universidá d'Oregón y en rematando los sos estudios universitarios treslladóse hai morar en Los Angeles (California) pa poder dedicase profesionalmente a la so carrera interpretativa.

Amás de querer trabayar como actriz tamién de la mesma quíxose dedicase a ser humorista, ingresando na escuela del humor The Groundlings en Los Angeles, de la cual llegó a tar de xira xunto a otros conocíos humoristes polos Estaos Xuníos. Tamién ye miembra de la ONG United Service Organizations (USU), cola que llegó a faer espectáculos en países como Bosnia-Herzegovina, Kosovu y Noruega. Nel cine y la televisión debutó nel añu 2000, per primer vegada na película Eyes to Heaven y na serie Curb Your Enthusiasm. Mientres estos años salió en numberoses películes ente les que destaquen Coyote Ugly, Weather Girl, Leap Year, The Heat y ta previstu pa la película Finding Dory que se va estrenar en 2016. Igualmente salió en numberoses series de televisión siendo la primera Curb Your Enthusiasm y ente les que tamién destaquen The Drew Carey Show, Miss Match, Significant Others, George Lopez, The Sketch Show, It's Always Sunny in Philadelphia y The Riches. Como actriz de voz dobló series d'animación: Family Guy, Unsupervised y Brickleberry.

Vida privada

En setiembre de 2007, el periódicu Philadelphia Daily News informó que Kaitlin Olson tenía una rellación sentimental col so compañeru de trabayu na serie It's Always Sunny in Philadelphia l'actor d'Estaos Xuníos Rob McElhenney. Un añu más tarde, el día 27 de setiembre de 2008 casóse en California. Tuvieron al so primer fíu Axel Lee, el 1 de setiembre de 2010 tres que se punxera de partu mientres el rodaxe de seriar pero finalmente dio a lluz nel hospital. El so segundu fíu llámase Leo Grises McElhenney y nació el 5 d'abril de 2012.

Filmografía

Xunto a Danny DeVito (centru) y el so home Rob McElhenney (derecha).

Cine

Añu	Títulu	Personaxe	Notes
2000	Eyes to Heaven	""
	Jacks	Jocelyn
	Coyote Ugly	Bidding Customer
2001	Fugly	""	Curtiumetraxe
2002	Meet the Marks	Kaitlin Marks
2003	Scapegoats	Jeannie	Curtiumetraxe
2009	Weather Girl	Sherry
2010	Leap Year	Libby
	Held Up	""
2013	The Heat
2016	Finding Dory	Killer Whale	Voz

Televisión

Añu	Títulu	Personaxe	Notes
2000-2007	Curb Your Enthusiasm	Becky	6 episodios
2002-2004	The Drew Carey Show	Traylor	12 episodios
2003	Miss Match	Jillian	1 episodiu
2004	Significant Others	Lauren	idem
	George Lopez	Janet	idem
2005	The Sketch Show	""	""
	It's Always Sunny in Philadelphia	Deandra Reynolds	Actualidá
2006	Out of Practice	Debbie	1 episodiu
2007	The Riches	Hartley Underwood	5 episodios
2011	Family Guy	Brenda Quagmire	Voz
2012	Unsupervised	Carol/Danielle	idem
	Brickleberry	Ethel	idem

Enllaces esternos

• Wikimedia Commons acueye conteníu multimedia sobre Kaitlin Olson.

• Kaitlin Olson na Internet Movie Database (n'inglés)

• Kaitlin Olson en Twitter
• Biografía (n'inglés)

• Datos: Q290094
• Multimedia: Kaitlin Olson