Julio Anguita

De Wikipedia
Saltar a navegación Saltar a la gueta
Julio AnguitaPicto infobox character.png
(Julio Anguita) José María Aznar recibe al coordinador general de Izquierda Unida (cropped).jpg
Escudo oficial de Córdoba (España).svg
alcalde de Córdoba

18 abril 1979 - 1 febreru 1986
Antonio Alarcón Constant - Herminio Trigo
Escudo de Andalucía (oficial2).svg
diputáu del Parllamentu d'Andalucía

22 xunu 1986 - 21 payares 1989
Distritu: Córdoba (es) Traducir
Logo PCE, 1977-2018.svg
secretariu xeneral del Partíu Comunista d'España

21 febreru 1988 - 7 avientu 1998
Gerardo Iglesias - Francisco Frutos (es) Traducir
Logo Izquierda Unida, versión bocadillo.svg
Coordinador xeneral d'Izquierda Xunida

1 payares 1989 - 29 ochobre 2000
Gerardo Iglesias - Gaspar Llamazares
Escudo de España (mazonado).svg
Diputáu nel Congresu de los Diputaos d'España

17 payares 1989 - 13 abril 1993
Distritu: Madrid
Eleiciones: eleiciones xenerales d'España de 1989
Escudo de España (mazonado).svg
Diputáu nel Congresu de los Diputaos d'España

21 xunu 1993 - 27 marzu 1996
Distritu: Madrid
Eleiciones: eleiciones xenerales d'España de 1993
Escudo de España (mazonado).svg
Diputáu nel Congresu de los Diputaos d'España

26 marzu 1996 - 5 abril 2000
Distritu: Madrid
Eleiciones: eleiciones xenerales d'España de 1996
Vida
Nacimientu

Fuengirola21  de payares de 1941

[1]
Nacionalidá Flag of Spain.svg España
Residencia Córdoba
Llingua materna castellanu
Muerte

Córdoba[2]16  de mayu de 2020

[3] (78 años)
Causa de la muerte Paru cardiorrespiratoriu[3]
Familia
Fíos/es
Estudios
Estudios Universidá de Barcelona
Llingües castellanu
Oficiu
Oficiu políticuprofesor
Llugares de trabayu Madrid
Seudónimu/os El Califa Rojo
Creencies
Partíu políticu Partíu Comunista d'España
Izquierda Xunida
IMDb nm0029947
Cambiar los datos en Wikidata

Julio Anguita González (21  de payares de 1941Fuengirola - 16  de mayu de 2020Córdoba) foi un maestru y políticu español.[4] A lo llargo de la so carrera política ostentó distintos puestos: foi alcalde de Córdoba ente 1979 y 1986 (dómina na que los medios de comunicación diéron-y el llamatu de «califa rojo» o «el califa»), secretariu xeneral del Partíu Comunista d'España (PCE) y coordinador xeneral d'Izquierda Xunida (IX).[5]

Baxo la so direición, la coalición IX algamó los sos mayores ésitos eleutorales, superando llargamente los 2 millones de votos nes xenerales de 1993 y 1996, algamando nesti últimu añu más d'un 10 % de los votos y 21 diputaos. El so periodu al mandu d'Izquierda Xunida estremóse pola desixencia de concretar alcuerdos programáticos y el refugu a la corrupción.[6] Tres la so marcha, IX empecipió una fase de cayente que, de la mano de Francisco Frutos primeru y Gaspar Llamazares dempués, llevólu a consiguir namái 2 diputaos nes eleiciones xenerales de 2008.

Separtáu de la política activa por una afección cardiaca, Julio Anguita siguió participando en distintos actos y alternatives pa llograr los oxetivos ideolóxicos d'esquierdes ente los que s'atopa un Estáu republicanu. Formaba parte del Colectivo Prometeo y del Frente Cívico Somos Mayoría, del que foi fundador.

Biografía[editar | editar la fonte]

Julio Anguita nació'l 21 de payares de 1941 na llocalidá malagueña de Fuengirola. Miembru d'una familia de militares, allonxóse de la tradición familiar al facer estudios de Maxisteriu y, darréu, llicenciase n'Hestoria na Universidá de Barcelona. Maestru d'oficiu, en 1972 afilióse al entós clandestín Partíu Comunista d'España (PCE) y en 1977 aportó al Comité Central del partíu n'Andalucía.[7]

Alcalde de Córdoba[editar | editar la fonte]

Nes eleiciones municipales d'abril de 1979 presentóse como candidatu del PCE a l'alcaldía de Córdoba, llogrando ser el más votáu anque quedó llonxe de la mayoría absoluta —el PCE llogró 8 de los 27 conceyales en xuegu—.[8] Anguita decidió formar un gobiernu de concentración xuntu al restu de fuerces polítiques (PSOE, UCD y PSA), polo que foi escoyíu rexidor municipal. D'esta miente, convirtióse nel primer y únicu alcalde comunista d'una capital de provincia.[9] A la so llegada al poder, Anguita atopóse una mala situación na ciudá, y los sos primeros meses al mandu de la alcaldía atopóse con numberosos problemes. Daquella Córdoba yera una ciudá braeramente degradada y con una urxente necesidá d'intervenciones urbanes, especialmente na zona ablayada qu'había alredor de les instalaciones ferroviaries. La so llegada al poder coincidió cola crisis económica de los años 1970 y el zarru de munches empreses, como foi'l casu de la fábrica de Westinghouse.

Los problemes dientro del gobiernu de concentración tamién empezaron dende bien aína. Les rellaciones col PSOE enterriáronse darréu de la alquisición de la empresa privada d'autobuses Aucorsa, entós nun estáu ruinosu, con un costu de 200 millones pa les arques municipales; la posterior compra d'una nueva flota d'autobuses per valor de 300 millones de pesetes y la xestión de la operación supunxeron un nuevu desencuentru ente socialistes y comunistes.[10] En 1980 tantu'l PSOE como la UCD bloquiaron delles iniciatives económiques, como la creación d'una cadena de radio llocal de calter públicu, la xestión de la empresa municipal d'agües, o la revisión del PGOU. L'españíu d'un nuevu escándalu a raigañu del llamáu «Caso Provienco» —la compra municipal d'un inmueble que Anguita autorizó ensin conocencia nin aprobación de la corporación municipal— llevó a la rotura definitiva col PSOE.[11] Poco dempués tamién llegaría la rotura cola UCD pol enfrentamientu que Anguita caltuvo col obispu de Córdoba, a cuenta de la cesión del antiguu conventu de Santa Clara a un colectivu musulmán encabezáu pol saudín Alí Ketanni. Sicasí, esta cesión nun espolletaría y quedó en nada.

Pesie a la crisis económica que travesaba la ciudá y de los problemes que travesaba'l gobiernu municipal, la so popularidá ente la población cordobesa siguió siendo bastante elevada. Nes eleiciones municipales 1983 foi reelexíu como alcalde, pero esta vegada por mayoría absoluta (17 conceyales).[9] Tres esti aplastante trunfu empezóse-y a conocer como'l «Califa rojo».[5] La nueva mayoría absoluta del PCE llevaría a la formación d'un tándem de gobiernu ente Anguita y el so teniente d'alcalde, Herminio Trigo. Ye reseñable que sedría per esta dómina cuando se solicitó a la UNESCO la declaración de la Mezquita-catedral de Córdoba como Patrimoniu Cultural de la Humanidá, cosa que finalmente se llogró en 1984.[12]

Dempués de 1983, tres l'apolmonante victoria socialista nes eleiciones xenerales de 1982, Anguita caltuvo una actitú d'enfrentamientu y de ciertu victimismu frente al gobiernu central y otres instituciones gobernaes por socialistes. Esta nueva política llevó a que'l desenvolvimientu de la ciudá viérase notablemente paralizáu.[9] La construcción d'una nueva Estación de ferrocarril foi otru de los asuntos polémicos d'esta dómina. Anguita caltuvo numberosos enfrentamientos con RENFE y el Ministeriu de Fomentu, dada la pretensión de Anguita de que los terrenes lliberaos de l'antigua estación pasaren a propiedá del Conceyu y que fuera l'Estáu quien financiara puramente les obres de la nueva estación, una idea que topetó cola oposición de RENFE y el ministeriu. La posición d'Anguita provocó que la construcción de la nueva Estación quedara paralizada mientres casi una década. En 1985 unvió una carta al entós presidente del gobiernu, Felipe González, na que s'oponía al pidimientu d'esti d'impulsar la construcción dende los conceyos d'España, como solución al problema del paru; nella tamién defendía l'autonomía municipal y respetar la Llei del Suelu vixente nesi momentu pa impulsar un modelu urbanísticu sostenible. Arriendes, Anguita dio a la conxelación de les llicencies d'obres y del Plan Xeneral d'Ordenación Urbana (PGOU), decisión qu'atopó un ampliu refugu dende numberosos sectores de Córdoba, inclusive cola oposición del so teniente d'alcalde y compañeru de partíu, Herminio Trigo.[13] A empiezos de 1986 dimitió del so cargu y arrenunció a presentase de nuevu como alcalde pa les siguientes eleiciones. Sicasí, poco dempués saltaría al ámbitu políticu andaluz al convertise en candidatu d'Izquierda Xunida (IX) a la Presidencia de la Xunta d'Andalucía.

Secretariu xeneral del PCE y coordinador d'IX[editar | editar la fonte]

Fotografiáu xuntu con José María Aznar en 1999 en La Moncloa.

L'estrueldosu fracasu del PCE nes eleiciones xenerales de 1982 llevó a que se plantegara un seriu procesu de reorganización interna. Foi en 1986 cuando'l PCE, al pie de otres fuerces polítiques minoritaries, punxeron les bases pa la fundación d'Izquierda Xunida (IX). De cara a les eleiciones autonómiques andaluces de 1986, IX llogró'l 18 % de los votos y 19 escaños, como una amuesa del ésitu de la nueva marca.

En febreru de 1988 foi escoyíu secretariu xeneral del PCE y al añu siguiente púnxose al mandu d'Izquierda Xunida, llogrando'l so escañu nel Congresu de los Diputaos mientres les elecciones de 1989. Foi tamién escoyíu diputáu y voceru del grupu parlamentariu d'Izquierda Xunida nel Congresu de los Diputaos en 1993 y 1996, años en qu'IX llogró los sos meyores resultaos eleutorales, en redol al 10 % de los votos. Defendió una llinia política pa Izquierda Xunida basada na teoría de les dos veres (basáu nel afitamientu de diferencies ente, d'una parte, el Partíu Popular y el Partíu Socialista Obreru Español, y de la otra, Izquierda Xunida) y el sorpasso (según el que IX tenía d'aspirar a devasar al PSOE como fuerza hexemónico de la esquierda n'España). Coles mesmes, afirmó que los alcuerdos col PSOE teníen d'afitase baxu alcuerdos programáticos concretos, y enxamás por sistema (conceición espresada nel so conocíu lema: programa, programa, programa).[14]

En sepiembre de 1997, na fiesta del PCE, Anguita anunciaba que diben defender una España republicana y federal, y na fiesta del añu siguiente, defendió'l derechu d'autodeterminación de los pueblos, y esclariaba qu'el so partíu namái aceutara la Monarquía de forma temporal, mentanto la transición, pa llegar al consensu, siempres y cuando se desenvolviera la constitución.[15]

Dexó la secretaría xeneral el 5 d'avientu de 1998 mientres el XV Congresu del PCE, pidiendo a los militantes comunistes que reivindicaren los principios del anticapitalismu, antisistema y la llucha por una sociedá igualitaria. Equiparó no político al PSOE y al PP y llamó a rebatu a la militancia pa recuperar la llucha na cai.[16]

Dempués d'un tercer problema cardiovascular, a finales de 1999 dexó la candidatura a la Presidencia del Gobiernu de les eleiciones de 2000 a Francisco Frutos alegando razones de salú. Na VI Asamblea d'Izquierda Xunida, n'ochobre de 2000, foi sustituyíu nel cargu de coordinador xeneral por Gaspar Llamazares. Foi de los pocos políticos qu'en tando más d'ocho años como parllamentariu arrenunció a la pensión de xubilación como exdiputáu y recibió la de maestru d'escuela.[17]

Refundación de la esquierda[editar | editar la fonte]

Artículu principal: Refundación de la Izquierda
Julio Anguita en 2014

El 1 de xunu de 2005, nel XVII Congresu del PCE, presentó un documentu nel que se llamaba a la refundación del partíu, y cavilgábase tocante al Movimientu Comunista Internacional. Señaló l'impactu negativu que traxo la cayida de la Xunión Soviética y el acriticismu y sumisión de los sindicatos y l'Esquierda al orde capitalista afitáu.[18] El 22 d'abril de 2008, unvió al Comité Federal del PCE un documentu nel que defendía la necesidá d'una refundación d'IX. Na so carta, atribuyó la debacle eleutoral a la falta d'una llinia clara", y a la inesistencia d'un programa coherente. Defendió la democracia radical, la llucha pola III República y el federalismu, tantu para'l modelu organizativu de la coalición como pal modelu d'estáu defendíu. Al so xuiciu, l'alderique tendría d'abrise na siguiente asemblea federal d'IX.[19]

Caberos años y muerte[editar | editar la fonte]

Finó el 16 de mayu de 2020 a los 78 años d'edá nel Hospital Reina Sofía de Córdoba au llevaba ingresáu dende'l sábadu 9 de mayu, en sufriendo una parada cardiaca na so casa.[4][20]

Familia[editar | editar la fonte]

Primeramente tuvo casáu con Antonia Parrado Rojas, cola que tuvo dos fíos: Julio Anguita Parrado y Ana Anguita Parrado.[21] En 2007 casóse con María Agustina Martín Caño, a la que conociera nel Institutu Blas Infante de Córdoba, au dambos daben clase, y al qu'Anguita incorporárase en dexando la política activa.

Maldites seyan les guerres y los canalles que les faen[editar | editar la fonte]

El so fíu, Julio Anguita Parrado estudió periodismu y fixo un cursu de corresponsal de guerra en Quantico (Virginia, EE. UU.) entamáu por El Pentágonu. Foi a trabayar como corresponsal de guerra a Iraq, au treslladóse'l 21 de marzu de 2003 xuntu cola 3ª División d'Infantería del Exércitu estauxunidense. El 7 d'abril, yá en Bagdad, algamó-y un misil causándo-y la muerte. En siendo repatriáu, foi soterráu na so ciudá natal el 16 d'abril de 2003.Julio Anguita, n'aquelles fechas escoordinador xeneral d'Izquierda Xunida, recibió la noticia de la muerte del so fíu cuando iba a intervenir nun actu organizáu pola Unidad Cívica Republicana nel «Teatro Federico García Lorca de Getafe (Madrid). Xubió al estráu y manifestó, visiblemente emocionáu:

El mio fíu mayor, de 32 años, acaba de morrer, cumpliendo les sos obligaciones de corresponsal de guerra. Hai 20 díes que tuvo conmigo y díxome que quería dir a primera llinia. Los que lleeron les sos cróniques saben que yera un home mui abiertu y bon periodista. Cumplió col so deber, poro, yo voi dirixir la pallabra pa cumplir col míu .../... Foi un misil iraquí, pero ye lo mesmo, lo único que puedo dicir ye que vendré n'otra ocasión y siguiré combatiendo pola tercera república. Maldites seyan les guerres y los canalles que les faen.

Mi hijo mayor, de 32 años, acaba de morir, cumpliendo sus obligaciones de corresponsal de guerra. Hace 20 días estuvo conmigo y me dijo que quería ir a la primera línea. Los que han leído sus crónicas saben que era un hombre muy abierto y buen periodista. Ha cumplido con su deber y yo por tanto voy a dirigir la palabra para cumplir con el mío .../... Ha sido un misil iraquí, pero es igual, lo único que puedo decir es que vendré en otra ocasión y seguiré combatiendo por la tercera república. Malditas sean las guerras y los canallas que las hacen.

La fras Maldites seyan les guerres y los canalles que les faen" quedó como una espresión antibélica n'España.

Publicaciones[editar | editar la fonte]

  • Desamortización eclesiástica en la ciudad de Córdoba (1836-1845) (1984)
  • Otra Andalucía: Julio Anguita y Rafael Alberti, mano a mano(1986)
  • Prólogo de El libro de las 35 horas, autores varios (1998)
  • Corazón Rojo: la vida después de un infarto (2005)
  • El tiempo y la memoria, junto a Rafael Martínez Simancas (2006)
  • Prólogo de La Globalización Neoliberal y sus repercusiones en la educación, d'Enrique Díez (2007)
  • Prólogo de Diego Cañamero Valle, el hombre con los pies en la tierra, de Joaquín Recio (2010)
  • Prólogo de Razones para la rebeldía (de Willy Toledo) (2011)
  • Combates de este tiempo[22] (2011)
  • Conversaciones sobre la III República,[23] junto a Carmen Reina (2013)
  • A la izquierda de lo posible: conversación entre Julio Anguita y Juan Carlos Monedero, xunto a Juan Carlos Monedero (2013)
  • Contra la ceguera, xunto a Julio Flor (2013)
  • ¡Rebelión! (2014)
  • Atraco a la memoria. Un recorrido histórico por la vida política de Julio Anguita, xunto a Juan Andrade Blanco (2015)

Referencies[editar | editar la fonte]

  1. Afirmao en: Munzinger-Archiv. Identificador Munzinger: 00000018544. Apaez como: Julio Anguita Gonzalez. Data de consulta: 9 ochobre 2017. Llingua de la obra o nome: alemán.
  2. 2,0 2,1 2,2 «Muere Julio Anguita en Córdoba a los 78 años» (castellanu). El Mundo. Unidad Editorial. Consultáu'l 16 mayu 2020.
  3. 3,0 3,1 «Muere Julio Anguita en Córdoba» (castellanu). ABC. Consultáu'l 16 mayu 2020.
  4. 4,0 4,1 Jiménez, María Eugenia Vílchez, Álvaro Guerrero (2020-05-16). «Muere Julio Anguita, el 'Califa Rojo'» (es). Cadena SER. Consultáu'l 2020-05-16.
  5. 5,0 5,1 «El 'califa rojo'». El País (11 de febrero de 1988).
  6. Rafael Ribó defiende con pasión la unidad de la izquierda ante un Anguita reticente, El País, 16 de junio de 1997.
  7. Biografía de Gaspar Llamazares. Izquierda Unida.es.
  8. Francisco Solano Márquez Cruz (1993); Córdoba capital. Volumen I: Historia, pág. 351
  9. 9,0 9,1 9,2 Francisco Solano Márquez Cruz (1993); Córdoba capital. Volumen I: Historia, pág. 353
  10. Juan de Dios Mellado (2005). Crónica de un Sueño: Memoria de la transición democrática en Córdoba, C&T Editores, pág. 104
  11. Juan de Dios Mellado (2005). Crónica de un Sueño: Memoria de la transición democrática en Córdoba, C&T Editores, pág. 116
  12. Juan de Dios Mellado (2005). Crónica de un Sueño: Memoria de la transición democrática en Córdoba, C&T Editores, pág. 132
  13. «Socialistas y empresarios de Córdoba, contra la política urbanística de Anguita». ABC de Sevilla (7 de junio de 1985).
  14. «Izquierda Unida y la ética de la responsabilidad». El País (11 de setiembre de 1997). Consultáu'l 24 de abril de 2012.
  15. Anguita pide la autodeterminación e insiste en que el PCE quiere un Estado federal republicano, El País, 20 de setiembre de 1998.
  16. Anguita se despide del PCE con una llamada a los comunistas para que defiendan sus valores, El País, 6 de diciembre de 1998.
  17. «Julio Anguita y la integridad». ABC (9 de marzo de 2011). Archiváu dende l'orixinal, el 19 de marzo de 2011. Consultáu'l 4 de mayo de 2011.
  18. "Refundar, reconstruir el PCE, por Julio Anguita González", Profesionales PCM, 1 de junio de 2005.
  19. «Julio Anguita llama a la refundación de Izquierda Unida». El País (22 de abril de 2008). Consultáu'l 16 de mayo de 2011.
  20. «Muere Julio Anguita en Córdoba» (es). ABC (periódico) (16 de mayo de 2020). Consultáu'l 16 de mayo de 2020.
  21. «Biografía de Julio Anguita». www.buscabiografias.com. Consultáu'l 18 de mayo de 2019.
  22. Alba, Ángela (2011-12-22). «Anguita vuelve la vista al pasado en su nuevo libro para explicar la actual crisis» (es-es). Consultáu'l 2020-05-16.
  23. «Presentación del libro de Julio Anguita y Carmen Reina "Conversaciones sobre la III República"». Archiváu dende l'orixinal, el 19 de abril de 2013. Consultáu'l 8 de mayo de 2013.

Enllaces esternos[editar | editar la fonte]


Predecesor:
Antonio Alarcón Constant
Escudo oficial de Córdoba (España).svg
Alcalde de Córdoba

1979-1986
Socesor:
Herminio Trigo
Predecesor:
Ninguno
Logo IU 1989-2008.svg
Coordinador xeneral d'IULV-CA

1984-1988
Socesor:
Luis Carlos Rejón
Predecesor:
Felipe Alcaraz
Logo IU 1989-2008.svg
Portavoz del Grupo IULV-CA en el Parllamentu d'Andalucía

1986-1988
Socesor:
Felipe Alcaraz
Predecesor:
Gerardo Iglesias
Logotipopce.svg
Secretariu xeneral del Partíu Comunista d'España

1988-1998
Socesor:
Francisco Frutos
Predecesor:
Gerardo Iglesias
Logo IU 1989-2008.svg
Coordinador xeneral d'Izquierda Unida

1989-2000
Socesor:
Gaspar Llamazares
Predecesor:
Nicolás Sartorius
Logo IU 1989-2008.svg
Portavoz del Grupo IU-IC en el Congresu de los Diputaos

1993-2000
Socesor:
Francisco Frutos