KW Hydrae

De Wikipedia
Saltar a navegación Saltar a la gueta
KW Hydrae
KW Hydrae A/B
Constelación Hidra
Ascensión reuta α 09h 12min 26,04s
Declinación δ -07º 06’ 35,4’’
Distancia 286 años lluz
Magnitú visual +6,11 (conxunta / media)
Magnitú absoluta +1,66 / +3,08
Lluminosidá 16,6 / 4,5 soles
Temperatura 8000 / 6900 K
Masa 1,97 / 1,49 soles
Radiu 2,13 / 1,48 soles
Tipu espectral A5m / F0V
Velocidá radial -4,0 km/s

KW Hydrae (KW Hya / 21 Hydrae / HD 79193)[1] ye una estrella variable na constelación d'Hidra asitiada a 286 años lluz del Sistema Solar. El so rellumu varia ente magnitú aparente +6,11 y +6,58.[2]

KW Hydrae ye una binaria eclipsante formada por una estrella blanca de tipu espectral A5m y una estrella blancu-mariella de tipu F0V. La estrella A5m ye la componente más lluminosa —16,6 vegaes más qu'el Sol— y tien una temperatura efectivo de 8000 K. Tien el doble de masa que'l Sol y, con un radiu de 2,13 radios solares, xira sobre sigo mesma con una velocidá de rotación de siquier 15 km/s. Ye una estrella con llinies metáliques —asemeyada, por casu, a les componentes del sistema WW Aurigae— en que'l so espectru apaecen llinies d'absorción fuertes y variables de dalgunos metales. El so acompañante ye una estrella de la secuencia principal asemeyada a les componentes de Porrima (γ Virginis) con una temperatura de 6900 K. Ye 4,5 vegaes más lluminosa que'l Sol y tien una masa de 1,49 mases solares. El so radiu ye un 48% más grande qu'el del Sol y la so velocidá de rotación proyeutada ye de 13 km/s. La edá de dambes estrelles envalórase en 630 millones d'años.[3]

El periodu orbital del sistema ye de 7,75 díes y la órbita tien una escentricidá de ε = 0,0945.[3] Nel eclís principal —cuando la estrella F0V intercepta la lluz del so acompañante— el rellumu de la binaria mengua 0,47 magnitúes, ente que nel secundariu la cayida de rellumu ye de 0,24 magnitúes.[4]

Referencies[editar | editar la fonte]